தமிழரின் படை-108

நிசாந்தன் · நிசாந்தன் Sat 23 Oct 2010 - 13:06

ஒரு தேசத்தைக் கட்டியெழுப்ப அரசுக்குப் பணம் தேவை. இறையாண்மை பொருந்திய நாடுகளுக்கு இந்தப் பணம் வரியாக வரும். வருமானமாக வரும். வெளிநாடுகள் உதவிக்கு வரும்.
ஈழம் ஒரு தனி நாடு அல்ல. எந்த நாடும் புலிகளுக்கு பண உதவி செய்வதில்லை. அப்படி இருக்கும் போது, தங்கள் பகுதியில் கட்டமைப்புகளை உருவாக்க, போரை நடாத்த, அவர்களுக்கு எங்கிருந்து பணம் வருகிறது?

அரசு பணியில் இருப்பவர்கள், தங்களது மாத சம்பளத்தில் இருந்து ஒரு பகுதியை விடுதலைப் புலிகளுக்கு அளிக்க வேண்டும். வரி. உற்பத்தித் தொழில்களில் இருப்பவர்களுக்கும் இது பொருந்தும். மீனவர்களும், விவசாயிகளும் தங்கள் வருவாயில் ஒரு பகுதியை வரியாக செலுத்த வேண்டும். பணமாகவோ, பொருளாகவோ. ஈழப்பகுதிகளுக்குள் கொண்டு செல்லும் பொருட்களுக்கு வரி செலுத்த வேண்டும். வாகனங்களை பதிவு செய்ய வரி, நிலம், வாங்க விற்க வரி செலுத்த வேண்டும்.. ஆனால் மக்கள் மனமுவந்து இந்த வரிகளை செலுத்தினர். காரணம், இவை அவர்களால் செலுத்தக்கூடிய அளவில் மட்டுமே இருந்தது.

ஆரம்ப காலம் தொட்டே கப்பல்களின் தேவையை விடுதலைப் புலிகள் நன்கு அறிந்திருந்தனர். ஆயுதங்களை ஈழப் பகுதிக்கு கொண்டு வர கப்பல்கள் இன்றியமையாதவை. வடக்குப் பகுதியிலிருந்து கிழக்குப் பகுதிக்குச் செல்ல கப்பலும் அதிவேக படகுகளும் தேவை. விரைவாகவே, பொருளாதார பிரிவு ஒன்றைத் தொடங்கினார்கள். இந்தப் பிரிவின் நோக்கம், பல கப்பல்களை வாங்கி, அவற்றை உலக அளவில் சரக்குகளை நகர்த்தப் பயன்படுத்துவதுதான். இன்று புலிகளுக்கு சொந்தமான கப்பல்கள் சர்வதேச சரக்கு போக்குவரத்தில் ஈடுபடுகின்றன.

இந்த இடத்தில் சிங்கள அரசு ஒரு குற்றச்சாட்டை முன்வைக்கிறது. சாதரண சரக்குகள் மட்டுமல்ல, ஆயுதங்களையும் இவர்கள் கடத்துகிறார்கள். விடுதலைப் புலிகள் தங்கள் சரக்கு கப்பல்களை போதை பொருட்களைக் கடத்த பயன்படுத்துகிறார்கள். ஆனால் ஒன்றை நாம் இங்கு கவனிக்க வேண்டும். ஒரு புலி வீரன் தாக்குதலுக்கு செல்லும் போது அவருக்கு சொல்லப்படும் முக்கிய அறிவுரை, இராணுவ வீரர்களைத் தவிர மற்ற அப்பாவி மக்கள் மீது தாக்குதல் நடத்தப்பட கூடாது என்பது தான். தலைவர் அடிக்கடி கூறவது, நம்மைப் போல சிங்கள மக்கள் அவர்களின் நாட்டில் வாழ்வதற்கு உரிமை உள்ளவர்கள். அவர்களின் உரிமையில் நாம் தலையிடக்கூடாது. தனது எதிரிக்கும் நன்மையே நினைக்கும் உயரிய பண்பு உடையவரா மக்களின் வாழ்வையே சீரழிக்கும் போதைப் பொருட்களை கடத்துவார்?

இது போன்ற குற்றச்சாட்டுகளுக்கு பொதுவாக விடுதலைப் புலிகள் பதிலளிப்பதில்லை.

தமிழரின் படை-108

தமிழரின் படை-108

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக