சாமிக்கிட்ட கூட்டிப்போகணும் (கவிதை)

kirikasan wrote:சிரித்து மகிழ்வதற்காக ஒரு கற்பனை, உண்மையல்ல

(ஆணும் பெண்ணும் மாறிப் மாறி பாடுகிறார்கள்)

காடுவனம் போயி ஏதும் காத்துப்பட்டுதோ -இல்லை
கண்டபேய்கள் மோகினி உன் கைபிடித்ததோ
நேத்துவந்த மூத்தமாமி கண்ணுபட்டுதோ -நீயும்
ராத்திரிக்கு நாலு தும்மல் போட்டதேனையா

காத்துமில்ல கருப்புமில்ல கண்ணு செல்லமே -ஒரு
கற்பனையும் தேவையில்லை கவலைகொள்ளாதே
நேத்துவலை வீசி நானும் ஈகரைக்குள்ளே -மூழ்கி
நீண்ட நேரம் நீந்திவந்தேன் நேர்ந்துபோச்சடி

ஆத்து மீனு சந்தையிலே அள்ளிகுவியுது -நீயும்
அலைஞ்சு வலை போட்டுமீனும் எத்தனையாச்சு
சேத்துநீரில் செய்த வேலை நெத்திசுடுகுது -இந்தச்
செல்லம் சொல்லு கேக்க வேணும் நெஞ்சுதுடிக்குது

ஊத்து நீரு தண்ணி என்று உளறி வைக்காதே -நானும்
ஓடிநீந்தி அலைஞ்சதெல்லாம் கணனிஅலையிலே
சேர்த்து வைப்பேன் உன்னையும்வா ஈகரைக்குள்ளே அங்கு
செல்ல அன்புமழை யடிக்கும் தெரிஞ்சு கொள்வாயே

கூத்தடிச்சுக் குளிரில்நின்னு தேகம் கெட்டுது -நீயும்
கொண்டதூக்கம் ராத்திரிக்கு பாதிபோச்சுது
மாத்தி மாத்தி கணனி போட்டு காலம்போகுது -இந்த
மாமன் செய்யும் சேட்டை கவலை மனசு கொள்ளுது

பாட்டு பாடிஈகரையில் போட்டு வைத்தேண்டி -இந்தா
பாரு உந்தன் துன்பம்போகும் கேட்டுக்கொள்ளடி
ஓட்டுப்போட்டுநேத்துத் தூறல்வெள்ளம் ஆச்சடி -அது
ஓடி வந்து மூச்சுமூட்ட மேலே போச்சடி

வாழ்த்துஎன்று சொல்லி என்னை வானம் தூக்கியே -பல
வண்ண மலர்சூடி நல்ல தேவைதைகளே
பூத்த வெள்ளி தாரகைகள் கூட்டமுன்னிலே -என்னைப்
போகவிட்டுஇன்பமிட்டார் பொறுக்குதில்லையே
(துள்ளி ஆடுகிறார்)

பாவி இந்தமனுசன் புத்தி பேதலிச்சுதோ ஒரு
பைத்தியமோ குழந்தைபோலக் கூத்தடிக்குதே
ஆவி ஏதும் பட்டு நிலைமைஆகிப்போச்சுதோ நாளை
ஆலமரச் சாமிகிட்ட கூட்டிப்போகணும்

இந்த பதிவைத் துவங்கியவர் நன்றி கூறியுள்ளார் Aathira

சிவா wrote:இறுதியில் சரியான தீர்ப்பு!

///ஆவி ஏதும் பட்டு நிலைமைஆகிப்போச்சுதோ நாளை
ஆலமரச் சாமிகிட்ட கூட்டிப்போகணும்///

- ஆலமரச் சாமியார்!

இந்த பதிவைத் துவங்கியவர் நன்றி கூறியுள்ளார் Aathira

சிவா wrote:ஈ.பே - அப்படின்னா என்னக்கா?

இந்த பதிவைத் துவங்கியவர் நன்றி கூறியுள்ளார் Aathira

Aathira wrote:

சிவா wrote:ஈ.பே - அப்படின்னா என்னக்கா?

உங்களுக்கு மட்டும் ரகசியமா சொல்லட்டா.. உங்க மாமா எனக்கு வச்சிருக்கற பேரு அது. ஈகரை பேய்

இந்த பதிவைத் துவங்கியவர் நன்றி கூறியுள்ளார் சிவா