பிற மாநிலங்களில் குற்றங்கள் : கருணாநிதி பட்டியல்

சென்னை : இந்தியாவிலேயே தமிழகத்தில் தான் மிகச்சிறப்பாக சட்டம் ஒழுங்கு பராமரிக்கப்படுகிறது என தெரிவித்துள்ள முதல்வர் கருணாநிதி, பிற மாநிலப் புள்ளி விவரங்களையும் பட்டியலிட்டுள்ளார்.

அவரது அறிக்கை: இந்தியாவிலேயே மிகச் சிறப்பாக சட்டம் ஒழுங்கு பராமரிக்கப்படும் மாநிலங்களில் ஒன்று தமிழகம். பசும்பொன் தேவர் குரு பூஜை மிகவும் அமைதியாக நடந்தது. இந்த ஆண்டும் விநாயகர் சதுர்த்தி ஊர்வலங்கள் அமைதிக்கு குந்தகமின்றி நடத்தப்பட்டது. போலீசாரின் சிறப்பான நடவடிக்கையால், எதிர்க்கட்சி தலைவர் எந்தவித அச்சுறுத்தலும் இன்றி மதுரை சென்று, கூட்டத்தை நடத்தி, பாதுகாப்பாக சென்னைக்கு திரும்பினார். தமிழகத்தில் மட்டுமே தொடர்ந்து அதிக எண்ணிக்கையில் கொலைக் குற்றங்களும், கொள்ளைகளும், கடத்தல்களும் நடப்பது போன்று ஒரு பொய் பிரசாரம் மேற்கொள்ளப்பட்டு வருகிறது.

கடந்த 2009ம் ஆண்டில் நடந்த 1,644 கொலைக் குற்றங்களில் 1,362 இனங்களில் குற்றவாளிகள் கண்டுபிடிக்கப்பட்டுள்ளனர். கடந்த 2008ம் ஆண்டில், சென்னையில் 11 ஆயிரத்து 829 குற்ற நிகழ்வுகள் நடந்துள்ளன. பெங்களூரில் 29 ஆயிரத்து 664 நிகழ்வுகளும், மும்பையில் 32 ஆயிரத்து 770 நிகழ்வுகளும், கோல்கட்டாவில் 13 ஆயிரத்து 5 நிகழ்வுகளும், டில்லியில் 49 ஆயிரத்து 350 நிகழ்வுகளும் நடந்துள்ளன. சென்னையில் 2008ம் ஆண்டில் 100 கொலைக் குற்றங்களும், டில்லியில் 554, பெங்களூருவில் 263, மும்பையில் 210 கொலைக் குற்றங்களும் நடந்துள்ளன. மற்ற மாநிலங்களோடு ஒப்பிட்டுப் பார்க்கும் போது, 2009ம் ஆண்டில் தமிழகத்தில் 573 கற்பழிப்பு குற்றங்கள் நிகழ்ந்த அதே நேரத்தில், ஆந்திராவில் 1,257, மகாராஷ்டிராவில் 1,558, மேற்கு வங்கத்தில் 2,263 குற்றங்களும் நடந்துள்ளன. இந்த ஒப்பீடுகளும், புள்ளி விவரங்களும், குற்றங்களை நியாயப்படுத்துவதற்காக அல்ல. குற்றங்கள் நிகழாமல், தேவையான முன்னெச்சரிக்கை நடவடிக்கைகளை போலீசார் மேற்கொள்ள வேண்டும் என்பதில் எனக்கு இரு வேறு கருத்து கிடையாது.

"டாமின்' நிறுவன முன்னாள் தலைவர் சரவணன் மற்றும் அவரது குடும்ப உறுப்பினர்கள் கொலை, முன்னாள் முதல்வர் எம்.ஜி.ஆர்., உறவினர் விஜயன் கொலை, திண்டுக்கல் டாக்டர் பாஸ்கரன் கடத்தப்பட்டு கொலை, அரியலூர் காங்கிரஸ் எம்.எல்.ஏ.,வின் தம்பி மகன் கடத்தல், போத்தீஸ் துணிக்கடை ஊழியர்களை வழிமறித்து தாக்கி 81 லட்ச ரூபாய் கொள்ளை, சிறுவன் ஆதித்யா கொலை, மதுரையில் மாணிக்கம் செட்டியாரை கொன்று ஒன்பது கிலோ தங்கம், 1.25 கிலோ வெள்ளி கொள்ளை, விழுப்புரம் மாவட்டத்தில் 11 கிலோ தங்கம் கொள்ளை போன்ற வழக்குகளில் குற்றவாளிகள் கைது செய்யப்பட்டனர். இது போலீசாரின் துரித நடவடிக்கைக்கு எடுத்துக்காட்டு.

தமிழக முதல்வராக ஜெயலலிதா இருந்த போது, 2003ம் ஆண்டு மட்டும், சங்கிலி தொடர் போன்ற படுகொலை நிகழ்ச்சிகள் நடந்த போது, "சட்டம் ஒழுங்கு கெட்டு விட்டது; நல்லாட்சிக்கு இது அழகல்ல' என அறிவுரை கூற முன்வருவதற்கான திராணியும், தைரியமும் இல்லை. இப்போது மட்டும் வரிந்துகட்டி எழுதுகின்றனர். இனியாவது நடுநிலை நாளேடுகள் நாட்டு மக்களுக்கு தேவையான ஆக்கப்பூர்வமான செய்திகளையும், எந்த ஒரு கட்சியையும் சாராமல், விருப்பு, வெறுப்பின்றி அரசியல் குறித்த செய்திகளையும், நல்லெண்ணத்தையும், நற்செயல்களையும் ஊக்குவித்து உற்சாகப்படுத்தும் செயல்களையும் வெளியிடுவது குறித்து சிந்திப்பர் என நம்புகிறேன். நடுநிலையாளர்களுக்கு கெடுமதி கூடாதல்லவா? இவ்வாறு முதல்வர் கருணாநிதி தெரிவித்துள்ளார்.

தினமலர்

தேர்தல் நெருங்குதுங்கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ ...............

சாந்தன் wrote:தேர்தல் நெருங்குதுங்கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ ...............

இந்த முறை மக்களுக்கு என்னென்ன இலவசங்கள் வரப்போகிறது எனத் தெரியவில்லையே?

சிவா wrote:

சாந்தன் wrote:தேர்தல் நெருங்குதுங்கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ கோ ...............

இந்த முறை மக்களுக்கு என்னென்ன இலவசங்கள் வரப்போகிறது எனத் தெரியவில்லையே?

வீட்டுக்கு ஒரு டீவீ டீ அப்புறம் இலவச ஜெனரேடர் ஆனா பெட்ரோல் விலை ஏத்திடுவாங்க எல்லோருக்கும் அரை கிரவுண்ட்ல வீடு நிறைய திட்டம் இருக்காம்