ஓரியண்டல் பாங்க் ஆப் காமர்சில் அதிகாரி பணியிடங்கள்

பொதுத் துறை வங்கிகளில் ஒன்றான ஓரியண்டல் பாங்க் ஆப் காமர்ஸ் சிறந்த சேவை மற்றும் நவீனமயமாக்கலுக்குப் பெயர் பெற்றது. இந்த வங்கியில் 322 புரோபேஷனரி அதிகாரி பணி இடங்கள் நிரப்புவதற்கான அறிவிப்பு வெளியாகியுள்ளது.

கல்வித் தகுதி : ஓரியண்டல் வங்கியின் புரோபேஷனரி அதிகாரி பதவிக்கு விண்ணப்பிக்க அங்கீகரிக்கப்பட்ட கல்வி நிறுவனத்தின் மூலமாக ஏதாவது ஒரு பிரிவில் பட்டப் படிப்பை 01.10.2010க்குள் முடித்திருக்க வேண்டும். எம்.பி.ஏ., சி.ஏ., சி.எப்.ஏ., எம்.சி.ஏ., போன்ற படிப்புகளை முடித்தவர்களுக்கு முன்னுரிமை உண்டு. இது தவிர கம்ப்யூட்டருடன் தொடர்புடைய விண்டோஸ், எம்.எஸ்.,வேர்டு, எம்.எஸ்., ஆபிஸ், எக்செல், இன்டர்நெட், இ-மெயில் போன்றவற்றிலும் திறமையும், கல்வித் தகுதியும் தேவைப்படும். முழு விபரங்களை அறிய இந்த வங்கியின் இணைய தளத்தைப் பார்க்கவும்.

வயது வரம்பு
ஓரியண்டல் வங்கியின் புரோபேஷனரி அதிகாரி பதவிக்கு விண்ணப்பிக்க 21 வயது நிரம்பியவராகவும், 30 வயதுக்கு உட்பட்டவராகவும் இருக்க வேண்டும்.
தேர்ச்சி முறை

ஓரியண்டல் வங்கியின் புரோ பேஷனரி அதிகாரி பதவிக்கு எழுத்துத் தேர்வு மற்றும் நேர்காணல்
என்ற அடிப்படையில் தேர்ச்சி முறை இருக்கும். எழுத்துத் தேர்வு குறித்த அறிவிப்பு விண்ணப்பதாரர்களுக்கு முன் கூட்டியே தெரிவிக்கப்படும் என்று அறிவிக்கப்பட்டுள்ளது. எழுத்துத் தேர்வு தமிழகத்தில் சென்னையிலும், நமக்கு அருகிலுள்ள மாநில மையமான பெங்களூரு உள்ளிட்ட 11 மையங்களில் நடை பெறும் என்று அறிவிக்கப்பட்டுள்ளது.

விண்ணப்பக் கட்டணம்
ஓரியண்டல் வங்கியின் புரோபேஷனரி அதிகாரி பதவிக்கு விண்ணப்பிக்க ரூ.400/- கட்டணமாக நிர்ணயிக்கப்பட்டுள்ளது. இந்தக் கட்டணத்தை ஏதாவது ஒரு ஓரியண்டல் வங்கியின் கிளையில் 00071011002154 என்ற கரண்ட் அக்கவுண்ட் எண்ணில் செலுத்த வேண்டும்.

விண்ணப்பிப்பது எப்படி ?
ஓரியண்டல் வங்கியின் புரோபேஷனரி அதிகாரி பதவிக்கு விண்ணப்பிக்க முதலில் விண்ணப்பக் கட்டணத்தைச் செலுத்த வேண்டும். இதன் பின்னர் ஆன்-லைன் முறையில் மட்டுமே விண்ணப்பிக்க முடியும். விண்ணப்பக் கட்டணம் செலுத்திய ரசீதை தற்போது அனுப்பத் தேவையில்லை. எழுத்துத் தேர்வுக்கான அழைப்பு வரும்போது இதனையும் விண்ணப்பித்த பிரிண்ட் அவுட்டையும் எடுத்துச் செல்ல வேண்டும். ஆன்-லைன் முறையில் விண்ணப்பிப்பதால் உங்களுக்கான உபயோகத்திலுள்ள இ-மெயில் முகவரி இருப்பதை உறுதி செய்யவும்.
முக்கிய தேதிகள்
ஆன்-லைனில் விண்ணப்பிக்க இறுதி நாள் : 10.11.2010
எழுத்துத் தேர்வு நடைபெறும் நாள் : 26.12.2010
இணைய தள முகவரி :
" www.obcindia.co.in "

தினமலர்