`பிரஷ்' பிறந்த கதை

**சிவா** · **சிவா** Fri Oct 15, 2010 9:56 am

நாம தினமும் காலையில எழுந்த உடனே, பல் துலக்குவதை வழக்கமா வச்சிருக்கோம். அப்ப தான் வாய் துர்நாற்றம் இல்லாம, ஆரோக்கியத்துடன் இருக்க முடியும். பல் துலக்கப் பயன்படுத்துற `பிரஷ்'ஷைக் கண்டுபிடிச்சது யாரு தெரியுமா? இங்கிலாந்து நாட்டுல இருந்த ஒரு கைதி தான் இதைக் கண்டுபிடிச்சாரு. அவர் பேரு வில்லியம் ஆட்டிஸ்.

1770-ம் ஆண்டு கலகத்தைத் தூண்டியதா சிறையில அடைக்கப்பட்டாரு ஆண்டிஸ். மற்ற கைதிகளைப் போல இல்லாமல், மிகவும் சுறுசுறுப்பா இருந்தாரு. அந்த காலத்துல கிழிஞ்ச துணிய வச்சு தான் பற்களைத் துடைச்சாங்க. அது தான் பற்களைச் சுத்தம் செய்யுற முறையா இருந்துச்சு. ஒருநாள் துணியை வச்சு பற்களைத் துடைக்கும்போது, ஆண்டிஸுக்கு வித்தியாசமான யோசனை வந்தது.

அன்றைக்கு சாப்பாட்டுல கிடந்த எலும்புத்துண்டை எடுத்து பத்திரப்படுத்திக்கிட்டாரு. தன்னுடைய யோசனையை சிறைக்காவலாளி ஒருத்தர்கிட்ட சொல்ல, அவர் விலங்குகளோட ரோமங்களைக் கொடுத்தாரு. தான் வச்சிருந்த எலும்புத்துண்டுல ஓட்டை போட்டு, அதுக்குள்ள விலங்குகளோட ரோமங்களை நுழைச்சாரு. இப்படித்தான் முதல் `பிரஷ்' உருவானது. பின்னர் காலப்போக்குல பல்வேறு மாற்றங்கள் ஏற்பட்டு, `பற்பசை' (பேஸ்ட்) பயன்படுத்தி பற்களைத் துலக்கும் முறை ஏற்பட்டது.

தங்கமலர்!