பிரிவுத் துயரில் படும் துயரம் (கவிதை)

**kirikasan** · **kirikasan** Tue Nov 09, 2010 4:04 pm

இந்தக் கவிதை கொஞ்சம் திருத்தியமைத்து கீழே திரும்பவும் போட்டிருக்கிறேன்.இங்கே
http://www.eegarai.net/-f68/--t46559.htm#435750

நீ அழுதால் நான் வருவேன் செல்லமே -என்
நினைவழுதால்ஏது செய்வேன் அன்னமே
பூ அழுதால் தேன் வடியும் இதழிலே பகற்
பொழுதழுதால் இருள் பரவும் மாலையே

மீனழுதால் நீரறியும்; வானிலே அந்த
மேகமழை முகில்விழிநீர் ஆகுமே
நானழுதால் நடப்பதென்ன பாரிலே ஒரு
நாளும் மனம் தெரிவதில்லை யாருமே

தாயழுது நான் பிறந்தேன் பூமியில்- ஒரு
தரம் அழுது நிலம்விழுந்தேன் சேயிலே
வாயழுது சோர்ந்துவிட்டேன் வாழ்விலே இனி
வார்த்தையின்றி அழுதுகொள்வேன் நாளுமே

சேயழுதால் தாயெடுப்பாள் கையிலே அதை
சேர்த்தணைத்து கொஞ்சிடுவாள் அன்பிலே
பாய்படுத்தால் ஊரழுது பார்க்குமே -கரும்
பறைவைகூடிக் காகம்சாகக் கரையுமே

நோய்பிடித்தால் தேகம்அழும் கதறுமே - இந்த
நினவழுது யார் அழுவார் கூடியே
போய் அலைகள் கடலில் அழும் கரையிலே - வந்து
புரண்டழுதால் கவலையுண்டோ எவருமே

தாமரைப்பூ நீரிலாடும் போலவே நான்
தவித்துமனம் ஆடுகிறேன் அன்னமே
நீமறைந்து நிற்பதென்ன செல்லமே -என்
நினைவிருக்க வந்துவிடு முன்னிலே

விறகடுக்கி தீயிலிட்டால் தேகமே -சிறு
விரல் நகமும் மிச்சமில்லை சாம்பலே
உயிரிருக்கும் போதில் மட்டும் அன்னமே -இந்த
உலகமதில் எதுவும் உண்டு சொந்தமே

நிறமழிந்து வெளிறிவிட்டால் உடலுமே அந்த
நினைவழிந்து பிரிந்துவிடும் உலகிலே
மறந்து உனைவாழ்த லுண்டோ தனியவே -நல்ல
மாற்றத்துக்கு வழிநினைத்தால் ஆகுமே

**ரிபாஸ்** · **ரிபாஸ்** Tue Nov 09, 2010 4:07 pm

சூப்பர் நண்பா அருமையான வரிகள்

**சிவா** · **சிவா** Tue Nov 09, 2010 4:10 pm

///தாமரைப்பூ நீரிலாடும் போலவே நான்
தவித்துமனம் ஆடுகிறேன் அன்னமே
நீமறைந்து நிற்பதென்ன செல்லமே -என்
நினைவிருக்க வந்துவிடு முன்னிலே///

அருமையாக உள்ளது அண்ணா உங்களின் அழகு வரிகள்! பிரிவுத் துயரில் படும் துயரம் (கவிதை) 154550

பிரிவுத் துயரில் படும் துயரம் (கவிதை) 154550

அப்புகுட்டி · அப்புகுட்டி Tue Nov 09, 2010 5:01 pm

**kirikasan** · **kirikasan** Wed Nov 10, 2010 3:53 pm

அதே கவிதையை கொஞ்சம் மாற்றியுள்ளேன். பாருங்கள்.கருத்தும் தாருங்கள்!

நீ அழுதால் நான் வருவேன் அன்பெனும் தேரில் -என்
நினைவழுதால் யார்வருவார் நீயில்லை யாயின்
பூ அழுதால் தேன் வடியும் பூஇதழ் தன்னில் பகற்
பொழுதழுதால் இருள் பரவும் பூமியின்கண்ணில்

மீனழுதால் நீரறியு மாழ்கடல்தன்னில் அந்த
மேகமழை தான்முகிலின் ஊற்றிடும் கண்ணீர்
நானழுதால் நீயறிவாய் நாளதுதன்னில் -இன்று
நாளிலுயிர் வாடுகிறேன் நீயின்றி வீணில்

தாயழுது நான் பிறந்தேன் பூமியில் ஓர்நாள்- ஒரு
தரமழுது நிலம்விழுந்தேன் தரணியில் சேயாய்
வாயழுது சோர்ந்துவிட்டேன் வாழ்வினில் பூவாய் இனி
வார்த்தையின்றி அழுவது என் விதியடி பாவாய்

சேயழுதால் தாயெடுப்பாள் தீர்த்திடச் சோகம் அதை
சேர்த்தணைத்து கொஞ்சிடுவாள் சென்றிடும் கோபம்
நோய்பிடித்தால் தேகம்அழும் நொந்திடும் பாவம் - என்
நினைவழுது நேர்வது உன் நெஞ்சமே கூறும்

பாய்படுத்தால் ஊரழுது பார்க்குமே, காகம்- மாண்ட
பறவைக்காக சேர்ந்துஅழும் பெரிதொரு கூட்டம்
பாய் அலைகள் ஓடியழும் புரள்வது கடலில் - கரை
போயழுது திரும்பிவரும் தனிமையென் தவிப்பில்

தாமரைப்பூ நீரிலாடும் போலது நானும் - இங்கு
தவித்துமனம் ஆடுகிறேன் தாங்கியே நாளும்
நீமறைந்து நிற்பதென்ன நெஞ்சமே இன்னும் என்
நினைவிருக்க வந்துவிடு நிறம்கொள்ள வாழ்வும்

விறகடுக்கி தீயிலிட்டால் வேகுமே தேகம் -சிறு
விரல் நகமும் மிச்சமில்லை சாம்பலே ஆகும்
உறவிருக்கும் போதிலெனில் ஒன்றெனக் கூடு -இந்த
உலகமதில் எதுவும் இல்லை உயிர் சென்றபோது

நிறமழிந்து வெளிறிவிட்டால் உடலது வீணே அந்த
நினைவழிந்து பிரிந்துவிடும் உலகமே போமே
மறந்து உனைவாழ்த லுண்டோ மனமழ நிதமும் -நல்ல
மாற்றத்துக்கு வழியுமுண்டு மாறிடு மனமும்

Sponsored content · Sponsored content

பிரிவுத் துயரில் படும் துயரம் (கவிதை)

பிரிவுத் துயரில் படும் துயரம் (கவிதை)

Re: பிரிவுத் துயரில் படும் துயரம் (கவிதை)

Re: பிரிவுத் துயரில் படும் துயரம் (கவிதை)

Re: பிரிவுத் துயரில் படும் துயரம் (கவிதை)

Re: பிரிவுத் துயரில் படும் துயரம் (கவிதை)

Re: பிரிவுத் துயரில் படும் துயரம் (கவிதை)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக