அப்பப்பா! ராகுலின் எம்.ஃபில் பட்டத்தில் உள்ள குளறுபடிகள்!

நிசாந்தன் · நிசாந்தன் Wed Nov 10, 2010 1:26 am

இந்தியாவின் அடுத்த பிரதமராகுவார் என்று காங்கிரஸ் கட்சியாலும், சோனியா குடும்பத்தாலும் தலையில் வைத்துக் கொண்டாடப்படும் ராகுல் காந்தி லண்டன், கேம்பிரிட்ஜ் பல்கலைக்கழகத்தில் பெற்ற எம்பில் படிப்பு பற்றிய சான்றிதழ் இப்போது வெளியாகி பல சர்ச்சைகளைக் கிளப்பியுள்ளது.

தேர்தல் வேட்பாளராக இந்த வாரக் கடைசியில் ராகுல் நிரப்பியுள்ள பத்திரங்களில், இப்படிப்புப் பற்றி அவர் கொடுத்துள்ள பல தகவல்கள் உண்மைக்கு மாறாக உள்ளன. தாம் 1995 ஆம் ஆண்டில் Developmental Economics என்ற துறையில் எம்.ஃபில் பெற்றுள்ளதாக அவர் பத்திரத்தில் நிரப்பியுள்ளார்.

ஆனால் மேற்படி படிப்புக்காக கேம்பிரிட்ஜ் பல்கலைக்கழகம் வழங்கியுள்ள சான்றுப் பத்திரத்தில் இந்தத் திகதி மற்றும் அவர் எடுத்த பாடங்கள் எல்லாமே வேறாக உள்ளன. இவர் 1995 ஆம் ஆண்டில் படித்ததாகக் கூறியுள்ளார். ஆனா பல்கலைக்கழக சான்றிதழின் பிரகாரம் 2004-05 ஆம் கல்வியாண்டிலேயே ராகுல் அங்கு படித்துள்ளார்.

அதோடு ராகுல் குறிப்பிட்டது போல Developmental Economics என்ற துறையில் அவர் எடுக்கவே இல்லை. Development studies என்ற துறையில் அவர் எடுத்துள்ளார். போதாததற்கு தேசிய பொருளாதார திட்டமிடல் மற்றும் கொள்கை (National Economics & Policy) என்ற பாடத்தில் அவர் சித்தியடையவில்லை.

பொதுவாக லண்டனில் 60 க்கு மேற்பட்ட புள்ளிகள் எடுத்தால் மட்டுமே அப்பாடத்தில் சித்தியடைய முடியும், ஆனால் ராகுலுக்கு 58 மட்டுமே கிடைத்துள்ளது. இதில் என்ன கொடுமை என்றால், ஒரு நாட்டில் பிரதமராக வருவார் எனக் கனவு காணப்படும் ஒருவர் ஒரு நாட்டின் பொருளாதாரத் திட்டமிடல், கொள்கை பாடத்தையே கோட்டை விட்டுள்ளார்.

தான் படித்த காலத்தையோ அல்லது படித்த பாடத்தையோ மறந்துள்ள ராகுல், சகல பாடங்களிலும் சித்தியடைவார் என்று எதிர்பார்த்தால் அது எங்கள் முட்டாள் தனமாக இருக்கும்.

இதுதவிர, பல நாடுகளின் முக்கியஸ்தர்கள் படிக்கும் கேம்பிரிட்ஜ் பல்கலைக்கழகத்தில், ராகுல் காந்தி என்ற பெயரில் அவர் பட்டம் பெறவில்லை. ராகுல் வின்சி என்ற போலிப் பெயரே அங்கு பதிவாகியுள்ளதும் சுட்டிக்காட்டத்தக்கது.

ராகுல் காந்தியில் கல்வித் தகைமைகள் பற்றி தற்போது ஊடகங்கள் விமர்சிப்பது போலவே, கடந்த 2004 ஆம் ஆண்டில் ராகுலின் தாயான சோனியாவின் கல்வித் தகைமைகள் பற்றியும் சில முரண்பாடான செய்திகள் வந்திருந்தன. அதாவது கேம்பிரிட்ஜ் பல்கலைக்கழகத்துடன் இணைந்த லென்னொக்ஸ் குக் பாடசாலையில் ஆங்கிலத்தில் ஒரு சான்றிதழைச் சோனியா பெற்றதாகக் கூறப்பட்டது.

ஆனால் உண்மையில் அப்பாடசாலைக்கும் பல்கலைக்கழகத்துக்கும் ஒரு தொடர்பும் இல்லையென பின்னர் கண்டுபிடிக்கப்பட்டது. இதன்பின்னர், தட்டச்சுச் செய்ததில் ஏற்பட்ட தவறு காரணமாகவே பல்கலைக்கழகமும் பாடசாலையும் இணைந்து இயங்குவதாகக் குறிக்கப்பட்டது என சோனியா வருத்தம் தெரிவித்திருந்தார்.

அம்மாவின் கட்டம் முடிந்து இப்போது பிள்ளையில் கட்டம் நடந்து வருகிறது!

அப்பப்பா! ராகுலின் எம்.ஃபில் பட்டத்தில் உள்ள குளறுபடிகள்!

அப்பப்பா! ராகுலின் எம்.ஃபில் பட்டத்தில் உள்ள குளறுபடிகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக