அபூர்வப் பிறவிகள்

கார்த்திக் · கார்த்திக் Sun Oct 17, 2010 11:50 am

10.10.10ல் உலகில் பல குழந்தைகள் பிறந்துள்ளன.அபூர்வமான தினத்தில் பிறந்த இந்தக் குழந்தைகள் அதிர்ஷ்டசாலிகள் என கூறப்படுகின்றது.அமெரிக்காவின் மிச்சிகன் மாநிலத்தைச் சேர்ந்த சார்ட் மற்றும் பார்பரா சோபர் தம்பதிகளுக்கு மூன்று குழந்தைகள்.

மூவருமே இத்தகைய அபூர்வ தினத்தில் பிறந்தவர்கள். கடைசியாகக் கிடைத்த குழந்தை சியரா 10.10.10ல் பிறந்தவர்.இந்தக் குழந்தை எதிர்பார்க்கப்பட்டதைவிட ஒரு மாதம் முன்கூட்டி இந்த அதிர்ஷ்ட தினத்தில் பிறந்துள்ளது.

இந்தக் குழந்தையின் மூத்த சகோதரி சோலி 08.08.08ல் பிறந்தவர். இரண்டாவது சகோதரன் கெமரூன் 09.09.09ல் பிறந்தவன். இந்தக் குழந்தையும் எதிர்பார்க்கப்பட்டதைவிட இரு வாரங்கள் முந்திப் பிறந்தது. எமது குடும்பத்தைப் பொறுத்தமட்டில் எல்லாமே அதிர்ஷ்ட எண்கள்தான் என்கிறார் குழந்தைகளின் தாயான 36 வயதான பார்பரா.