அழைக்கிறேன் ராமனை

**V.Annasamy** · **V.Annasamy** Mon Oct 18, 2010 10:10 am

First topic message reminder :

பல்லவி

எத்தனை முறை அழைப்பதோ ராமா ?
எத்துணை நாடி பிழைப்பதோ ராமா ?

அனுபல்லவி

பித்தனைப் போலவே உந்தன் திருநாமம்
நித்தம் நெஞ்சார உணர்ந்து சொல்லி ( எந்தனை)

கண்ணிகள்

கல்லைக் கன்னியாக் கினாய் - மாபெரும்
வில்லை முறித்தோர் கன்னியை மணந்தாய்.
தொல்லைகள் தொடர்ந்து வரினும், சொன்ன
சொல்லைக் காத்த சத்யசீலனே, உன்னை ( எத்தனை)

பார் போற்றும் ஓர்சொல், ஓர்வில்,
ஒர்மனைவி என்ற உயரிய கொள்கைகளை
வார்ப்புக்களாய் ஒர்நிலையில், உறுதியாய்க் கையாண்டு
சீர்கூட்டி செம்மை சேர்த்த செம்மலேயுனை (எந்தனை)