பத்மநாதன் எங்கு கைது செய்யப்பட்டார்? விபரங்களை சமர்ப்பிக்குமாறு தாய்லாந்து பிரதமர் உத்தரவு

kirupairajah · kirupairajah Sat Aug 08, 2009 8:31 am

விடுதலைப்புலிகளின் தலைவர் செல்வராசா பத்மநாதன் அல்லது கே.பி. யின் கைது தொடர்பாக வெளியான செய்தி குறித்து விபரங்களை வழங்குமாறு தாய்லாந்தின் பாதுகாப்பு முகவர் அமைப்புகளுக்கு அந்நாட்டுப் பிரதமர் அபிசித் வெஜ்ஜஜீவா நேற்று வெள்ளிக்கிழமை உத்தவிட்டார்.
தாய்லாந்தில் கைது செய்யப்பட்ட பின் விசாரணைக்காக செல்வராசா பத்மநாதன் இலங்கைக்குத் திரும்பிச் சென்றுள்ளதாக ஏ.எவ.பி. செய்திச்சேவை தெரிவித்திருந்தது.

வேலுப்பிள்ளை பிரபாகரனின் மரணத்தின் பின் விடுதலைப்புலிகளின் தலைமைத்துவத்தை ஏற்றுக்கொண்டவர் பத்மநாதன்.

கடந்த வியாழக்கிழமை இரவு பத்மநாதன் கைது செய்யப்பட்ட விபரம் குறித்து தமக்கு அறிவிக்கப்பட்டதாகவும் மேலதிக விபரங்களை வழங்குமாறு பாதுகாப்பு முகவர் அமைப்புகளுக்கு தாம் பணித்திருப்பதாகவும் தாய்லாந்து பிரதமர் கூறியதாக ரி.என்.ஏ. செய்திச்சேவை தெரிவித்தது.

பத்மநாதன் தாய்லாந்திற்கு வந்து போய்க் கொண்டிருப்பதாகவும் அவர் எங்கு வைத்துக் கைது செய்யப்பட்டார் என்பது குறித்து இன்னமும் இனங் காணப்படவில்லை என்றும் தாய்லாந்து அரசின் பதில் பேச்சாளர் பனிட்டன் வட்டா யாங்கோன் கூறியுள்ளார்.

ஆயினும் பத்மநாதன் தாய்லாந்தில் திருமணம் செய்ததாகவும் நாட்டின் வடபகுதியில் வசித்து வந்ததாகவும் பனிட்டன் கூறியுள்ளார்.

இதேவேளை பத்மநாதன் சிங்கப்பூரில் வைத்தே கைது செய்யப்பட்டதாகவும் தாய்லாந்தில் அல்ல என்றும் தாய்லாந்தின் விசேட பொலிஸ் பிரிவின் தலைவர் தீரா தேஜ் ரொட்போங் கூறியுள்ளார்.

தாய்லாந்து, மலேசியா, சிங்கப்பூர் ஆகிய மூன்று தென்கிழக்காசிய நாடுகளுக்கிடையே வழமையாக செல்வராசா பத்மநாதன் பயணம் மேற்கொண்டு வருபவர் என்றும் அவரின் மனைவி தாய்லாந்து பெண் எனவும் ஆதலால், அவர் தாய்லாந்தில் வைத்து கைது செய்யப்பட்டதாக செய்தி அறிக்கையில் கூறப்பட்டிருக்கலாம் என்றும் லெப்டினன்ட் ஜெனரல் தீஜா ஜேத் கூறியுள்ளார்.

பத்மநாதன் எங்கு கைது செய்யப்பட்டார்? விபரங்களை சமர்ப்பிக்குமாறு தாய்லாந்து பிரதமர் உத்தரவு

பத்மநாதன் எங்கு கைது செய்யப்பட்டார்? விபரங்களை சமர்ப்பிக்குமாறு தாய்லாந்து பிரதமர் உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக