கழிவறை இருந்தால் தான் பதவி: மகாராஷ்டிராவில் அதிரடி திட்டம்

பூஜிதா · பூஜிதா Thu Oct 28, 2010 11:18 am

"வீடுகளில் கழிப்பிட வசதி இல்லாத உள்ளாட்சி உறுப்பினர்களது பதவி பறிக்கப்படும்' என, மகாராஷ்டிரா மாநில அமைச்சரவைக் கூட்டத்தில் முடிவு எடுக்கப்பட்டது. கிராம மக்களிடையே சுற்றுப்புற தூய்மை மற்றும் சுகாதாரம் பற்றிய விழிப்புணர்வை ஏற்படுத்தும் வகையில், மகாராஷ்டிர மாநில அரசு பல்வேறு நடவடிக்கைகளை எடுத்து வருகிறது.

சுற்றுப்புறத்தை தூய்மையாக வைத்துக் கொள்வதில், உள்ளாட்சி பிரதிநிதிகள் முன்னுதாரணமாக திகழ வேண்டும் என்பதை வலியுறுத்தும் வகையில், ஊராட்சி உறுப்பினர்கள், தங்கள் வீடுகளில் கட்டாயமாக கழிப்பிட வசதியை பெற்றிருக்க வேண்டும்; கழிப்பிட வசதி இல்லாத பட்சத்தில், அவர்களது பதவி பறிக்கப்படும் என, மும்பையில் நேற்று நடைபெற்ற அமைச்சரவைக் கூட்டத்தில் அதிரடியாக முடிவு எடுக்கப்பட்டது.

இது குறித்து சுகாதாரத்துறை வட்டாரங்கள் கூறியதாவது: நிர்மல் கிராம திட்டத்தின் ஒரு பகுதியாக இத்திட்டம் செயல்படுத்தப்படுகிறது. வரும் ஜனவரி 1ம் தேதிக்குள் ஊராட்சி உறுப்பினர்கள் தங்கள் வீடுகளில் கழிப்பிடம் கட்ட வேண்டும் என, கெடு விதிக்கப்பட்டுள்ளது. கழிப்பிடங்களை கட்டாத ஊராட்சி உறுப்பினர்களின் பதவிகள், மார்ச் 31ம் தேதிக்குள் பறிக்கப்படும்.

உள்ளாட்சி தேர்தலில் போட்டியிட விரும்பும் நபர்களும் தங்களது வீடுகளில் கழிப்பிட வசதியை கொண்டிருந்தால் மட்டுமே போட்டிபோட முடியும். இவ்வாறு சுகாதாரத்துறை வட்டாரங்கள் தெரிவித்துள்ளன.

இத்திட்டங்களை மற்ற மாநில அரசுகளும் செயல்படுத்தும் பட்சத்தில் ஒரு புதிய சமுதாயத்தை உருவாக்கலாம். மாநில அரசுகள் பரிசீலிக்குமா?

Thanjaavooraan · Thanjaavooraan Thu Oct 28, 2010 1:50 pm

முக்கிய விஷயம்தான் என்ன கொடுமை சார் இது

கழிவறை இருந்தால் தான் பதவி: மகாராஷ்டிராவில் அதிரடி திட்டம்

கழிவறை இருந்தால் தான் பதவி: மகாராஷ்டிராவில் அதிரடி திட்டம்

Re: கழிவறை இருந்தால் தான் பதவி: மகாராஷ்டிராவில் அதிரடி திட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக