ஸ்டேட் பாங்க் ஆப் இந்தியாவில் வேலை வாய்ப்புகள்..!

**Tamilzhan** · **Tamilzhan** Tue 11 Aug 2009 - 20:25

ஸ்டேட் பாங்க் ஆப் இந்திய நாடெங்கும் அதன் அலுவலகங்களுக்குத் தேவைப்படும் 11 ஆயிரம் கிளார்க் பணியிடங்களை அறிவித்துள்ளது. ஆன்லைனில் மட்டுமே விண்ணப்பிக்க முடியும் இந்தப் பணியிடங்கள் வேலை தேடும் நமது இளைஞர்களுக்கு அருமையான வாய்ப்பாக அமைகிறது.

மாநில வாரியாக இந்தப் பணியிடங்கள் அறிவிக்கப்பட்டுள்ளன. தமிழ்நாட்டில் மட்டும் 900 காலியிடங்கள் உள்ளன. பெங்களூரு வட்டாரத்தில் 800, ஐதராபாத்தில் 900, லக்னோ 900, மும்பை 1095, திருவனந்தபுரம் 400 ஆகிய வட்டாரங்களில் அதிக பணியிடங்கள் அறிவிக்கப்பட்டுள்ளன.

தகுதிகள்
குறைந்த பட்ச தகுதி பிளஸ் 2. இத் தகுதியை மட்டும் பெற்றிருப்பவர் குறைந்தது 60 சதவீதத்துடன் இதில் தேர்ச்சி பெற்றிருக்க வேண்டும். அக்டோபர் 1, 2009 அன்று இதைப் பெற்றிருக்க வேண்டும். பட்டப்படிப்பு தகுதியைப் பெற்றிருப்பவர் குறைந்தது 40 சதவீதத்துடன் தேர்ச்சி பெற்றிருப்பது முக்கியம். +2வுக்குப் பின் டிப்ளமோ தகுதி ஒன்றைப் பெற்றிருப்பவரும் விண்ணப்பிக்கலாம். எனினும் அது முழு நேரப் படிப்பாகவும் குறைந்தது 2 ஆண்டுப் படிப்பாகவும் இருப்பது முக்கியம். அஞ்சல் வழியில் டிப்ளமோ முடித்திருப்பவர் விண்ணப்பிக்க முடியாது. ஆங்கிலத்தில் சரளமாக எழுதவும் பேசவும் தெரிந்திருக்க வேண்டும் என குறிப்பிடப்பட்டுள்ளது. எந்த மாநில பணியிடத்துக்கு விண்ணப்பிக்கிறீர்களோ அந்த மாநில மொழியை அறிந்திருப்பது விரும்பத்தக்கது.

1.10.2009 அன்று 18 முதல் 28 வயதுக்குள் இருக்க வேண்டும். அதாவது 30.09.1981லிருந்து 1.10.1991க்குள் (இரு நாட்கள் உட்பட) பிறந்திருக்க வேண்டும். எஸ்.சி., எஸ்.டி., ஓ.பி.சி., உடல் ஊனமுற்றோர் ஆகியோருக்கு வழக்கமாக மத்திய அரசுப் பணிகளில் தரப்படும் வயது சலுகைகள் தரப்படும். பணிக்காகத் தேர்வு செய்யப்படுவோருக்கு 6 மாத பயிற்சிக் காலத்திற்குப் பின் பணி நிரந்தரம் ஆக்கப்படும்.

தேர்வு செய்யப்படும் முறை
எழுத்துத் தேர்வு மற்றும் நேர்முகத் தேர்வு ஆகியவை நடத்தப்படும். எழுத்துத் தேர்வானது அப்ஜக்டிவ் வகைத் தேர்வாகும். ஆங்கிலம், ரீசனிங், கணிதம் மற்றும் மார்க்கெட்டிங் ஆப்டிடியூட்/கம்ப்யூட்டர் ஆப்டிடியூட் ஆகியவற்றில் கேள்விகள் இதில் இடம் பெறும். இதில் 2வது பகுதியாக விரிவாக ஆங்கிலத்தில் எழுதும் பகுதியும் இடம் பெறும்.
தவறான பதில்களுக்கு நெகடிவ் மதிப்பெண் முறையில் மதிப்பெண்கள் கழிக்கப்படும். தனித்தனியாக அப்ஜக்டிவ் வகைப் பகுதியில் பாஸ் செய்வது அவசியமாகும். பின் அவற்றில் பெறும் மதிப்பெண்களின் அடிப்படையில் வெற்றி தீர்மானிக்கப்படும்.

தேர்வு மையங்கள்

சென்னை, திருச்சிராப்பள்ளி, மதுரை, கோயம்புத்தூர் மற்றும் புதுச்சேரி ஆகிய இடங்களில் தேர்வு நடத்தப்படும். தேர்வானது நவம்பர் 8 மற்றும் நவம்பர் 15 ஆகிய 2 நாட்களில் 2 நாட்களாக நடத்தப்படும்.

விண்ணப்பிக்கும் முறை

முழு தகவல்களையும் ஸ்டேட் பாங்கின் இணைய தளமான www.statebankofindia.com பார்த்துக் கொள்ளலாம். ஆன்லைனில் தான் இதற்கு விண்ணப்பிக்க வேண்டும். இப்படி விண்ணப்பிக்கும் முன் கோர் பாங்கிங் உள்ள ஸ்டேட் பாங்க் கிளை ஒன்றிற்குச் சென்று விண்ணப்பக் கட்டணமான ரூ.250ஐ பணமாகச் செலுத்தி கேஷ் வவுச்சரில் அதற்கான தகவல்களைப் பெற்றுக் கொள்ள வேண்டும். இந்த வவுச்சரில் எந்த கிளை, செலுத்திய தேதி, கட்டணத் தொகை மற்றும் பாங்க் அதிகாரிகளின் கையெழுத்து ஆகியவை பாங்கால் நிரப்பப்படும். இந்த வவுச்சரை தேர்வுக்குச் செல்லும் போது பத்திரமாக எடுத்துச் செல்ல வேண்டும். பின் ஆன்லைனில் விண்ணப்பிக்க வேண்டும். www.statebankofindia.com

www.sbi.co.in தளங்களில் ஒன்றிற்குச் சென்று விண்ணப்பிக்கலாம். செப்டம்பர் 15 வரை ஆன்லைனில் விண்ணப்பிக்கலாம். இப்படி விண்ணப்பிக்கும் முன் தற்போது பயன்பாட்டிலுள்ள இமெயில் முகவரி ஒன்றைப் பெற்றிருப்பது மிக அவசியம். கட்டணத்தை செப்டம்பர் 12க்குள் செலுத்த வேண்டும். ஆன்லைனில் விண்ணப்பித்த பின் அதன் நகல் ஒன்றை பிரிண்ட் செய்து வைத்துக் கொள்ளவும்.

ஸ்டேட் பாங்க் ஆப் இந்தியாவில் வேலை வாய்ப்புகள்..!

ஸ்டேட் பாங்க் ஆப் இந்தியாவில் வேலை வாய்ப்புகள்..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக