தாய், மகளை கற்பழிக்க முயற்சி: மதுரை ஏட்டு மீது வழக்கு ???

**Admin** · **Admin** Wed Oct 22, 2008 12:17 am

மதுரை: மதுரையில் தாய், மகளை கற்பழிக்க முயன்ற ஊமச்சிகுளம் போலீஸ் ஏட்டு குருசாமி மீது கோர்ட் உத்தரவுப்படி வழக்கு பதிவு செய்யப்பட்டது.மதுரை திருமால்புரம் அடைக்கலம் நகரைச் சேர்ந்தவர் நாகராஜ்; இவரது மனைவி விஜயா; இவர்களது மகள் சரண்யா. ஊமச்சிகுளம் போலீஸ் ஏட்டு குருசாமி. இவர், நாகராஜ் வீட்டில் இல்லாத நேரத்தில் அங்கு சென்று விஜயா, சரண்யாவை கற்பழிக்க முயற்சி செய்ததாக தெரிகிறது. இது குறித்து ஊமச்சிகுளம் இன்ஸ்பெக்டர், எஸ்.பி.,யிடம் விஜயா புகார் கூறியும் நடவடிக்கை இல்லை.கடந்த மாதம் 7ம் தேதி விஜயா வீட்டிற்கு ஏட்டு சென்றார். அவரிடம் ஆசைக்கு இணங்கும்படி தகராறு செய்தார்; விஜயா, கதவை உட்புறம் பூட்டி கொண்டார்.கொதிப்படைந்த ஏட்டு, வீட்டின் முன் இருந்த டியூப் லைட்டை அடித்து நொறுக்கினார். பக்கத்து வீட்டில் குடியிருந்து வந்த சேவுகன் என்பவர், ஏட்டை சமாதானம் செய்து அனுப்பினார். ஏட்டு மீது நடவடிக்கை எடுக்கக் கோரி ஜுடிஷியல் மாஜிஸ்திரேட் கோர்ட் 2ல் விஜயா மனு தாக்கல் செய்தார்.மாஜிஸ்திரேட் உத்தரவுப்படி, ஏட்டு குருசாமி மீது இன்ஸ்பெக்டர் வெள்ளையன் வழக்கு பதிவு செய்தார்.

**Admin** · **Admin** Wed Oct 22, 2008 12:19 am

ராஜ்தாக்கரே கைது; மும்பையில் பதட்டம்

மும்பை: மகாராஷ்டிரா நவநிர்மாண் சேனா கட்சி தலைவர் ராஜ் தாக்கரே இன்று கைது செய்யப்பட்டார். மும்பையில் வட மாநிலத்தவர்களுக்கு எதிராக கடந்த பிப்ரவரி மாதம் தாக்குதல் நடத்தப்பட்டது. பீகார், உ.பி., போன்ற வட மாநிலங்களைச் சேர்ந்தவர்கள் அங்கிருந்து ஓடும் நிலைமைக்கு தள்ளப்பட்டனர். இந்நிலையில், மும்பையில் ரயில்வே வாரிய தேர்வுகள் நடந்தன. இந்த தேர்வுகளை எழுத வட மாநிலங்களில் இருந்து ஏராளமானவர்கள் மும்பைக்கு வந்திருந்தனர். ராஜ் தாக்கரே ஆதரவாளர்கள் தேர்வு எழுத வந்தவர்கள் மீது தாக்குதல் நடத்தியது, பெரிய அளவில் சர்ச்சையை கிளப்பியுள்ளது. இதற்கு அரசியல் கட்சித் தலைவர்கள் பலரும் கண்டனம் தெரிவித்துள்ளனர். ராஜ் தாக்கரேக்கு எதிராக ஜாமீனில் வெளிவர முடியாத கைது வாரன்ட் பிறப்பிக்கப்பட்டது. இதனையடுத்து மும்பை போலீசார் அவர் ரத்தன்கிரி சர்க்யூட் ஹவுசில் கைது செய்தனர். ராஜ்தாக்ரே கைதால் நவி மும்பையில் அவரது தொண்டர்கள் சா‌லை மறியல் போராட்டத்தில் ஈடுபட்டு வருகின்றனர். ராஜ்‌தாக்கரே மும்பை கொண்டு வரப்பட்டு பாந்த்ரா கோர்ட்டில் ஆஜர்படுத்தப்படுவார் என தெரிகிறது.

**Admin** · **Admin** Wed Oct 22, 2008 12:20 am

வன்னேரிகுளத்தை கைப்பற்றியது ராணுவம்

கொழும்பு: இலங்கையில் புலிகளுக்கும், ராணுவத்திற்கும் இடையேயான சண்டை உக்கிரமாக நடந்து வருகிறது. கிளிநொச்சி பகுதியில் தீவிர தாக்குதல் நடத்தி வரும் ராணுவம் வன்னேரிகுளம் என்ற கிராமத்தை கைப்பற்றியது. அத்துடன் கடல் புலிகளின் தளமான நச்சி குடாவையும் சுற்றி வளைத்துள்ளது. இந்தச் சண்டையின் போது 11 புலிகளும், ராணுவ வீரர்கள் 33 பேரும் கொல்லப்பட்டனர். மேலும், 48 ராணுவ வீரர்கள் காயம் அடைந்தனர்.

Sponsored content · Sponsored content

தாய், மகளை கற்பழிக்க முயற்சி: மதுரை ஏட்டு மீது வழக்கு ???

தாய், மகளை கற்பழிக்க முயற்சி: மதுரை ஏட்டு மீது வழக்கு ???

Re: தாய், மகளை கற்பழிக்க முயற்சி: மதுரை ஏட்டு மீது வழக்கு ???

Re: தாய், மகளை கற்பழிக்க முயற்சி: மதுரை ஏட்டு மீது வழக்கு ???

Re: தாய், மகளை கற்பழிக்க முயற்சி: மதுரை ஏட்டு மீது வழக்கு ???

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக