அதிகாரப் பகிர்வை துரிதப்படுத்துமாறு இலங்கையிடம் இந்தியா வலியுறுத்தல்

நிசாந்தன் · நிசாந்தன் Sun Oct 17, 2010 1:13 am

தமிழ் பேசும் சிறுபான்மை சமூகங்களுக்கு அதிகாரத்தைப் பகிர்ந்தளிக்கும் நடவடிக்கைகளைத் துரிதப்படுத்துமாறு இலங்கையை இந்தியா நேற்று வெள்ளிக்கிழமை வலியுறுத்தியுள்ளது. அதேவேளை, இலங்கையின் அபிவிருத்தி நடவடிக்கைகளுக்கு உதவுவதாகவும் புதுடில்லி கொழும்புக்கு உறுதியளித்திருக்கின்றது. "அதிகாரப்பகிர்வு விவகாரத்தை நான் எழுப்பியிருந்தேன். இப்போது பாராளுமன்றத் தேர்தல்கள் முடிவடைந்துவிட்டன. தமிழ் பேசும் இலங்கையரை வெற்றிகொள்வதற்கு உறுதியுடன் செயற்படுவதற்கு இலங்கை அரசாங்கத்துக்கு இதுவே தருணமாகும். தமிழ்பேசும் இலங்கையரின் கவலைகள், ஆட்சேபனைகள் தொடர்பாக கவனத்திற்கு எடுப்பதற்கு இதுவே வேளையாகும்" என்று இந்திய வெளிவிவகார அமைச்சர் எஸ்.எம்.கிருஷ்ணா புதுடில்லியில் நிருபர்கள் மத்தியில் நேற்று வெள்ளிக்கிழமை கருத்துத் தெரிவித்திருக்கிறார்.

"அதிகாரப்பகிர்வு பூர்த்தியடைந்தால் அபிவிருத்தி நிகழ்ச்சி நிரலுக்கு அவர்கள் செல்லமுடியும். இந்த நடவடிக்கைகளுக்கு இந்தியா முழுமையாக அவர்களுக்கு உதவும்" என்று ஜி.எல் பீரிஸிடம் கிருஷ்ணா கூறியுள்ளார். இந்த ஒருங்கிணைந்த செயற்பாடு முழுமைபெறும் என்று புதுடில்லி கருதுவதாகவும் கிருஷ்ணா கூறியுள்ளார். "இந்தக் கருத்தை இலங்கை ஏற்றுக்கொள்வதாகவும் கிருஷ்ணா கூறியுள்ளார். அதேசமயம் யுத்தத்தால் இடம்பெயர்ந்த தமிழர்களில் இன்னமும் 20,000 பேர் மட்டுமே மீளக்குடியமர்த்தப்படாமலிருப்பதாக அமைச்சர் பீரிஸ் தமக்கு அறிவித்துள்ளதாக கிருஷ்ணா தெரிவித்தார்.

இதேவேளை ஒக்ரோபர் இறுதியில் இலங்கைக்கு கிருஷ்ணா வரவுள்ளமையும் குறிப்பிடத்தக்கது.

அதிகாரப் பகிர்வை துரிதப்படுத்துமாறு இலங்கையிடம் இந்தியா வலியுறுத்தல்

அதிகாரப் பகிர்வை துரிதப்படுத்துமாறு இலங்கையிடம் இந்தியா வலியுறுத்தல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக