மேய்ப்பன்

அன்பு தளபதி · அன்பு தளபதி Sun 24 Oct 2010 - 22:20

ஒரு மேய்ப்பனாக
கற்றுக்கொண்டு விட்டேன்
என் கால்நடைகளின்
மொழி குறித்தும்
மௌனம்-
வருத்தம் குறித்தும்.
பசியும் அதன்
துள்ளலின் திசையும்
அறிவேன்.
பயணம் எந்தத் தடம்-
இளைப்பாறுதல்
எந்த மரநிழல்-
பூரணமாகத் தெரியும்
என் கைரேகை போல்.
அவற்றின் கலவி
யாரோடு எந்த நாளில்
என்பதும் எனக்கு வெளிச்சம்.
என் போலவே
அவற்றிற்கும் தெரியும்
கழுத்தின் மேலசையும்
திருவிழாக்கத்தி குறித்தும்
நெருங்கும் இறுதிநாள்
குறித்தும்.
ஒருபோதும்
கற்றுக்கொள்ள
முடியவில்லை
மேய்ப்பன் என்னால்
மரணத்தின் நிழல்
பூசிக்கொள்ளாத
அதன் ஞானத்தை.

நன்றி - சுந்தர் ஜி

**Aathira** · **Aathira** Sun 24 Oct 2010 - 22:27

//ஒருபோதும்
கற்றுக்கொள்ள
முடியவில்லை
மேய்ப்பன் என்னால்
மரணத்தின் நிழல்
பூசிக்கொள்ளாத
அதன் ஞானத்தை.//

அருமை அஜித்.. வாழ்த்துக்கள் எழுதியவருக்கும் பதித்தவருக்கு...நன்றி..

அன்பு தளபதி · அன்பு தளபதி Sun 24 Oct 2010 - 22:31

Aathira wrote://ஒருபோதும்
கற்றுக்கொள்ள
முடியவில்லை
மேய்ப்பன் என்னால்
மரணத்தின் நிழல்
பூசிக்கொள்ளாத
அதன் ஞானத்தை.//

அருமை அஜித்.. வாழ்த்துக்கள் எழுதியவருக்கும் பதித்தவருக்கு...நன்றி..