லண்டன் அனுப்புவதாக ரூ.4.10லட்சம் மோசடி செய்தவர் கைது

**சிவா** · **சிவா** Sun 24 Oct 2010 - 17:34

சிவகங்கை:வெளிநாட்டிற்கு அனுப்புவதாக கூறி 4.10 லட்ச ரூபாய் மோசடி செய்த தேவகோட்டை வெங்களூர் முத்தையா (50)வை போலீசார் கைது செய்தனர்.பள்ளத்தூர் அரிசி ஆலை உரிமையாளர் சோலையன் (54). இவரது மூத்த மகன் சரவண கண்ணனுக்கு, லண்டனில் ஐந்து நட்சத்திர ஓட்டலில் சூப்பர்வைசர் வேலை வாங்கி தருவதாக, முத்தையா கூறினார். இதற்காக 7 லட்ச ரூபாய் செலவாகும் என்றார். இதற்கு, 5.85 லட்ச ரூபாய் தருவதாக சோலையன் சம்மதித்தார்.

கடந்த 2005ம் ஆண்டு ஜன., முதல் ஏப்ரல் வரை பல முறை முத்தையா வீட்டிற்கே சென்று 5.85 லட்ச ரூபாயை தந்தார். பணம் கொடுத்து பல மாதமாகியும், லண்டன் அனுப்பவில்லை. பணத்தை திருப்பி தருமாறு சோலையன் கேட்டுள்ளார். முதற்கட்டமாக 1.75 லட்ச ரூபாயை மட்டுமே திருப்பி கொடுத்தார். எஞ்சிய 4.10 லட்சத்தை தருவதாக முத்தையா, அவரது தாய் முத்து (70), தம்பி ராஜேந்திரன் (43) ஆகியோர் தெரிவித்தனர். ஆனால் பணத்தை தராமல் ஏமாற்றியுள்ளனர். சோலையன், சிவகங்கை மாவட்ட குற்றப்பிரிவில் புகார் செய்தார். இன்ஸ்பெக்டர் பெரியகருப்பன், செல்வராஜ் எஸ்.ஐ., ஆகியோர் முத்தையாவை கைது செய்தனர். மற்ற இருவரையும் தேடி வருகின்றனர்.

ரபீக் · ரபீக் Sun 24 Oct 2010 - 17:40

ஏமாறுபவர்கள் இருக்கும்வரை ஏமாற்றுபவர்கள் இருக்கத்தான் செய்வார்கள்

லண்டன் அனுப்புவதாக ரூ.4.10லட்சம் மோசடி செய்தவர் கைது

லண்டன் அனுப்புவதாக ரூ.4.10லட்சம் மோசடி செய்தவர் கைது

Re: லண்டன் அனுப்புவதாக ரூ.4.10லட்சம் மோசடி செய்தவர் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக