First topic message reminder :

கலை wrote:தமிழின் சிறப்பெழுத்தான ‘ழ’ உலகின் எந்த மொழியிலும் இதற்கு ஈடான ஒலியுடைய எழுத்து இல்லை. தமிழில் மட்டுமே பெற்றுள்ள சிறப்பு ஒலி தான் ழகரம்.!

முன்குறிப்பு :- கடந்த மாதம் சென்னைக்கு சென்றபோது இந்த உணவகத்தை கவனித்தேன் உள்ளே சென்று பார்த்தேன் அது ஒரு புதிய அனுபவமாக இருந்தது அதை பற்றி இங்கே பகிர்ந்துக்க வேண்டும் என்று நினைத்திருந்தேன், நேற்று கலை அண்ணாவின் இந்த பதிவை பார்த்தபிறகு இதை பற்றி சொல்லவேண்டும் என்று தோணியது, நீங்களும் சென்னைக்கு சென்றால் இந்த உணவகத்திற்கு ஒருமுறை சென்று பாருங்கள் .

டீக்கடை என்பது தமிழகத்தின் முக்கிய அடையாளங்களுள் ஒன்று. பெரும்பாலும் நடத்துவது நாயர் என்றாலும், குடிப்பது அசாம் டீ என்றாலும் அது நம் அடையாளம்தான். ஒரு நல்ல டீக்கடை என்பது டீயின் சுவையில் இல்லை. கடைக்கு முன்னால் இருக்கும் பென்ச், பக்கத்தில் இருக்கும் ஒரு குட்டிச்சுவர், அருகில் இருக்கும் பேருந்து நிறுத்தம் ஆகியவையே அதன் மதிப்பை கூட்டும் சக்தி பெற்றவை. அதிகாலையில் ஸ்ட்ராங்கா, சக்கரை கம்மியா ஒரு டீயினூடே அன்றைய தினத்தந்தியை மேய்ந்துவிட்டு, 4வது தெரு ராமாசமியிடம் நிதியமைச்சரின் புதிய திட்டம் ஒன்றின் குறையை விளக்குவதில் இருக்கும் அலாதியான சுகம் பெருசுகளுக்கு வேறு எதில் கிடைத்துவிடும்?

பெருசுகளுக்கு சரி.இளசுகளுக்கு? அதிகாலை என்றேன் அல்லவா? இப்போது காலை 8 மணி. பள்ளிக்கூட பெதும்பைகள், பாலிடெக்னிக் மங்கைகள், கல்லூரி மடந்தைகள், வேலைக்கு செல்லும் அரிவை, தெரிவை பேரிளம்பெண்கள் என எல்லா வயது பெண்டிரும் ( வேற யாரையாவது விட்டுட்டேனா ) பேருந்து நிறுத்தத்தை போகன்வில்லாவாக மாற்றும் நேரம். நம்மின காளையர்கள் டீக்கடை குட்டிச்சுவரை நிஜமாகவே குட்டிச்சுவாராக மாற்றும் பொருட்டு நாயரின் திட்டுக்களுக்கு வந்தனம் சொல்லி அக்கவுண்ட்டில் வாங்கிய தம்மை இழுத்தபடி விடும் ஏக்கப்பெருமூச்சுகள் பேருந்து வரும் சத்தத்தையே அடக்கிவிடும்.

உஸ்ஸ்.. ஆலமரம், பசுமாடு கதையாகும் முன்பு சொல்ல வந்ததை சொல்லி விடுகிறேன். டீக்கடையின் அடுத்தக்கட்ட நகர்வுதான் காஃபி ஷாப்கள். இந்த கஃபேக்கள் பலர் கூடி பேசும் இடமாகாத்தான் பார்க்கப்படுகிறது. இப்படிப்பட்ட காஃபி ஷாப்கள் பல தீம்களை (Theme) அடிப்படையாக கொண்டு அமைக்கப்பட்டிருக்கின்றன. ஆனால் தமிகத்திலே தமிழ் மொழியை மையமாக கொண்ட ஒரே தேநீர் விடுதி “ழ” தேநீர் விடுதி அல்லது ZHA Cafe.

யோசித்துப்பாருங்கள். தரையில் மெத்தை. சம்மனமிட்டு அமரலாம். குளிரூட்டப்பட்ட அறை. படிக்க பொன்னியின் செல்வன் உட்பட பல நூல்கள்(தேடிவிட்டேன். சாருவின் நூல்கள் எதுவும் இல்லை. தைரியமாக செல்லலாம்) . ஆடுவதற்கு பல்லாங்குழி அல்லது தாயம். பேசுவதற்கு நண்பர்கள். பார்ப்பதற்கு படங்கள். பேசிப் பேசி களைத்துப் போனால் என்ன குடிக்கலாம்? கோலி சோடா குடிக்கலாம். இருமல் என்றால் சுக்குக்காப்பி குடிக்கலாம். கருப்பட்டி காஃபி குடிக்கலாம். பதனீரை ஆரஞ்சு ஃப்ளேவரில் குடிக்கலாம். ஈனா மீனா டீக்கா குடிக்கலாம். அப்படின்னா என்னவா? போய் குடிச்சு பாருங்க.

சரி சாப்பிட என்ன கிடைக்கும்? அதிரசம் பிடிக்குமா? வாழைப்பழத்தோடு சாப்பிடுங்க. குஷ்பூ இட்லி மட்டும்தானே தெரியும். காக்டெயில் இட்லி சுவைத்துப் பாருங்கள். இங்கே வாழைப்பூ வடை கூட இருக்கிறது. பஜ்ஜி, போண்டா என சகல தமிழ் உணவுகளும் கிடைக்கின்றன. ”டீக்கடை” என்ற ஸ்பெஷல் ஐட்டமும் உண்டு. ஒரு கோப்பை தேநீர், உப்பு பிஸ்கெட் அதாங்க சால்ட் பிஸ்கெட். கடல மிட்டாய். ஒரு தினத்தந்தி என கிராமத்து நினைவுகளை கிளறும் உணவுவகைகள். இதிலெல்லாம் தமிழ் மணம் சரி. விலை எப்படி என்று கேட்கறீர்களா? மற்ற காஃபி ஷாப்களோடு ஒப்பிடுகையில் குறைவுதான். சென்னை ஃபில்டர் காஃபி 40 ரூபாய். சுக்குக்காஃபி 45 ரூபாய்.

மொத்தம் 3 ரூம்கள் இருக்கின்றன. தரையில் அமர்ந்து பேசும்வகையில் ஒன்று, பரமபத தீமில் ஒன்று. இன்னொன்று தெரியவில்லை. ஒரு பெரிய கூடமும் இருக்கிறது. ஒரு வீட்டை டீக்கடையாக மாற்றியிருக்கிறார்கள். நிச்சயம் ஒரு முறை சென்று வரலாம். அடையாறில் இருக்கும் ழ கஃபேயின் முகவரி

25, 2nd Street,
Kamarajar Avenue ,
Adyar, Chennai -20
Phone :044-42116027
மேலும் இதை பற்றி தெரிந்துகொள்ள இந்த ழ” தேநீர் விடுதி லிங்கை அழுத்தி பாருங்கள்

பாலாஜி wrote:நல்ல பகிர்வு

அடுத்த முறை ஈகரை பதிவர் சந்திப்பை அங்கு நடத்திவிட வேண்டியதுதான்

அருமை.

சென்று பார்த்து வருகிறேன். லொகேஷன் மீட்டிங்க் நடத்த சரியாக இருக்குமா என்று.

நானும் கேள்விப்பட்டேன். பார்த்ததில்லை.ஆர்வத்தை ஊட்டிய பாலாவுக்கு என்ன தருவது.. ஒரு சிங்கிள் டி?
இப்படியெல்லாம் எங்கள அலைய வைக்கிறது நியாயமா.

Aathira wrote:சென்று பார்த்து வருகிறேன். லொகேஷன் மீட்டிங்க் நடத்த சரியாக இருக்குமா என்று.

நானும் கேள்விப்பட்டேன். பார்த்ததில்லை.ஆர்வத்தை ஊட்டிய பாலாவுக்கு என்ன தருவது.. ஒரு சிங்கிள் டி?
இப்படியெல்லாம் எங்கள அலைய வைக்கிறது நியாயமா.

அப்புறம்...ஆர்கனைசர்னா சும்மாவா?...

ச. சந்திரசேகரன் wrote:நல்ல பகிர்வு. நன்றிகள்.

பாலாஜி wrote:நல்ல பகிர்வு

அடுத்த முறை ஈகரை பதிவர் சந்திப்பை அங்கு நடத்திவிட வேண்டியதுதான்

ஈகரை பதிவர் சந்திப்பு என்றால் என்ன? எவ்வளவு கால இடைவெளியில்? எப்படி இருக்கும்? மே 15 -ஜூன் 15 நடக்குமா? ஆவலாக உள்ளேன். பாலாஜி விடை தருவாரா? கொச்சியிலிருந்து ச. சந்திரசேகரன்.

கடந்த முறை சென்னையில் பதிவர் சந்திப்பு நடைபெற்றது ..முகம் தெரியாத ஈகரை உறுப்பினர்கள் முதன்முதலாக சந்தித்தார்கள். முனைவர் ஆதிரா சிறப்பான ஏறபடுகளை செய்தார் .. நிறுவனர் விருந்தோம்பலுக்கு பொறுப்பு ஏற்றார் . வெளிநாட்டில் இருந்ததால் நானும் கலந்து கொள்ளவில்லை என்கிற வருத்தம் இன்றும் உள்ளது . நிறைய உறுப்பினர்கள் கலந்து கொண்டு ஈகரை அதிலும் சாதனை படைத்தது.

புகைப்படங்களை காண கீழே உள்ள சுட்டியை சொடுக்கவும் .

http://www.eegarai.com/gallery/index.php?/category/20

பதிவர் சந்திப்பு ஏற்பாடு செய்யபட்டால் , நிச்சயம் ஈகரையில் அறிய தருகின்றோம் .

அடுத்த பதிவர் சந்திப்பிளையாவது கலந்துக்க முயலவேண்டும் பாக்கலாம்

balakarthik wrote:அடுத்த பதிவர் சந்திப்பிளையாவது கலந்துக்க முயலவேண்டும் பாக்கலாம்

நிச்சயம் தல

பாலாஜி wrote:
கடந்த முறை சென்னையில் பதிவர் சந்திப்பு நடைபெற்றது ..முகம் தெரியாத ஈகரை உறுப்பினர்கள் முதன்முதலாக சந்தித்தார்கள். முனைவர் ஆதிரா சிறப்பான ஏறபடுகளை செய்தார் .. நிறுவனர் விருந்தோம்பலுக்கு பொறுப்பு ஏற்றார் . வெளிநாட்டில் இருந்ததால் நானும் கலந்து கொள்ளவில்லை என்கிற வருத்தம் இன்றும் உள்ளது . நிறைய உறுப்பினர்கள் கலந்து கொண்டு ஈகரை அதிலும் சாதனை படைத்தது.

புகைப்படங்களை காண கீழே உள்ள சுட்டியை சொடுக்கவும் .

http://www.eegarai.com/gallery/index.php?/category/20

பதிவர் சந்திப்பு ஏற்பாடு செய்யபட்டால் , நிச்சயம் ஈகரையில் அறிய தருகின்றோம் .

உள்நாடு வந்தபோதுகூடத்தன் சந்திக்கவில்லை.

ரா.ரா3275 wrote:

Aathira wrote:சென்று பார்த்து வருகிறேன். லொகேஷன் மீட்டிங்க் நடத்த சரியாக இருக்குமா என்று.

நானும் கேள்விப்பட்டேன். பார்த்ததில்லை.ஆர்வத்தை ஊட்டிய பாலாவுக்கு என்ன தருவது.. ஒரு சிங்கிள் டி?
இப்படியெல்லாம் எங்கள அலைய வைக்கிறது நியாயமா.

அப்புறம்...ஆர்கனைசர்னா சும்மாவா?...

டைரக்டர் சொல்ற படிதான் ஆர்கனைசர் நடக்க வேண்டும்.