புகைப்பிடிப்பதால் மாரடைப்பு!!!

அயர்லாந்து நாட்டில் கடந்த 2 ஆண்டுகளுக்கு முன்பு பொது இடங்களிலும், உணவங்களிலும் புகைப்பிடிப்பதற்கு தடை விதிக்கப்பட்டது. அதனுடைய பலன் இப்போது தெரிய வந்துள்ளது. அங்குள்ள மான்ட்டானா நகரில் கடந்த 6 மாதத்தில் மட்டும் மாரடைப்பால் மருத்துவமனையில் அனுமதிக்கப்படுபவர்களின் எண்ணிக்கை 40 சதவீதம் குறைந்துள்ளதாம். தடை விதிக்கப்படுவதற்கு ஒரு ஆண்டுக்கு முன்பு கிடைத்த புள்ளிவிவரங்களின் மாரடைப்புக் காரணமாக மருத்துவ மனைகளில் 40 பேர் அனுமதிக்கப்பட்டனர். ஆனால் தடை விதித்த 6 மாத காலத்தில் இந்த எண்ணிக்கை 24 ஆக குறைந்து விட்டது. இவர்களில் 28 சதவீதம் பேர் புகைப் பிடிப்பவர்கள். 29 சதவீதம் பேர் புகைப் பழக்கத்தில் இருந்து விடுபட்டவர்கள். 33 சதவீதம் பேர் ஒரு போதும் புகைப் பிடிக்காதவர்கள்.

புகைப்பிடிப்பதால் இதய நோய்களும், பக்க வாதமும் ஏற்படுகின்றன. இவற்றில் இதய நோய்களில் மாரடைப்பு தான் முதலிடம் வகிக்கிறது. இந்த நிலையில் பொது இடங்களில் புகைப் பிடிப்பதை தடை செய்வதன் மூலம்
2-வது நிலை புகைப் பிடிக்கும் ஆபத்து கணிசமாக குறைந்து விடுகிறது. இந்த 2-வது நிலை புகைப் பிடிப்பாளர்கள் தான் மாரடைப்பு நோயால் கடுமையாக பாதிக்கப்படுகிறவர்கள். எப்படியெனில், ஒருவர் புகையே பிடிக்காதவராக இருக்கலாம். ஆனால் அவர் ஒரு புகைப்பிடிப்பவருடன் வசிக்கிறார் என்றால், புகைப்பிடிக்க தடை செய்யப்பட்ட ஒரு பகுதியில் வசிப்பவரைக் காட்டிலும் மாரடைப்பு வருவதற்கு 15 சதவீதம் கூடுதல் வாய்ப்பு இருப்பதாக நியூசிலாந்து ஆய்வில் கண்டுபிடிக்கப்பட்டுள்ளது. ஆகையால் புகைப்பிடிக்க தடை விதிக்கப்பட்ட பகுதிகளை உருவாக்குவதன் மூலம் 2-வது நிலை புகைப் பிடிப்பாளர்களின் எண்ணிக்கை குறைவதுடன், அதே அளவுக்கு மாரடைப்பு அபாயமும் குறைகிறது.

இதனிடையில் மேற்கண்ட பலன்களை கண்கூடாகக் கண்ட அயர்லாந்து அரசு கடந்த வாரம் முதல் புகைப் பிடிப்பதற்கு நாடு தழுவிய அளவில் தடை விதித்து உத்தரவிட்டு உள்ளது. புகைப் பழக்கம் இல்லாதவர்களுடன் ஒப்பிடும் போது புகைப் பிடிப்பாளர்கள் இதய நோய்களால் உயிரிழப்பதற்கு 2 மடங்கு கூடுதல் வாய்ப்பு உள்ளது.

Source: thinakaran.com