காதலை ஏன் படைத்தான்? (கவிதை)

**kirikasan** · **kirikasan** Sun Oct 17, 2010 9:04 pm

மெல்லிய பஞ்செனும் மேகம் படைத்ததில்
மின்னலை ஏன்கொடுத்தான்
முல்லைசெறி மலர்ப் பந்தலின் மீதிலே
மூடியோர் பாம்பை வைத்தான்
கல்லும் உருகிடும் சேதி கொள்ள எங்கள்
கண்களில் நீர் படைத்தான்
வல்லமை கொண்ட மனங்களிலே கொடும்
வஞ்சனை கோலமிட்டான்

பென்னம் பெரிதென பூமி செய்து அதை
பின்னிச் சுழல வைத்தான்
இன்னுமதில் நடமாடவென மக்கள்
எத்தனையோ படைத்தான்
பொன்னிற் அழகென்னும் மாதர்செய்து ஒரு
போதை விழியில் வைத்தான்
மின்னலென மனம் கொன்றிடக் காதலை
மெல்ல இழையவிட்டான்

சின்னதென பல பூக்கள் செய்து அதில்
தேனை நிரப்பியவன்
தின்னும்சிறு வண்டு தேவை முடிந்ததும்
தென்றலில் ஓடவைத்தான்
இன்னரும் ராகங்கள் தான் படைத்து அதில்
ஏனோ முகாரி வைத்தான்
பொன்னெழில் வண்ணசிலை வடித்து அதைப்
போட்டு உடைக்க வைத்தான்

தண்ணீரில் தாமரை தான்படைத்து மனம்
தாகமெடுக்க வைத்தான்
விண்ணின் கதிருக்கும் வீதி மலருக்கும்
வேடிக்கை காதல் வைத்தான்
மண்ணில் இருப்பது மாயமென்ன? மனம்
மாறும் உணர்வு வைத்தான்
எண்ணி மனங்காவல் கொள்ளவில்லை யெனில்
என்றுமே துன்பம் வைத்தான்

**சிவா** · **சிவா** Mon Oct 18, 2010 2:45 am

///பொன்னிற் அழகென்னும் மாதர்செய்து ஒரு
போதை விழியில் வைத்தான்///

இந்த உலகத்தின் இயக்கம் சீராக இருக்க வேண்டும் என்றுதான் இவ்வாறு படைத்தான்! ஆண்களின் வெற்றிக்கு இந்தக் காதல்தானே துணை புரிகிறது! காதலில்லா உலகம், காற்று இல்லாத நரகம்!

**T.N.Balasubramanian** · **T.N.Balasubramanian** Mon Oct 18, 2010 7:54 am

காதலை ஏன் படைத்தான் என கேட்டால்,
கவிஞர் பலர் உருவாக என்றிடுவேன்.

அருமையான கவிநயம், கிரிஹாசன்.
வாழ்த்துக்கள் அன்பு மலர்

.

ரமணீயன்.

arsad · arsad Mon Oct 18, 2010 10:56 am

இனிமையான கவிதைக்கு என் வாழ்த்துக்கள்!!!

**கா.ந.கல்யாணசுந்தரம்** · 28/02/2009

சின்னதென பல பூக்கள் செய்து அதில்
தேனை நிரப்பியவன்
தின்னும்சிறு வண்டு தேவை முடிந்ததும்
தென்றலில் ஓடவைத்தான்
இன்னரும் ராகங்கள் தான் படைத்து அதில்
ஏனோ முகாரி வைத்தான்
பொன்னெழில் வண்ணசிலை வடித்து அதைப்
போட்டு உடைக்க வைத்தான்

மகிழ்ச்சி

**அருண்** · **அருண்** Mon Oct 18, 2010 11:13 am

காதலை ஏன் படைத்தான் என்று காதலுக்கு புது விளக்கமளித்து அருமையாக கவிதை வடித்த அண்ணனுக்கு வாழ்த்துக்கள்.. மகிழ்ச்சி

**kirikasan** · **kirikasan** Mon Oct 18, 2010 7:43 pm

பாராட்டிய அனைவருக்கும் என் அன்புகலந்த நன்றிகள்! தங்கள் அன்பான வாழ்த்துகளோடு தொடர்கிறேன். நன்றி!

அன்பு தளபதி · அன்பு தளபதி Mon Oct 18, 2010 10:02 pm

இனிமையான கவிதை ஏக்கம் அதிகம் காதலின் மீது

Thanjaavooraan · Thanjaavooraan Mon Oct 25, 2010 2:25 pm

அழகிய கவிநயம் மகிழ்ச்சி

Sponsored content · Sponsored content

காதலை ஏன் படைத்தான்? (கவிதை)

காதலை ஏன் படைத்தான்? (கவிதை)

Re: காதலை ஏன் படைத்தான்? (கவிதை)

Re: காதலை ஏன் படைத்தான்? (கவிதை)

Re: காதலை ஏன் படைத்தான்? (கவிதை)

Re: காதலை ஏன் படைத்தான்? (கவிதை)

Re: காதலை ஏன் படைத்தான்? (கவிதை)

Re: காதலை ஏன் படைத்தான்? (கவிதை)

Re: காதலை ஏன் படைத்தான்? (கவிதை)

Re: காதலை ஏன் படைத்தான்? (கவிதை)

Re: காதலை ஏன் படைத்தான்? (கவிதை)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக