கூட்டங்கள் கூடுவது ஓட்டுக்கு உதவாது: கருணாநிதி கடிதம்

சென்னை : "கூட்டங்கள் கூடுவது ஓட்டுக்கு உதவாது,'' என முதல்வர் கருணாநிதி, தொண்டர்களுக்கு கடிதம் எழுதியுள்ளார்.

இது குறித்து அவர் நேற்று வெளியிட்ட கடிதம்:இதை அடியோடு மறந்து விட்டு, மத்தியில் ஆளுகின்ற அரசையும், அதனுடன் தோழமை கொண்டு மாநிலத்தை ஆளுகின்ற தி.மு.க., அணியையும், கடுமையாக, காரசாரமாக தாக்குதல் நடத்தியே, மத்தியிலும், மாநிலத்திலும் ஆட்சி மாற்றத்தை ஏற்படுத்தி விடலாம் என ஒரு அமளியை திரட்டுவதற்கான ஆயத்தங்கள் இந்திய, தமிழக அளவில் நடைபெற்றுக் கொண்டிருக்கிறது. கடந்த 71ம் ஆண்டு, நாம் காங்கிரஸ், கூட்டணி கட்சிகள், ஈ.வெ.ரா., ஆகியோர் துணையோடு தேர்தலை சந்தித்தோம். காமராஜரும், ராஜாஜியும் ஓரணியில் இருந்து நம்மை எதிர்த்தனர். அப்போது சென்னை திருவல்லிக்கேணி கடற்கரையில் காமராஜரும், ராஜாஜியும் ஒரே மேடையில் ஏறி நமது அணியை எதிர்த்து முழங்கினர். அந்த மேடையில், ராஜாஜி, காமராஜருக்கு நெற்றியிலே வெற்றித் திலகமிட்டு ஆசி வழங்கினார். அதைப் பார்த்து இந்திராவிற்கு நாம் வெற்றி பெறுவோமா என்ற சந்தேகம் எழுந்தது. நாம் வெற்றி பெறுவோம் எனக் கூறினேன். அந்த தேர்தலில் தெருவோரத்தில் நின்ற மனிதர்களின் தீர்ப்பே வென்று காட்டியது. 62ம் ஆண்டு பொதுத் தேர்தலில் காஞ்சிபுரம் சட்டசபைத் தேர்தலில் அண்ணாதுரையின் பேச்சைக் கேட்க, லட்சக்கணக்கில் மக்கள் கூடினர்.

ஆனால் தேர்தல் முடிவு வேறாக அமைந்தது. அதனால் தான் கூறுகிறேன், கூட்டமும் தேவைதான்; ஆனால் கூட்டம் மாத்திரமே அளவுகோல் ஆகாது. பொதுமக்கள் நமது கருத்துகளை கேட்கிறார்கள்; நமது தேவையை உணர்கிறார்கள். அவர்களை அழைத்து, "ஓட்டு சாவடிக்குச் சென்று ஓட்டளியுங்கள் உதயசூரியனுக்கு' என சொல்ல அல்லும் பகலும் உழைக்க கூடிய ஆற்றல் உள்ள, ஆர்வம் படைத்த, அக்கறையுடன் பணியாற்றக் கூடிய, தொண்டர்கள், தொண்டுள்ளம் படைத்தவர்கள் இடைவிடாது உழைத்து வெற்றி தேட வேண்டும். உழைத்தது போதும் என்று எண்ணாமல், தொடர்ந்து உழைக்க வேண்டும். இதிலிருந்து உழைப்பு, உங்களுக்கு இடையே ஒற்றுமை இவை இருப்பின் எவர் அணி வகுத்து நின்றாலும், நம் அணிக்கு வெற்றி உறுதி.இவ்வாறு அந்த கடிதத்தில் முதல்வர் கருணாநிதி குறிப்பிட்டுள்ளார்.

தினமலர்!

தலைவரே ,,,,அப்போ உங்களுக்கு கூடும் கூட்டம் எப்படி ?

ரபீக் wrote:தலைவரே ,,,,அப்போ உங்களுக்கு கூடும் கூட்டம் எப்படி ?

அது குவார்ட்டருக்கும், கோழி பிரியாணிக்கும் கூடும் கூட்டம்!

சிவா wrote:

ரபீக் wrote:தலைவரே ,,,,அப்போ உங்களுக்கு கூடும் கூட்டம் எப்படி ?

அது குவார்ட்டருக்கும், கோழி பிரியாணிக்கும் கூடும் கூட்டம்!

மொத்தமான டாஸ்மாக்கையும் உடன்பிறப்புக்கு குடுத்துடுவாரு