மின்னலாய் வந்தவளே..

ஹாசிம் · ஹாசிம் Tue Oct 12, 2010 4:13 pm

First topic message reminder :

மின்னல் கீற்றில்
மிளிர்ந்த சக்தியாய்
மினுங்கலில் வசீகரித்து - எனை
மின்னலாய் பற்றினாய்

மீளாக்காதலை அழித்து
மீட்டும் வீணையாய் தொடர்ந்து
மீதமற்ற அன்பினை
மீண்டும் மீண்டும் பகிர்ந்தாய்

வாழ்வில் கண்ட ஒளியாய்
வாழும் வரை இருள் நீப்பாய் என
வானளாவ நோக்கிய எனை
வாழுமுன் மறைந்து சென்றாய்

இடிவிழுந்த மரமானேன்
இணையற்ற தனியானேன்
இடிவந்த வழியில் உனைத்தேடி
இருக்கும் வரை வாழுகிறேன்..