வியர்வையில் குளிக்கும் பெண்கள்

ஆண்- பெண் எல்லோருக்கும் வியர்வைத் தொல்லை உண்டுதான். என்றாலும் பெண்கள் ஆடை அணியும் விதத்தால் அவர்களே வியர்வைத் தொல்லையால் அதிகம் பாதிக்கப் படுகிறார்கள்.

வியர்வை வெறுக்கத்தக்கதல்ல என்பதை முதலில் புரிந்து கொள்ள வேண்டும். நம் உடலுக்கு வியர்வை ரொம்பவே தேவை. வியர்வையின் அளவை வைத்துதான் நம் உடல் வெப்பத்தையே கணக்கிட முடியும்.

மனிதர்கள் அனைவருக்குமே வியர்வைச் சுரப்பி ஒரே எண்ணிக்கையில்தான் இருக்கும். அந்த சுரப்பிகள் இயங்கும் தன்மை தான் வேறுபடும். உண்மையில் வியர்க்காமல் இருப்பது ஆபத்து. ஆனால் அதிகம் வியர்ப்பது தொல்லை.

வியர்வையில் இரண்டு விதங்கள் இருக்கிறது. சிலருக்கு உடல் முழுக்க ஒரே மாதிரி வியர்க்கும். சிலருக்கு முகம், தலை, வயிறு, தொடைகள், அக்குள், உள்ளங்கை, உள்ளங்கால் என்று ஏதாவது குறிப்பிட்ட இடங்களில் அதிகமாக வியர்க்கும். இவர்களுக்கு மருந்து செலுத்தி வியர்வையைக் கட்டுப்படுத்தலாம்.

ஜ×ரம், காசநோய், தைராய்டு பாதிப்பு, மூளை கட்டி போன்ற நோய்களின் காரணமாகக் கூட வியர்வை அதிகம் வரலாம். அப்படி இருப்பவர்கள் உடனே டாக்டரை அணுகி பரிசோதனை செய்து கொள்வது நல்லது. சில பேருக்கு பாரம்பரியமாகவே அதிகம் வியர்க்கும்.

உடல் பருமனும் அதிக வியர்வைக்கு ஒரு காரணம். உடல் பருமனைக் குறைப்பது நல்லது. இறுக்கமாக, செயற்கை உடைகள் அணிவதை தவிர்க்கலாம். பருத்தி துணியால் ஆன உடைகளை அணிந்து வந்தால் வியர்வை நாற்றம் ஏற்படுவதை தடுக்கலாம்.

வியர்வை ஈரத்தில் பாக்டீரியா கிருமிகள் பெருகும். இதைத் தடுப்பதற்காக மருத்துவ குணமுள்ள சோப்பு, கிரீம், சென்ட் போன்றவற்றைப் பயன்படுத்தலாம். உண்மையில் மனித வியர்வைக்கு தனியாக எந்தவித வாசனையும் கிடையாது. வியர்த்த இடத்தை சுத்தப்படுத்தாமல் விடுவதால்தான் வியர்வை நாற்ற மடிக்கத் தொடங்குகிறது. வியர்வை ஈரத்தில் பாக்டீரியா பெருகுவது அல்லது நாம் சாப்பிடும் உணவில் மசாலா அதிகமாக இருப்பது போன்றவைதான் வியர்வை துர்நாற்றத்திற்கு காரணம்.

அதிக வியர்வையினால் அவதிப்படுபவர்கள் மசாலா, பூண்டு, வெங்காயம் போன்றவற்றை உணவில் சேர்க்க வேண்டாம். அதேபோல ஏதாவது பணி செய்து உடம்பு வியர்த்து விட்டது என்றால் குளித்து விடுவதும் நல்லது.

தினதந்தி!

சிறந்த தகவல்... வியர்க்க விறுவிறுக்கப் படித்தேன்.. நன்றி சிவா..!

தினமும் குளித்தவுடன் கடைசியாக அரை பக்கெட் நீரில் ஒரு
எலுமிச்சை பிழிந்துவிட்டு குளித்தால் வியர்வையும்,வியர்வை நாற்றமும் தவிர்க்கலாம் , மிகவும் புத்துணர்வும் பெறலாம்.இதனை நான் கடைப்பிடித்து பார்த்துவிட்டுதான் கூறுகிறேன்.

வினு சொல்வது ரொம்ப சரி. எலுமிச்சை நல்ல ஒரு deodorant

உங்கள் உபயோகமான தகவலுக்கு நன்றி மருத்துவரே.