எனது சிறு கவிதைகள் முதல் தொகுப்பு –சூர்யா

தேனி சூர்யாபாஸ்கரன் · 09/06/2010

First topic message reminder :

உயிர் எழுத்து

என் காதலின் உயிர் எழுத்து நீ தான்...-
என் கவிதையின் உயிர் எழுத்து உன் பெயர் தான்..

பூக்களின் நடை

நீ நடக்கும் போது அந்த தார்ச்சாலைகளும்..கூட எழுச்சி கொள்கின்றன...!
“பூக்கள் நடைபயிலுகிறதோ”என நினைத்து...

நீ தீண்டிய தென்றல்

தென்றல் அருகிலிருந்தும், தேகம் சுடுகின்றது...- நீ
தீண்டிச் செல்லும் போது அந்த தென்றலும் சுடுகின்றது...

பஞ்சணையும் பட்டுமேனியும்.

பஞ்சணைக்குள் இல்லாத பக்குவத்தை – உன்
பட்டு மேனியை தொட்டவுடன் நான் அறிந்தேன்..

சருகாய்..நான்.

நான் மட்டும் தனி மரமாய் நாள்தோறும் இருக்கிறேன்..
நீ என் மனதில் பூக்காததால்.. சருகாய் தினம் விழுகிறேன்...

தேனி சூர்யாபாஸ்கரன் · 09/06/2010

மு.வித்யாசன் wrote:காதல் கவிதை எழுதிக் கொண்டே இரு காற்று உன்னை காதலிக்கும், ரோட்டில் உள்ள மைல் கல்லும் சரி தோகை விரித்தாடும் மயிலும் சரி உன்னை காதலிக்கும். தேடு, ஓடு, தொடு பின்பு நிற்காதே, தொலைந்து போ காதலின் ஆழம் கண்டு காதலியின் வாசம் கொண்டு கவிதை தீட்டு .

நண்பா, உனது காதல் தேடுதலில் நான் ஒரு ஓரத்தில் உனக்காக காத்திருப்பேன். நீ எப்போது இளைப்பார நினைக்கின்றாயோ அப்போது மரக்கிளையாக நின்றிருப்பேன். காதல் கவிதை நோக்கி நட நெடுந்தூர பயணத்தில் சந்திப்பதை எல்லாம் சிந்தித்து சிதறி விடு கவிதை எனும் பூ மாலை கட்டி விடு.

வாழ்த்துக்கள்.

நன்றி..வித்யா...உங்கள் வாழ்த்துக்கு... அன்பு மலர்