தனிநாடு பிரித்துக் கொடுப்பது பற்றி ஒபாமா இந்தியாவுடன் பேச வேண்டும்

நிசாந்தன் · நிசாந்தன் Wed Nov 10, 2010 1:21 am

இந்தியாவுக்குச் சுற்றுப்பயணம் மேற்கொண்டுள்ள அமெரிக்க ஜனாதிபதி பராக் ஒபாமா ஈழத் தமிழர்களுக்கென இலங்கையில் தனிநாடு பிரித்துக் கொடுப்பது பற்றிய விடயத்தையும் இந்திய அரசுடன் பேச வேண்டும் என ஒபாமாவுக்கான தமிழர் அமைப்பு வேண்டுகோள் விடுத்துள்ளது. சூடான் நாட்டிலும் இலங்கையில் உள்ளதுபோல உள்நாட்டுப் போர் இருக்கிறது. சூடானை இரு நாடுகளாகப் பிரித்துக் கொடுப்பதில் ஒபாமா நிர்வாகம் ஆதரவு காட்டியுள்ளது. இதேபோலவே இலங்கையிலும் அக்கறை காட்டவேண்டும் என்று அவ்வமைப்பு வேண்டுகிறது.

மேலும், இலங்கை அரசாங்கம் நடந்துகொள்ளும் முறையானது இலங்கை உள்நாட்டுப் போரை மீளவும் வெடிக்கச் செய்யும் எனத் தாம் எண்ணுவதாகக் கூறியுள்ள ஒபாமாவுக்கான தமிழர் அமைப்பின் பேச்சாளர், எவ்வளவு காலத்துக்கு இப்போர் நீடிக்கும், எத்தனை தடவைகள் அடங்கிப்போய் மீண்டும் வெடிக்கும் என்றெல்லாம் ஊகிக்க முடியாதுள்ளது என்றும் சுட்டிக்காட்டினார். எனவே சூடான் பிரச்சனையைக் கையாண்டது போலவே இதையும் கையாள்வது அவசியம் என்று குறிப்பிட்டார் அவர்.

இதுகுறித்து தாம் ஒபாமாவுக்கு எழுதியுள்ள கடிதத்தில் சுட்டிக்காட்டியதாகத் தெரிவித்த அவர், இலங்கைச் சிங்களவர்களுக்கு ஆதரவு தெரிவித்துவரும் சீனா, பாகிஸ்தான் மற்றும் ஈரான் போன்ற நாடுகள் அமெரிக்காவுக்கோ அல்லது இந்தியாவுக்கோ நண்பர்கள் அல்ல என்பதையும் குறிப்பிட்டுள்ளதாகச் சொன்னார். இந்த நாடுகள் தங்களுக்கு நன்மையை ஏற்படுத்தும் விதமாக இந்து சமுத்திரத்தில் பிரச்சனையைக் கிளறுகின்றன என்பதையும் ஒபாமாவுக்கான தமிழர் அமைப்பு தெளிவாகச் சுட்டிக்காட்டியுள்ளது.

தனிநாடு பிரித்துக் கொடுப்பது பற்றி ஒபாமா இந்தியாவுடன் பேச வேண்டும்

தனிநாடு பிரித்துக் கொடுப்பது பற்றி ஒபாமா இந்தியாவுடன் பேச வேண்டும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக