கமல்ஹாசனின் 255 அவதாரங்களும் கிடைக்க வேண்டிய அங்கீகாரமும்!

First topic message reminder :




உலக நாயகன் கமல்ஹாசன் சமீபத்தில் நடித்து வெளிவந்து வெற்றிகரமாக ஓடிய படம் தசாவதாரம். இந்தப் படத்தில் குடுமி வைத்த வைணவ இளைஞன் தொடங்கி அமெரிக்க அதிபர் வேடம் வரை 10 வித்தியாசமான கெட்டப்களில் தோன்றி கமல் தனது நடிப்பாற்றலை சிறப்பான முறையில் வெளிப்படுத்தி இருப்பார்.

இரட்டை வேடங்கள், 3 வேடங்கள், நான்கு வேடங்கள், 10 வேடங்கள் என்று கமல் பல படங்களில் வித்தியாசத்தைக் காட்டியிருந்தாலும் அவரது ஒவ்வொரு படமும் அவருக்கு ஒரு அவதாரமே.

ஆனால் நடிக்க வந்த இந்த 50 ஆண்டுகளில் கமல்ஹாசன் இதுவரை 250க்கும் அதிகமான அவதாரங்கள் எடுத்திருக்கிறார். ஒவ்வொரு படத்திலும் அவர் ஏற்று நடித்தது ஒரு கதாபாத்திரம் என்று சொல்லிவிட முடியாது. ஒவ்வொரு படமும் அவர் எடுத்த ஒரு புது அவதாரம் என்று சொல்லுமளவுக்கு அவரது நடிப்பு அமைந்திருந்தது.

உலக நாயகன் கமல் குழந்தை நட்சத்திரமாக அறிமுகமான படம் களத்தூர் கண்ணம்மா. இந்தப் படம் கடந்த 1960ம் ஆண்டு ஆகஸ்ட் 12ம் தேதி வெளியானது. அதன் படப்பிடிப்புகள் தொடங்கியது 1959. எனவே, இந்த ஆண்டு உலக நாயகனின் திரையுலக பொன்விழாவாக கொண்டாடப்படுகிறது.

தமிழ், தெலுங்கு, மலையாளம், கன்னடம் என்று தென்னிந்திய மொழிகளில் மட்டுமின்றி இந்தி மற்றும் பெங்காளி ஆகிய வெவ்வேறு படங்களிலும் தனது நடிப்பாற்றலை வெளிப்படுத்தியவர்.

கடந்த 50 ஆண்டுகளாக திரையுலகிற்கு நடிப்பு மட்டுமின்றி இயக்கம், தயாரிப்பு என பல்வேறு துறைகளிலும் கமல் ஆற்றிய பங்கு அளவிடற்கரியது. அவரது இந்தத் திரையுலக சாதனைகளுக்காக அவருக்கு பல விருதுகள் வழங்கப்பட்டுள்ள போதிலும், திரைத்துறைக்காக வழங்கப்படும் உயரிய விருதான தாதா சாகேப் பால்கே விருது இந்த ஆண்டில் அவருக்கு வழங்கப்படுவது அந்த விருதுக்கு பெருமை சேர்ப்பதாக இருக்கும்.

சத்யஜித்ரேவுக்கு ஆஸ்கர் அமைப்பு வாழ்நாள் சாதனையாளர் விருது வழங்கிய பிறகு தான் விழித்துக் கொண்ட இந்திய அரசு அவருக்கு பாரதரத்னா விருது வழங்கியது.

அத்தகையை தவறை, கமல்ஹாசன் என்ற தன்னிரகற்ற இந்தியக் கலைஞனின் விஷயத்தில் அரசு செய்யாதிருக்க வேண்டும் என்பதே சினிமா விமர்சகர்கள் பலரது கருத்தாக இருக்கும்.

150-க்கும் மேற்பட்ட நேரடிப் படங்களைப் பூர்த்தி செய்துள்ள கமல்ஹாசன் நடித்து வெளிவந்த மொத்த படங்கள் 255.

ஆம் நிஜம் ,கமல் சினிமாவில் தொட்ட இடத்தை எந்த நடிகரும் தொடவில்லை ஆனால் , இப்ப உள்ள நடிகர்கள் தரும் (builtup) தாங்கமுடியவில்லை

"நிறைகுடம் தழும்பாது குறைகுடம் கூத்தாடும்" என்று சும்மாவா சொன்னார்கள். கமல்ஜியிடமிருந்து தொழில்கற்றவர்கள்தான் தமிழ் சினிமாவில் அதிகம்! ஆனால் அவரையும் மிஞ்சிவிட்டதாக கற்பனையில் மிதக்க ஆரம்பித்து விடுகிறார்கள்!

என்னை பொருத்தவரை , அவருக்கு ஆஸ்கர் விருது தேவையெல்லை. அதை எல்லாம் தாண்டியவர். தமிழ்ர்க்கு கிடைத்த மாபெரும் பெருமை அவர். சினிமாவிற்க்காவே வாழ்பவர்.

ஆஸ்கார் விருதளித்தால் அது கமலுக்கு பெருமையல்ல! அந்த விருதுக்குத்தான் பெருமை!

உடல் மற்றும் இரத்தம் தானம் பற்றி சமுதாயத்திலும் மாற்றம் ஏற்படுத்தியவர்.

" THE LIVING LEGEND"

இந்தியாவிலேயே அதிகமாக விருதுகள் பெற்றவர் என்று கேள்விப்பட்டேன், உண்மையா?

மிக அதிகமான FilmFare Award பெற்றவரும் அவர்தான்.