கூட்டணி பற்றி பேசவில்லை: ராமதாஸ்!

ரபீக் · ரபீக் Thu Oct 14, 2010 12:36 pm

தமிழக முதல்வருடன் கூட்டணி பற்றி பேசவில்லை என்றும் சாதிவாரி கணக்கெடுப்பு குறித்து மட்டுமே பேசியதாகவும் பாட்டாளி மக்கள் கட்சித் தலைவர் ராமதாஸ் கூறியுள்ளார். தமிழக முதல்வர் கருணாநிதியைச் சந்திதப்பதற்காக பா.ம.க. நிறுவனர் மருத்துவர் ராமதாஸ் இன்று காலை 11 மணிக்கு சென்னை கோட்டைக்கு வந்தார். முதல்வர் கருணாநிதியை அவர் சந்தித்து பேசினார். அவருடன் 27 சமுதாய அமைப்புகளைச் சேர்ந்த பிரதிநிதிகள் வந்திருந்தனர்.

அரைமணி நேர சந்திப்பிற்குப் பின் மருத்துவர் ராமதாஸ் செய்தியாளர்களிடம் பேசினார். அப்போது அவர் கூறியதாவது:

முதல்வர் கருணாநிதியை நானும், 27 சமுதாய அமைப்புகளைச் சேர்ந்த பிரதிநிதிகளும் இன்று சந்தித்தோம். இந்த சந்திப்பு மகிழ்ச்சிகரமாக இருந்தது. சாதிவாரி கணக்கெடுப்பை உடனே நடத்த வேண்டும் என்று வற்புறுத் தும் மனுவையும் அவரிடம் கொடுத்தோம்.

எத்தனை நாளில் எந்த நேரத்தில் சாதிவாரி கணக்கெடுப்பு நடத்த வேண்டும் என்று அதில் கூறி இருக்கிறோம். முதல்வரிடமும் அதுபற்றி விளக்கி கூறினோம்.

அதற்கு பதில் அளித்த முதல்வர் கருணாநிதி நான் சாதிவாரி கணக்கெடுப்பை எதிர்க்கவில்லை. அதை வற்புறுத்தி தான் வருகி றேன். தமிழ்நாடு பிற்படுத்தப்பட்ட வகுப்பினர் ஆணையத்தின் தலைவர் நீதிபதி ஜனார்த்தனத்துடன் கலந்து பேசி நல்ல முடிவு எடுக்கப்படும் என்று உறுதி கூறி இருக்கிறார். இது எங்களுக்கு மகிழ்ச்சி அளிக்கிறது.

சாதி வாரி கணக்கெடுப்பு 2011 பிப்ரவரிக்குள் நடத்தப்பட்டால்தான் பயனுள்ள தாக இருக்கும். ஜூன் மாதத்தில் மத்திய அரசு தனி அமைப்பை வைத்து சாதி வாரி கணக்கெடுப்பை நடத்துவதாக அறிவித்துள்ளது. இதனால் எந்த பயனும் கிடைக்காது. கணக் கெடுப்பை பாதியில் கூட நிறுத்தி விடுவார்கள்.

தமிழக அரசு அறிவித்துள்ள 69 சதவீத இட ஒதுக் கீட்டின் பயன் பிற்பட்டோர், தாழ்த்தப்பட்டோருக்கு கிடைக்க வேண்டும் என்றால் நவம்பர், டிசம்பர், ஜனவரி ஆகிய மாதங்களில் கணக் கெடுப்பு நடத்த வேண்டும் என்று முதல்வரை வற் புறுத்தி இருக்கிறோம். அவர் நல்ல முடிவு எடுப்பார் என்று நம்புகிறோம்.

கேள்வி:- தி.மு.க.வும், பா.ம.க.வும் மீண்டும் கூட்டணி அமைக்கும் என்று ஊடகங்களில் செய்தி வருகிறதே? இன்று அது குறித்து பேசினீர்களா?

பதில்:- ஊடகங்களில் தான் அப்படி கூறுகிறார்கள். இன்றைய சந்திப்பின்போது அதுபற்றி பேசவில்லை. இன்றைய சந்திப்பு அதற் கானது அல்ல. இன்று பல் வேறு சமுதாய அமைப்பு பிரதிநிதிகளுடன் முதல் வரை சந்தித்தேன்.

கேள்வி:- கூட்டணி தொடர்பாக பேசுவதற்கு மீண்டும் முதல்வரை சந்திப்பீர்களா?

பதில்:- அரசியலில் எதுவும் நடக்கலாம். இப்போது அதுபற்றிய கேள்வியே எழவில்லை

இந்நேரம்