ஞான சரஸ்வதி

**சிவா** · **சிவா** Sat Oct 30, 2010 8:19 am

கல்விக்கும், ஞானத்திற்கும் அதிபதியான சரஸ்வதிக்கு ஆலயங்கள் மிகக்குறைவாகவே உள்ளன. அவற்றுள் ஒன்று. ஆந்திர மாநிலத்தில் நிஜாமாபாத் என்ற இடத்திற்கு அருகில் கோதாவரி நதி தீரத்தில் அமைந்துள்ளது. வால்மீகி முனிவர் ராமாயனத்திற்கு பிள்ளையார் சுழி போட்டது இங்கு தானாம். இங்கு சரஸ்வதி தேவியை ஸ்தாபிதம் செய்து வழிபட்ட பின்னரே ராமாயணத்தை எழுத தொடங்கியதாக தல புராணம் கூறுகிறது. வியாச முனிவர், சுக முனிவருடனும் தனது சீடர்களுடனும் அமைதி வேண்டி தெற்கே யாதத்திரை மேற்கொண்டபோது, இப்பகுதியில் கோதாவரியில் நீராடி மூன்று பிடி மணலை லக்ஷ்மி, சரஸ்வதி, துர்க்கை என பாவித்து பூஜித்ததாக கூறப்படுகிறது.

வியாசர் பெயரால் ஈத்தலம் வியாசபுரி என்றாகி பின் மருவி பாசரா என்றானது. அருகில் வியாச குகை மற்றும் சிவன் கோயில் உள்ளது. இங்கு வசந்த பஞ்சமி, சிவராத்திரி, வியாசர் பூர்ணிமா, நவராத்திரி ஆகியன மிகச் சிறப்பாக கொண்டாடப்படுகிறது. கோதாவரி கரையில் கோயில் கொண்டுள்ள பாசரா ஞான சரஸ்வதியை நவராத்திரி நன்னாளில் வணங்க ஆயிரக்கணக்கான பக்தர்கள் கூடுகின்றனர்.

ஆந்திராவில், நிஜாமாபாத் நகரிலிருந்து சுமார் 30 கி.மீ. தொலைவில் உள்ளது பாசரா.

-ஆர்.சுபத்திரா ரங்கநாத்ன, கொல்கத்தா.

**ராஜா** · **ராஜா** Sat Oct 30, 2010 10:59 am

**V.Annasamy** · **V.Annasamy** Sat Oct 30, 2010 11:00 am

மஞ்சுபாஷிணி · மஞ்சுபாஷிணி Sat Oct 30, 2010 1:39 pm

இறைவன் சித்தம் எப்படி இருக்கிறது என்று...

பள்ளிக்கூடம் போகும் வயதில் மந்திராலயம் போக ஆசைப்பட்டேன்.. கடவுளின் கருணையால் 2005 ல் தான் மந்திராலயம் போக முடிந்தது.... இனிய ஆச்சர்யங்கள்.....

ஷீர்டி போய் வரும் வழியிலேயே மந்திராலயம் கூட்டிட்டு போய் காட்டினார் பெரியப்பா...

இந்த சரஸ்வதி கோவில் பற்றி அம்மா சொல்லி கேட்டிருக்கிறேன்... ஆனால் எப்ப போவது? யார் கூட்டி செல்வார்கள் தெரியவில்லை... சிவா ஒவ்வொரு கோவிலைப்பற்றி நீங்கள் பகிரும்போது சென்னைல இருந்து போகும் வழி பற்றிய குறிப்பும் தாங்கப்பா ப்ளீஸ்...

அன்பு நன்றிகள் சிவா....