தீபாவளி பலகாரங்கள் ! - தால் ஹல்வா!

**krishnaamma** · **krishnaamma** Thu Oct 28, 2010 4:58 pm

First topic message reminder :

தீபாவளி பலகாரங்கள் ! தீபாவளி என்றாலே பட்டாசும் பலகாரமும் தான் நினைவுக்கு வரும். இங்கு சில எளிய இனிப்பு கார வகை பலகாரங்களை பார்க்கலாம். செய்முறை எளியது ஆனால் சுவை அபாரம. நீங்களும் உங்கள் கருத்துகள் மற்றும் உங்கள் இடத்து பலகரங்களின் செய் முறைகளை பகிர்ந்து கொள்ளவும்.

**krishnaamma** · **krishnaamma** Thu Oct 28, 2010 5:57 pm

தேவையானவை :

200gms கனமான அவல்
100gms பொட்டுகடலை
100gms வேர்கடலை (வறுத்து தோல் உரித்தது )
50gms முந்தரி பருப்பு (உடைத்து)
50gms உலர் திராக்ஷை
50gms எள்
25gms சோம்பு
கறிவேப்பிலை கொஞ்சம்
பெருங்காய பொடி - ஒரு சிட்டிகை
மஞ்சள் பொடி - ஒரு சிட்டிகை
உப்பு தேவையான அளவு
2 - 3 சிகப்பு மிளகாய்
1sp கடுகு
1sp - 2sp எண்ணெய்
1sp சர்க்கரை (பொடித்தது)

செய்முறை:

ஒரு கடாயை சூடுபடுத்தவும்.
அதில் கனமான அவல்/கெட்டி அவலை போட்டு நன்கு வறுக்கவும்.
தனியே வைக்கவும்.
இப்போது எண்ணெய் விட்டு, கடுகு, உடைத்த சிவப்பு மிளகாய் போட்டு நன்கு வறுக்கவும்.
பிறகு சோம்பு, எள், பொட்டுகடலை, வேர்கடலை (வறுத்து தோல் உரித்தது ),முந்தரி பருப்பு (உடைத்து), உலர் திராக்ஷை,கறிவேப்பிலை பெருங்காய பொடி,மஞ்சள் பொடி போட்டு நன்கு வறுக்கவும்.
அடுப்பை சிறிய தணலில் வைக்கவும்.
உப்பு, சர்க்கரை (பொடித்தது) சேர்க்கவும்.
நன்கு கலக்கவும்.
இப்போது தனியே வறுத்து வைத்த அவலை போட்டு நன்கு கலக்கவும்.
அடுப்பை அணைக்கவும்.
சுவையான 'அவல் மிக்ஸ்ர்' ரெடி.

**krishnaamma** · **krishnaamma** Thu Oct 28, 2010 6:11 pm

'மிக்ஸ்ர்' என்றாலே கலப்பது தான். பின்வருவனவற்றை செய்யாமல் வெளியில் வாங்கியே கலக்கலாம் . ( உண்மையான மிக்ஸ்ர் பிறகு சொல்கிறேன்)

தேவையானவை :

100gms காரா பூந்தி
100gms ஓமபொடி
100gms கனமான அவல் (வறுத்து)
100gms பொட்டுகடலை
100gms வேர்கடலை (வறுத்து தோல் உரித்தது )
50gms முந்தரி பருப்பு (வறுத்து உடைத்து)
50gms உலர் திராக்ஷை
50gms காரசேவ்
உப்பு தேவையான அளவு
மிளகாய்பொடி தேவையான அளவு

செய்முறை:

மேலே சொன்ன பொருட்களை ஒரு பெரிய பேசினில் போட்டு கலக்கவும்.
'மிக்ஸ்ர்' ரெடி.

**krishnaamma** · **krishnaamma** Thu Oct 28, 2010 6:20 pm

தேவையானவை :

1cup கோதுமை மாவு
1sp ஓமம்
உப்பு
பொரிக்க எண்ணெய்

செய்முறை:

மாவில், உப்பு + ஓமம் போட்டு, தண்ணீர் விட்டு ரொட்டி மாவு போல் பிசையவும்.
சப்பாத்தி போல் இட்டு, சின்ன சின்ன 'சதுரங்களாக' வெட்டவும்.
அடுப்பில் எண்ணெய் விட்டு, வெட்டிய துண்டங்களை பொரித்து எடுக்கவும்.
'கோதுமை சிப்ஸ் ' தயார்.

குறிப்பு: ஓமம் விரும்பாதவர்கள் மிளகாய் பொடி போடலாம். அல்லது வெறும் உப்பு போட்டுவிட்டு பொரித்தும் மிளகாய்பொடி + பெருங்காயபொடி போட்டு குலுக்கலாம். அல்லது மிளகு பொடியும் போடலாம்.

**krishnaamma** · **krishnaamma** Thu Oct 28, 2010 6:26 pm

தேவையானவை :

1cup மைதா மாவு
1sp ஓமம்
உப்பு
பொரிக்க எண்ணெய்

செய்முறை:

மாவில், உப்பு + ஓமம் போட்டு, தண்ணீர் விட்டு ரொட்டி மாவு போல் பிசையவும்.
சப்பாத்தி போல் இட்டு, சின்ன சின்ன 'சதுரங்களாக' வெட்டவும்.
அடுப்பில் எண்ணெய் விட்டு, வெட்டிய துண்டங்களை பொரித்து எடுக்கவும்.
'மைதா சிப்ஸ் ' தயார்.

குறிப்பு: ஓமம் விரும்பாதவர்கள் மிளகாய் பொடி போடலாம். அல்லது வெறும் உப்பு போட்டுவிட்டு பொரித்தும் மிளகாய்பொடி + பெருங்காயபொடி போட்டு குலுக்கலாம். அல்லது மிளகு பொடியும் போடலாம்.

கோதுமை சிப்ஸ் கொஞ்சம் 'கலர்' குறைவாக இருக்கும் . இது நல்ல வெள்ளையாய் இருக்கும்.

**krishnaamma** · **krishnaamma** Thu Oct 28, 2010 6:44 pm

தேவையானவை :

2 cup மைதா மாவு
1 /4 cup சன்ன ரவை
1sp மிளகு பொடித்தது
'baking powder ' - சோடா உப்பு ஒரு சிட்டிகை
1 தேக்கரண்டி புளிக்காத தயிர்
4 தேக்கரண்டி உருகின நெய்
7 தேக்கரண்டி வெந்நீர்
உப்பு
பொரிக்க எண்ணெய்

செய்முறை:

ஒரு பெரிய பேசினில் மாவு, ரவை , மிளகு பொடி மற்றும் நெய் யை போடவும்.
கைகளால் நன்கு கலக்கவும்.
அவை மொத்தம் நன்கு கலந்து, 'பிரட் தூள்' போல் இருக்கவேண்டும்.
இதில் புளிக்காத தயிர் + வெந்நீர் விட்டு, நன்கு பிசையவும்.
ஒரு அரை மணி மூடி வைக்கவும்.
பிறகு சப்பாத்தி போல் இட்டு, சின்ன சின்ன 'சதுரங்களாக' வெட்டவும்.
அடுப்பில் எண்ணெய் விட்டு, வெட்டிய துண்டங்களை பொரித்து எடுக்கவும்.
'மைதா சிப்ஸ் ' தயார்.

குறிப்பு: இதை சின்ன சின்ன தட்டை போலவும் செய்து பொரிக்கலாம்.

**krishnaamma** · **krishnaamma** Thu Oct 28, 2010 7:06 pm

தேவையானவை :

1cup பச்சரிசி மாவு ( களைந்து, உலர்த்தி, பொடித்து சலித்து )
2 -3 sp பட்டர் - வெண்ணை
2 -3 sp தேங்காய் துருவல்
3 sp உளுத்தம் பொடி (வறுத்து அரைத்து )
1sp சீரகம் (சுத்தம் செய்தது )
பெருங்காயபொடி ஒரு சிட்டிகை
உப்பு
பொரிக்க எண்ணெய்

செய்முறை:

மேலே கூறிய பொருட்களை ஒரு பேசினில் போட்டு, நன்கு கலக்கவும்.
சிறிது தண்ணீர் தெளித்து பிசையவும்.
ஒரு 'பிளாஸ்டிக்' கவரிலோ வெள்ளை வேஷ்டியிலோ கொஞ்சம் மாவு எடுத்து
முறுக்கு சுற்றவும்.
எல்லா மாவும் சுற்றிய பின் 4 - 4 ஆக எண்ணெய் இல் போட்டு எடுக்கவும்.
பொன்னிறமாக எடுக்கவும்.
வாயில் கரையும் 'பட்டர் முறுக்கு' தயார். ஜொள்ளு

**krishnaamma** · **krishnaamma** Thu Oct 28, 2010 7:09 pm

tthendral wrote:எங்கே எங்கே ..

ஹலோ தென்றல்,

'எங்கே எங்கே '? நு கேட்டீங்க , நான் 'இங்கே இங்கே' என் நெறைய போட்டுட்டேன் , உங்கள காணுமே? அநியாயம்

**krishnaamma** · **krishnaamma** Thu Oct 28, 2010 7:23 pm

தேவையானவை :

2cup கடலை மாவு
2sp அரிசி மாவு
50gms முந்தரி பருப்பு
உப்பு தேவையான அளவு
மிளகாய்பொடி தேவையான அளவு
கறிவேப்பிலை கொஞ்சம்
1 /2sp பெருங்காய பொடி
'baking powder ' - சோடா உப்பு ஒரு சிட்டிகை
பொரிக்க எண்ணெய்

செய்முறை:

முந்தரி பருப்பு தவிர மீதி பொருட்களை நன்கு கலக்கவும்.
தண்ணீர் விட்டு 'தோசை மாவு' பதத்துக்கு கரைக்கவும்.
வாணலியில் எண்ணெய் வைத்து சுட்டதும்,
பூந்தி கரண்டி இல் மாவை விட்டு, ஒரு கரண்டியால் தட்டவும்
பூந்திகள் எண்ணெய் இல் தொடர்ந்து விழனும்.
பிறகு பொறித்த பூந்திகளை வடிதட்டில் போடவும்.
இது போல் மொத்த மாவையும் பூந்தி யாக பொரிக்கவும்.
முந்திரியை பொரித்து போட்டு கலக்கவும்.
சுவையான 'காரா பூந்தி ' ரெடி.

குறிப்பு: காரம் அதிகம் வேண்டுவோர் , பொறித்த பூந்தி இல் மீண்டும் உப்பு காரம் போட்டு குலுக்கிய பின் உபயோகிக்கவும்.

**krishnaamma** · **krishnaamma** Thu Oct 28, 2010 7:46 pm

தேவையானவை :

2 1 /4cup அரிசி மாவு
1cup கடலை மாவு
2 -3 sp பட்டர் - வெண்ணை
2 -3 sp மிளகு சீரகம் (ஒன்று இரண்டாக பொடித்தது )
உப்பு
பொரிக்க எண்ணெய்

செய்முறை:

ஒரு பெரிய பேசினில் மாவு, மிளகு சீரகம், உப்பு மற்றும் வெண்ணையை போடவும்.
கைகளால் நன்கு கலக்கவும்.
தண்ணீர் விட்டு நன்கு பிசையவும்.
அடுப்பில் வாணலி போட்டு எண்ணெய் விட்டு, சுட்டதும்,
தேன்குழல் அச்சில் மாவை போட்டு எண்ணெய் இல் பிழியவும்.
உடனே திருப்பவும் , பிழிந்த மாவு துண்டு துண்டாக ஆகும்.
பவுன் கலர் வந்ததும் எடுத்துவிடவும்.
மொத்த மாவையும் இதுபோல் காரா சேவைகளாக பிழியவும்.

குறிப்பு: பூந்தி கரண்டி போல் 'காரா சேவ்' கரண்டி இருந்தால் அதில் தேய்க்கலாம்.

**krishnaamma** · **krishnaamma** Thu Oct 28, 2010 7:59 pm

தேவையானவை :

2 cup அரிசி மாவு
1cup கடலை மாவு
2 -3 sp பட்டர் - வெண்ணை
1 /2sp பெருங்காய பொடி
2 -3 sp எள்
உப்பு
பொரிக்க எண்ணெய்

செய்முறை:

ஒரு பெரிய பேசினில் மாவு,பெருங்காய பொடி, எள் , உப்பு மற்றும் வெண்ணையை போடவும்.
கைகளால் நன்கு கலக்கவும்.
தண்ணீர் விட்டு நன்கு பிசையவும்.
அடுப்பில் வாணலி போட்டு எண்ணெய் விட்டு, சுட்டதும்,
தேன்குழல் அச்சில், 'முள்ளு தேன்குழல்' தட்டு போட்டு , மாவை போட்டு எண்ணெய் இல் பிழியவும்.
நிதானமாக அடுப்பு எரியும்படி பர்த்துக்கவேண்டும்.
சிறிது நேரம் கழித்து திருப்பவும்.
மறுபுறமும் வெந்ததும் எடுக்கவும்.
கரகரப்பாக நன்றாக இருக்கும்.

Sponsored content · Sponsored content

தீபாவளி பலகாரங்கள் ! - தால் ஹல்வா!

தீபாவளி பலகாரங்கள் ! - தால் ஹல்வா!

மற்றும் ஒரு 'அவல் மிக்ஸ்ர்'

'நிஜமான மிக்ஸ்ர்'

கோதுமை சிப்ஸ்

மைதா சிப்ஸ்

மைதா சிப்ஸ் - 2

'பட்டர் முறுக்கு'

Re: தீபாவளி பலகாரங்கள் ! - தால் ஹல்வா!

'காரா பூந்தி '

'காரா சேவ்'

'மகிழம்பூ தேன்குழல் ' - மனோப்பு - மனங்கொம்பு - 'முள்ளு தேன்குழல்'

Re: தீபாவளி பலகாரங்கள் ! - தால் ஹல்வா!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக