தமிழரின் படை-107

நிசாந்தன் · நிசாந்தன் Sat Oct 23, 2010 11:32 am

ஆங்காங்கே ஜீப்பில்(அல்லது காரில்) காவல் துறையைச் சேர்ந்தவர்கள் ரோந்து வருவார்கள். காவல்துறை அமைக்கப்பட்டது 1991-ம் ஆண்டில். அவர்களின் உடை வெளிர் நீல நிறம். காரணம், மக்களுக்கு அவர்களைப் பார்க்கும் போது பயம் ஏற்படக் கூடாது என்றும், மேலும் இந்தியாவில் காக்கி நிறம், இந்திய மக்களின் மனதில் அடக்குமுறையின் சின்னமாக பதிவாகியிருக்கிறது. அதைப்போன்று ஈழத்திலும் நடக்கக்கூடாது என்றார் பிரபாகரன்.

தலைமைக் காவல் நிலையம் இருப்பது கிளிநொச்சியில். மற்றபடி விடுதலைப் புலிகளின் ஆளுகைக்கு உட்பட்ட பிரதேசங்களில் சங்கிலி வரிசையாகக் காவல் நிலையங்கள் உள்ளன. குற்றங்களைக் கண்டுபிடிப்பது, அவை நிகழ்வதற்கு முன்னரே தடுப்பது. குற்றவாளிகளை நீதிமன்றங்களுக்கு அழைத்து வருவது, சட்ட ஒழுங்கை நிலைநாட்டும் முழுப்பொறுப்பும் காவல்துறையைச் சார்ந்தது. பெண் காவலாளிகளும் உண்டு.

விடுதலைப் புலிகளின் ஆளுகைக்கு உட்பட்ட பிரதேசங்களில் பள்ளிக் கூடங்கள், கல்லூரிகள் இயங்குகின்றன. அனைத்து பாடங்களும் தமிழிலேயே கற்பிக்கப்படுகின்றன. விவசாயம், நெசவு போன்ற அடிப்படை தொழில்கள் உள்ளன. தொலைத்தொடர்பு ஓரளவுக்கு உள்ளது. ஈழத்தில் இருந்து செயற்கைகோள் வழியாக எந்த நாட்டிலுள்ள தனது சொந்தங்களுடன் பேச இயலும். புலிகளின் இணையதளம் இங்கிருந்தே இயக்கப்படுகிறது. புலிகளின் ஒலி, ஒளிபரப்பு இணையத்திலும் கிடைக்கிறது.

ஆனால் சில போதாமைகளும் உள்ளன. மின்சாரம் முழுக்க முழுக்க டீசல், பெட்ரோல் ஜெனரேட்டர் மூலமாக கிடைக்கிறது. மின் உற்பத்தி நிலையங்கள் கிடையாது. எரிபொருள் விலை மிக அதிகம். சமையல் எரிவாயு என்று ஒன்று அங்கு கிடையாது. அத்தியாவசிய பொருட்களின் விலை அதிகம். அரிசி ஒரு கிலோ 180 ரூபாய். சர்க்கரை ஒரு கிலோ 400 ரூபாய். பெட்ரோல் ஒரு லிட்டர் 650 ரூபாய்.

எப்போது வேண்டுமானாலும் குண்டு மேலே விழலாம் என்ற பயம். சரியான வருமானம் கிடையாது. வெளிநாடுகளில் வசிக்கும் உறவினர்கள் அல்லது கொழும்பில் வேலை பார்க்கும் உறவினர்கள் பணம் சேர்த்து அனுப்பினால்தான் உண்டு. அதிலும் உணவுப் பொருட்கள் வாங்குவது கடினம்தான். மருத்துவ வசதி போதாது. அடிப்படை மருத்துவத்துக்கு மேலாக, அறுவை சிகிச்சை போன்றவற்றிற்கு கொழும்பிற்கோ தமிழகத்திற்கோ சென்றால் தான் உண்டு. ஆனாலும் மக்கள் இவ்வளவு துன்பங்களையும் தாங்கிக் கொண்டு, புலிகளுக்கு ஆதரவாக உள்ளனர்.

தமிழரின் படை-107

தமிழரின் படை-107

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக