68 நாட்களுக்கு பிறகு சிலி சுரங்கத்தில் சிக்கிய தொழிலாளர்கள் மீட்பு;

சிலி நாட்டில் கோபி யாபோ நகருக்கு அருகேயுள்ள சான்ஜோல் மைன் என்ற இடத்தில் தங்கம் மற்றும் தாமிர சுரங்கங்கள் உள்ளன. அங்குள்ள ஒரு சுரங்கத்தில் பணிபுரியும் 33 தொழிலாளர்களும் சுமார் 620 மீட்டர் ஆழத்தில் சிக்கி கொண்டனர்.

அவர்கள் அனைவரும் இறந்து விட்டனர் என முதலில் கருதப்பட்டது. பின்னர் 17 நாட்களுக்கு பிறகு அவர்கள் சுரங்கத்துக்குள் உயிருடன் இருப்பது தெரிய வந்தது.

இதை தொடர்ந்து சுரங்கத்தின் மேற்பகுதியில் சிறிய துளை போட்டு அதன் வழியாக அவர்களுக்கு தேவையான உணவு, தண்ணீர், ஆக்சிஜன் உள்ளிட்ட அத்தியாவசிய பொருட்கள் அனுப்பப்பட்டன.

மேலும், அவர்கள் அனை வரையும் மீட்கும் பணி தொடங்கியது. இதற்காக ராட்சத துளை போடும் எந்திரத்தின் மூலம் சுரங்கத்தின் மேல் பகுதியில் இருந்து அடிப்பகுதி வரை துளையிட்டு அதன் வழியாக உலோக கூண்டை இறக்கி அதன் மூலம் தொழிலாளர்களை மீட்க ஆலோசிக்கப்பட்டது.

இதை தொடர்ந்து சுரங்கத்தின் மேல் பகுதியில் துளை போடும் பணி இரவு பகலாக நடந்தது. அப்பணி முடிவ டைந்த நிலையில் அவர்களை மீட்கும் நடவடிக்கை நேற்று நள்ளிரவு தொடங்கியது.

தொழிலாளர்கள் மீட்கப்படுவதை உலகமே ஆவலாக எதிர்பார்த்து காத்திருந்த நிலையில் அவர்களின் குடும் பத்தினர், நண்பர்கள் மற்றும் உற்றார் உறவினர்களும் இனம் புரியாத உணர்ச்சி பெருக்குடன் இருந்தனர்.

அவர்களுடன், சிலி நாட்டின் அதிபர் செபஸ்டியன் பினேராவும் காத்திருந்தார். இந்த நிலையில் இன்று காலை புளே ரென்சியோ அவாலஸ் (31) என்ற தொழி லாளி முதன் முதலாக மீட்கப்பட்டார்.

அவர் வெளியில் இருந்து சுரங்கத்துக்குள் அனுப்பப்பட்ட கூண்டுக்குள் நின்றபடி வெளியே வந்தார். அவர் 2050 அடி (620 மீட்டர்) ஆழத் தில் இருந்து 17 நிமிடத்தில் வந்து சேர்ந்தார். அவரை பார்த்ததும் உறவினர்களும் நண்பர்களும் கட்டித்தழுவி ஆனந்த கண்ணீருடன் வர வேற்றனர். அதிபர் செபஸ்டியன் பினேராவும் கட்டித் தழுவி மகிழ்ச்சியுடன் முத்த மிட்டு அவரை வரவேற்றார். அப்போது அங்கு கூடியிருந் தவர்கள் சிலி வாழ்க என்று கரகோஷமிட்டனர்.

அவரை தொடர்ந்து சிறிது நேரத்தில் 2-வது நபராக மரியோ செடில் வேதாவும் சுரங்கத்தில் இருந்து மீட்கப்பட்டார். அவர்கள் இருவரும் நல்ல உடல் நலத்துடன் உள் ளனர். இவர்கள் 68 நாட்களுக்கு பிறகு மீட்கப்பட்டுள்ளனர்.

இவர்கள் அனைவரும் இன்னும் சில நாட்களில் முழுமையாக மீட்கப்படுவார்கள் என மீட்பு குழுவினர் தெரிவித்தனர். குழுவினரின் இந்த முயற்சியை சிலி அதிபர் பாராட்டியுள்ளார்.

மாலைமலர்