சொர்க்கமடி நீ எனக்கு!!!

arsad · arsad Wed 13 Oct 2010 - 13:13

கடற்கரை மணல்வெளி!
கால் வருடும் கடல் அலை...
ஈர மணல் புதையும் நம் பாதங்கள்!
என் கை கோர்த்து நடக்கும் நீ !
சொர்க்கமடி நீ எனக்கு!
துயில் எழும் சூரியன்...
அதிகாலை குயில் பாட்டு!
விழிக்காத என் விழிகள்....
என் செவி திறக்கும் உன் கால் கொலுசொலி!
சொர்க்கமடி நீ எனக்கு!
மோகம் கொண்ட நேற்றிரவு....
தலைக்கு நீர்மூழ்கி நீ!
இன்னும் துயில் எழாத நான்...
என் இமை திறக்கும் உன் முத்தம்!
சொர்க்கமடி நீ எனக்கு!
துண்டிக்கபட்ட மின்சாரம்...
கருமை போர்த்திய இரவு!
ஒற்றை தீப அகல்விளக்கு....
அவ்விளக்கொளியில் உன் முகம்!
சொர்க்கமடி நீ எனக்கு!
மோகமூட்டும் இரவு...
சன்னமான மெல்லிசை!
உன் கூந்தல் மல்லிகை வாசம்....
உன்னோடு சல்லாபம்!
சொர்க்கமடி நீ எனக்கு...
மெலிதாய் சிந்தும் தூரல்!
மலை மீது நடைப்பயணம்....
வழி நெடுக்க மலர்கள்!
உன் இடையொடு என் கைகள்....
சொர்க்கமடி நீ எனக்கு!
பச்சை பசேல் மலை....
சாரல் தெரிக்கும் அருவி!
அருவியில் குளிக்கும் நீ...
உன் அழகில் குளிக்கும் நான்!
சொர்க்கமடி நீ எனக்கு....
தொலைதூர ரயில் பயணம்!
ஜன்னலோர இருக்கை....
ஓடுகின்ற கவின்காட்சி!
என் தோல்சாய்ந்த உன் கன்னம்...
சொர்க்கமடி நீ எனக்கு!
மார்கழி மாதத்துப்பனி...
தூரத்தில் அம்மன் பாட்டு!
நீ குனிந்து போடும் கோலம்...
உன்னிடம் சில்மிஷம் செய்யும் நான்!
சொர்க்கமடி நீ எனக்கு...
கார்த்திகை மாத குளிர்!
விடியாத காலை வேலை...
ஒரு போர்வைக்குள் நாம்!
என் மார்பில் உன் சுவாசச்சூடு....
சொர்க்கமடி நீ எனக்கு!
புயல் கொண்ட மழை....
முட்டி வரை வெள்ளம்!
காற்றில் பறந்த குடை...
உன் முந்தானை கூரை!
சொர்க்கமடி நீ எனக்கு....
வெளியில் கொட்டும் பேய்மழை!
சாரல் மேவும் இருக்கை...
இருக்கை மீது நான்!
என் மடியில் அமர்ந்து நீ...
சொர்க்கமடி நீ எனக்கு!
நம் வீட்டு மொட்டை மாடி....
பால் பொழியும் பௌர்ணமி!
கொள்ளை பசியோடு நான்....
என் தாயாகி சோறூட்டும் நீ!
சொர்க்கமடி நீ எனக்கு...
நம் கிராமத்து தோப்பு!
அடர்ந்து வளர்ந்த கனிமரம்...
மண் மீது கொரைப்பாய்!
உன் மார்போடு என் உறக்கம்....
சொர்க்கமடி நீ எனக்கு!
நம் படுக்கையறை போர்க்களமாய்....
நீ தோற்க்கிறாய் நான் ஜெயிக்கவில்லை!
நீ ஜெயிக்கிறாய் நான் தோற்க்கவில்லை....
நித்தம் விடியும்வரை முத்தத்தால் யுத்தம்!
சொர்க்கமடி நீ எனக்கு....
ரம்மியமான பொழுது!
மௌனமே பாஷை...
பரஸ்பர ஸ்பரிசம்!
என் முகத்தில் உன் கூந்தல் போர்வை....
சொர்க்கமடி நீ எனக்கு!
நீ ஈன்றெடுத்த என் மகள்....
சந்தோஷத்தில் நான்!
அறை மயக்கத்தில் நீ....
உன் பிறை நெற்றியில் என் முத்தம்!
சொர்க்கமடி நீ எனக்கு....
தாய்ப்பால் குடித்த மகன்!
ஆரத்தழுவி ஓர் முத்தம்....
என் மடி நனைத்த அவன்!
கேலி சிரிப்புடன் உன் குறும்பு....
சொர்க்கமடி நீ எனக்கு!
எழுபதுகளை தொட்ட வயது....
காமம் தீர்ந்தாலும் காதல்!
காதல் சொட்டும் என் பார்வை....
வெட்கத்தில் சிவக்கும் உன் சுருங்கிய கன்னம்!
சொர்க்கமடி நீ எனக்கு....
வாழ்க்கையின் கடைசி நிமிடங்கள்!
வாழ்ந்து முடித்த திருப்தி......
உன் விழியோரம் வழியும் கண்ணீர்!
உன் மடிமீது மெதுவாய் மரணம்.....
சொர்க்கமடி நீ எனக்கு!
என் உயிர் கசியும் தருணம்....
என்னை மார்போடு அணைத்த நீ!
நிற்கின்ற உன் இதயதுடிப்பு...
சாவிலும் பிரியாத நம் காதல்!
by arsad
சொர்க்கமடி நீ எனக்கு!

balakarthik · balakarthik Wed 13 Oct 2010 - 13:15

அருமை நண்பா மகிழ்ச்சி

ரபீக் · ரபீக் Wed 13 Oct 2010 - 13:17

கவிதை அழகு ,நண்பா

கார்த்திக் · கார்த்திக் Wed 13 Oct 2010 - 13:18

உதயசுதா · உதயசுதா Wed 13 Oct 2010 - 14:49

கவிதை அருமையா இருக்கு அர்ஷத்.
ஆனா நீங்க போடுற கவிதைய சரியான தலைப்புல போடுங்க.
கலை சொன்ன மாதிரி எனக்கும் உங்க கவிதைய இடம் மாத்தி வைக்கிறதுக்குள்ள முதுகு வலி வர்றது

அன்பு தளபதி · அன்பு தளபதி Wed 13 Oct 2010 - 15:03

புவனா · புவனா Wed 13 Oct 2010 - 17:13

கவிதை அழகு...

Jotheshree · Jotheshree Wed 13 Oct 2010 - 17:21

ஹாசிம் · ஹாசிம் Wed 13 Oct 2010 - 18:55

சொர்க்கம் பெண்ணில் கண்டு
அதற்கு வடிம்தந்த கவிதை அழகு

அருமை ரசித்த கவிதையில் இருக்கிறது
இது உங்க படைப்பா அல்லது வேறு யாருடைய கவிதையா
அதன் உரிமையாளரை அதன் கீழ் இடுங்கள் அது சிறப்பாக இருக்கும் என்று நினைக்கிறேன்
நன்றி