சந்தேக வலையில் 3 இலங்கை அகதிகள்

நிசாந்தன் · நிசாந்தன் Mon Oct 18, 2010 10:35 am

இலங்கை கிளிநொச்சியை சேர்ந்த யாமினி(29) அங்கிருந்து 2.6.2009ம் தேதி விமானம் மூலம் சென்னை வந்தார். பின்னர் திருச்சியில் உள்ள தனது அத்தை கோகுலவதனி வீட்டில் தங்கியிருந்தார். இந்நிலையில் அவருடைய விசா காலம் முடிவடைந்த நிலையில் அதனை புதுப்பிக்காமல் சென்னையில் உள்ள தனது தோழி வீட்டில் சில நாட்கள் தங்கினார்.

பின்னர் பூந்தமல்லியில் உள்ள தனது உறவினரைச் சந்திக்க 26.6.2010 அன்று சென்றபோது காவல்துறையினர் இவரைக் கைது செய்தனர். விசாரணைக்கு பின்னர் இவரை புழல் சிறையில் அடைத்தனர். இந்நிலையில் கடந்த ஒன்றாம் தேதி பிணையில் விடுவிக்கப்பட்டார். நீதிமன்ற உத்தரவுபடி கையெழுத்திட சென்ற யாமினியை தமிழக கியூ பிரிவு காவலர்கள் கைது செய்து விசாரனை நடத்தினர்.

பின்னர் 7ம் தேதி அவரை அகதி மண்டபம் முகாமுக்கு அனுப்பினர். அங்கு யாமினியிடம் விசாரணை நடத்தி வருகின்றனர். இதைப்போல் 24.6.1999 அன்று இலங்கையில் இருந்து மண்டபம் வந்த முரளிதரன் என்பவர் தன்னை அகதியாக பதிவு செய்து கொண்ட பின்னர் அங்கிருந்து வெளியேறி கேராளாவிற்கு சென்று மதம் மாறினார். கலீல் ரகுமான் என்ற பெயரில் ஏர்வாடிக்கு வந்து வேலை செய்து கொண்டிருந்த முரளிதரன் மீது அப்பகுதியினருக்கு சந்தேகம் ஏற்பட்டது. இதனால் சென்னைக்கு சென்று முரளிதரன் என்ற பெயரிலேயே பதிவு விடுதலான அகதியாக பதிவு செய்து கொண்டு மண்டபம் முகாமுக்கு வந்துள்ளார். இதை அறிந்த கியூ பிரிவு காவல்துறையினர், இவரிடம் விசாரித்து வருகின்றனர்.

இவரைப் போலவே, 2006ம் ஆண்டு அகதியாக வந்து பதிவுசெய்து கொள்ளாமல் சென்னை உட்பட பல இடங்களில் சுற்றிய அகதி ஒருவரிடமும் கியூ பிரிவினர் விசாரித்து வருகின்றனர். இவர்கள் 3 பேருக்கும் புலிகள் இயக்கத்துடன் தொடர்பு உள்ளதா? என்று விசாரித்து வருகின்றனர்.

சந்தேக வலையில் 3 இலங்கை அகதிகள்

சந்தேக வலையில் 3 இலங்கை அகதிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக