இந்தியா-நியூசிலாந்து கிரிக்கெட்: இந்தியா 339/3

அகமதாபாத்: இந்தியா-நியூசிலாந்து இடையோன முதல் கிரிக்கெட் டெஸ்ட் போட்டி குஜராத் மாநிலம் அகமதாபாத் நகரில் நேற்று துவங்கியது. டாஸ்வென்ற பேட்டிங் செய்த இந்திய அணி முதல்நாளான நேற்று 3 விக்கெட் இழப்பிற்கு 329 ரன்கள் எடுத்துள்ளது. சச்சின் டெண்டுல்கர் 20ரன்களும், லக்ஷ்மன்10 ரன்களும் எடுத்த நிலையில் தொடர்ந்து விளையாடி வருகின்றனர்.

ஆமதாபாத்: ஆமதாபாத் டெஸ்டில் தீபாவளி "சரவெடியாய்' அசத்தினார் சேவக். நியூசிலாந்து பந்து வீச்சை, சிதறடித்த இவர், டெஸ்ட் அரங்கில் 22 வது சதம் அடித்தார். மறுபக்கம், டிராவிட் தனது 30 வது சதம் அடிக்க, இந்திய அணி வலுவான இலக்கை நோக்கி முன்னேறுகிறது.

இந்தியா வந்துள்ள நியூசிலாந்து அணி 3 போட்டிகள் கொண்ட டெஸ்ட் தொடரில் விளையாடுகிறது. முதல் போட்டி ஆமதாபாத்தில் நேற்று துவங்கியது. "டாஸ்' ஜெயித்த இந்திய கேப்டன் தோனி பேட்டிங் தேர்வு செய்தார்.

ஸ்ரீசாந்த் வாய்ப்பு:

காயம் குணமான நிலையில் காம்பிர், லட்சுமண் அணிக்கு திரும்பினார். இஷாந்த் சர்மா நீக்கப்பட்டு, ஸ்ரீசாந்துக்கு வாய்ப்பு அளிக்கப்பட்டது. நியூசிலாந்து அணியில் வில்லியம்சன், பென்னட் ஆகியோர் அறிமுக வீரர்களாக களமிறங்கினர்.

காம்பிர் "அவுட்':

இந்திய அணிக்கு சேவக், காம்பிர் துவக்கம் தந்தனர். வழக்கம் போல சேவக் அடித்து ஆடினார். காயத்திலிருந்து மீண்டு அணிக்கு திரும்பியுள்ள காம்பிர், சோபிக்க தவறினார். 21 ரன்கள் எடுத்த நிலையில், ரெய்டர் பந்தில் கிளீன் போல்டானார்.

சேவக் அதிரடி:

அடுத்த வந்த டிராவிட், சேவக்குடன் இணைந்தார். இந்த ஜோடி பொறுப்புடன் ஆடி ரன் சேர்த்தது. ஒவ்வொரு ரன்களாக டிராவிட் சேர்க்க, அதிரடியில் மிரட்டினார் சேவக். வெட்டோரி பந்து வீச்சில் ஒரு சூப்பர் பவுண்டரி அடித்த சேவக், டெஸ்ட் அரங்கில் 22 வது சதத்தை கடந்தார். தொடர்ந்து சேவக் ரன் குவிப்பில் இறங்க, நியூசிலாந்து திணறியது.

டிராவிட் சதம்:

சேவக்கிற்கு, டிராவிட் நல்ல ஒத்துழைப்புக் கொடுக்க, இந்தியாவின் ஸ்கோர் உயர்ந்தது. இந்த ஜோடி 2 வது விக்கெட்டுக்கு 237 ரன்கள் சேர்த்த நிலையில், சேவக் அவுட்டானர். இவர் 173 ரன்கள் (24 பவுண்டரி, ஒரு சிக்சர்) சேர்த்தார். மறுமுனையில் பொறுப்புடன் ஆடிய டிராவிட், டெஸ்ட் அரங்கில் 30 வது சதம் கடந்தார். இவர் 104 ரன்களுக்கு (14 பவுண்டரி) அவுட்டானார். நேற்றைய முதல் நாள் ஆட்ட நேர முடிவில் இந்திய அணி, 3 விக்கெட் இழப்புக்கு 329 ரன்கள் எடுத்திருந்தது. சச்சின் (13), லட்சுமண் (7) அவுட்டாகாமல் இருந்தனர்.

5 வது வீரர்

நேற்றைய முதல் நாள் ஆட்டத்தில், சதம் அடித்த இந்திய வீரர் சேவக் சதமடித்து அசத்தினார். இது டெஸ்ட் அரங்கில் இவர் அடிக்கும் 22 வது சதம். இதன் மூலம், டெஸ்ட் அரங்கில் இந்தியா தரப்பில் அதிக சதம் அடித்த வீரர்கள் வரிசையில், 5 வது இடத்தை முன்னாள் வீரர் அசாருதினுடன் பகிர்ந்து கொண்டார் சேவக். அதிக சதம் அடித்த "டாப்-5' இந்திய வீரர்கள்:

வீரர் போட்டி ரன் சதம் அரைசதம்
சச்சின் 172 14240 49 58
கவாஸ்கர் 125 10122 34 45
டிராவிட் 144 11595 29 59
சேவக் 81 7180 22 22
அசாருதின் 99 6215 22 21

வாய்ப்பு நழுவல்

நேற்றைய போட்டியில், நியூசிலாந்து அணியின் பீல்டிங் படுசொதப்பலாக இருந்தது. சேவக் 144 ரன்கள் எடுத்திருந்த போது ஜீதன் படேலும், 155 ரன்கள் எடுத்த நிலையில் மார்டின் கப்டிலும் "கேட்ச்' வாய்ப்பை கோட்டை விட்டனர். ரைடர் பந்து வீச்சில், டிராவிட் கொடுத்த "கேட்ச்' வாய்ப்பை, விக்கெட் கீப்பர் ஹாப்கின்ஸ் தவற விட்டார்.

1000 ரன்கள்

இந்த ஆண்டு விளையாடிய டெஸ்ட் போட்டிகளில், 1000 ரன்களை கடந்த 2 வது வீரரானார் சேவக். இதுவரை 10 டெஸ்ட் போட்டிகளில் 5 சதம், 4 அரை சதம் உட்பட1077 ரன்கள் குவித்துள்ளார் சேவக். இப்பட்டியலின் முதலிடத்தில் மற்றொரு இந்திய வீரர் சச்சின் உள்ளார்.

ஸ்கோர் போர்டு

முதல் இன்னிங்ஸ்

இந்தியா

காம்பிர் (ப) ரைடர் 21 (41)
சேவக் (ப) வெட்டோரி 173 (199)
டிராவிட் (ப) மார்டின் 104 (227)
சச்சின் -அவுட் இல்லை- 13 (47)
லட்சுமண் -அவுட் இல்லை- 7 (29)
உதிரிகள் 11
மொத்தம் (90 ஓவரில் 3 விக்., இழப்பு) 329
விக்கெட் வீழ்ச்சி: 1-60 (காம்பிர்), 2-297 (சேவக்), 3-317 (டிராவிட்).
பந்து வீச்சு: மார்டின் 16-2-52-1, பென்னட் 15-2-47-0, வெட்டோரி 28-3-69-1, ரைடர் 10-1-44-1, படேல் 13-1-79-0, வில்லியம்சன் 8-0-31-0.