கல்லல்ல..

**Aathira** · **Aathira** Fri Oct 22, 2010 1:09 am

சேமிக்க நினைத்த
கணங்களைச் செலவழித்தேன்
நட்டமெனத் தொலைக்க வேண்டிய
தருணங்களை நினைவுகளாக்கி
நெஞ்சு கனக்கச் சேமித்தேன்

கணங்கள் நழுவி
நாட்களாய்
மாதங்களாய் நீள
நினைவலைகளில்
கரைந்து கொண்டிருக்கின்றது
ஆயுளும்
நீ கொடுத்த உறுதிமொழிகளும்
மெல்ல மெல்ல!

சுகத்தில் அழுவதும்
சோகத்தில் எழுவதும்
கவிதை எழுத்துக்களுக்கு
மட்டுமே சாத்தியம்!

சிதைந்த கணக்கை
வெட்டுவதும்
சீராக்கி ஒட்டுவதும்
கணிப்பொறிக்கு மட்டுமே
கிட்டிய வரம்!

உடைந்த சில்லுகளைச்
செதுக்கி வார்ப்பதற்கு
நானும் கல்லல்ல,
நீயும்
கைதேர்ந்த
கணபதி ஸ்தபதி அல்ல!

ஆதிரா...

**T.N.Balasubramanian** · **T.N.Balasubramanian** Fri Oct 22, 2010 9:49 am

சுகத்தில் அழுவதும்
சோகத்தில் எழுவதும்
கவிதை எழுத்துக்களுக்கு
மட்டுமே சாத்தியம்!

சிதைந்த கணக்கை
வெட்டுவதும்
சீராக்கி ஒட்டுவதும்
கணிப்பொறிக்கு மட்டுமே
கிட்டிய வரம்!

கணினியில், அழகு கவிதை செதுக்கிய ஆதிரா அவர்களுக்கு வாழ்த்துக்கள். அன்பு மலர்

கணபதி ஸ்தபதியும்," நானென்ன ஆதிரையா ? கணினியில் கவிதை செதுக்க, கல்லில்தான் செதுக்க முடியும் என்னால் "என்றிப்பார்.

ரமணீயன்.

தமிழ்ப்ரியன் விஜி · 26/06/2009

//சுகத்தில் அழுவதும்
சோகத்தில் எழுவதும்
கவிதை எழுத்துக்களுக்கு
மட்டுமே சாத்தியம்!............//

அருமை ஆதிரா அக்கா உங்கள் கவிதையை படிக்கும்
போது எனக்குள் கவிதை மற்றும் கற்பனை வளம்
அதிகமாகிறது .. அன்பு மலர்

**கா.ந.கல்யாணசுந்தரம்** · 28/02/2009

கல்லில் சிலைவடிக்கும் கணபதி ஸ்தபதி கூட நிலைதடுமாறி இருப்பார் தங்களின் கவிதையைக் காணும் போது. கல்லில் வடிக்கவேண்டிய கவிதை. வாழ்த்துக்கள் ஆதிரா அவர்களே.

கா.ந.கல்யாணசுந்தரம்.

**சிவா** · **சிவா** Fri Oct 22, 2010 12:32 pm

கவிதை வரிகளும், கணபதி ஸ்தபதியும் நன்றாக உள்ளது அக்கா! ஆனால் இதன் பொருள் புரியவில்லை!

**சிவா** · **சிவா** Fri Oct 22, 2010 12:36 pm

எனது தேவகோட்டை.நெட்டில் டாக்டர் கணபதி ஸ்தபதி பற்றி எழுத நினைவூட்டியதற்கு நன்றி அக்கா! (தேவகோட்டை அருகில் எழுவன்கோட்டை என்னும் கிராமத்தில் பிறந்தவர்)

அப்புகுட்டி · அப்புகுட்டி Fri Oct 22, 2010 12:37 pm

அருமையாக உள்ளது அம்மணி சிந்தனைத்துளிகள் வாழ்த்துக்கள்.

அன்பு தளபதி · அன்பு தளபதி Fri Oct 22, 2010 12:38 pm

மிக அழகான கவிதை வடித்த ஸ்தபதிக்கு நன்றிகள்

**உமா** · **உமா** Fri Oct 22, 2010 12:41 pm

**சிவா** · **சிவா** Fri Oct 22, 2010 12:43 pm

T.N.Balasubramanian wrote:

கணினியில், அழகு கவிதை செதுக்கிய ஆதிரா அவர்களுக்கு வாழ்த்துக்கள்.
கணபதி ஸ்தபதியும்," நானென்ன ஆதிரையா ? கணினியில் கவிதை செதுக்க, கல்லில்தான் செதுக்க முடியும் என்னால் "என்றிப்பார்.

ரமணீயன்.