இவனைப் போல தலைவன் யாரடா

balakarthik · balakarthik Sat Oct 09, 2010 11:24 am

கி.பி. 2020.

அந்த கிராமத்தின் மிக குறுகலான சந்தில் இருக்கும் வீட்டில் இருந்துதான் அந்த சத்தம் கேட்டது. அந்த வீட்டின் சன்னல் வழியே தெறித்து வந்த ப்ளூடூத் ஸ்பீக்கர் “50 FEET ROAD” என்று ஒளிர்ந்துக் கொண்டிருந்த எலக்ட்ரானிக் டிஸ்ப்ளே வழிகாட்டி மீது விழுந்தது. விழுந்த அதிர்வில் வீட்டின் வெளியே நின்றிருந்த ஹார்வெஸ்டர் மிஷினின் அலாரம் கீகீகீயென கத்தத் தொடங்கியது. மிச்சமிருந்த உயிரைக் கொண்டு இன்னமும் பாடியது ஸ்பீக்கர்.

நில்லுடா என்ற குரலுக்கு பதில் சொல்லாமல் வெளியே வந்த ராகேஷ், தன் வாட்ச்சை அழுத்த தூரத்தில் நின்ற ஹார்லி டேவிட்சன் பைக் உறும தொடங்கியது. ஏறியமர்ந்தவன் முறுக்கிய வேகத்தில், வீட்டு மெயின் கேட் சென்சாரின் சிக்னல் கண்ட்ரோலுக்கு கடந்து திறப்பதற்குள் முன் சக்கரம் நங்கென கேட்டின் மீது மோதியது. ஓவர் ஸ்பீட் அலாரமும் சேர்ந்து அடிக்க “அப்பனும், அலாரமும் அடங்கினதா சரித்தரமே இல்ல போலிருக்கு” என்றபடி வெளியேறினான் ராகேஷ்.

”விளையாடத்தானே போறான். அவனை ஏன் திட்டறீங்க?” வழக்கமான அம்மாவின் பணியை செவ்வனே தொடங்கினாள் கலையரசி. ராகேஷின் அம்மா. ”அவன் என்ன கோல்ஃப் விளையாடவா போறான்? நம்பிட்டே இரு. அவன் பைக்ல ஜிபிஎஸ் நேத்துதான் செட் செஞ்சேன். அவன் எங்க போறான்,, என்ன பண்றான்னு காட்றேன் வா என அழைத்தார் ராகேஷின் அப்பா. அவர் சென்ற அந்த அறையின் கதவு, அவரின் கைரேகையை பதிவு செய்து சோதனை செய்தபின் திறந்தது “வாங்க நல்லக்கண்ணு” என்ற வரவேற்பும் தந்தது. 72 இன்ச் எல்.ஈ.டியை ஆன் செய்தவர் தனது மூக்கு கண்ணாடியை கழட்டி ரிமோட்டாக மாற்றினார். எதையோ அவர் அழுத்த அந்த பிரம்மாண்ட திரையில் ராகேஷின் ஹார்லி டேவிட்சன் பச்சை நிற புள்ளியாக தெரிந்தது. வலது கீழ் மூலையில் சிவப்பு நிறத்தில் 250 KMPH என்று ஒளிர்வதைக் கண்டு இன்னும் பிபி ஏறியது அவருக்கு. பார்த்தியா 200ல போனா கெளரவ குறைச்சல் சாருக்கு” என்று அம்மாவிடம் சண்டைக்கு போனார்.

அவன் எங்கதாங்க போறான் என்று உங்களைப் போலவே கலையரசியும் ஆர்வம் தாங்காமால் கேட்டார். “மேப்ல பாரு. ”வில்லேஜ் வில்லாவுக்கு போறாரு. அதுவும் காலைல 6 மணிக்கு. அங்க என்ன தெரியுமா?அதையும் காட்றேன்”. என்றவர் அருகில் இருந்த இன்னொரு திரையில் பிரவுசரை ஓப்பன் செய்தார். www.villagevilla.com என்று தளத்தில் நுழைந்தவர், ஒரு வீடியோவை க்ளிக்கி ஓட விட்டார்.

வில்லா முழுக்க அலங்கார விளக்குகளால் ஜோடிக்கப் பட்டிருந்தது. நியான் விளக்குகளின் வெளிச்சம் அந்த கட்டிடம் முழுவதையும் தங்கம் போல தகதகவென ஜொலிக்க வைத்தது. இரண்டு வயது குழந்தை முதல் 75 வயது கிழவர் வரை அனைவரின் முகத்திலும் உற்சாகம் கரைபுரண்டு ஓடுவதை காண முடிந்தது. இளம்பெண்கள் குளிரையும் பொருட்படுத்தாது தங்கள் புல் ஓவரை கழட்டி தலைக்கு மேல் சுற்றி கூச்சல் போட்டுக் கொண்டிருந்தார்கள். வேகமாக பார்க்கிங்கில் நுழைந்த ராகேஷ், அட்டையை ஸ்வைப் செய்தபின் அந்த கூண்டுக்குள் வண்டியைத் தள்ளினான். அது அப்படியே அலேக்காக பைக்கை மேலே தூக்கி சென்று ஒரிடத்தில் இறக்கி வைத்து மீண்டும் பழைய இடத்துக்கே வந்தது.நேரம் சரியாக 6 மணியாக அந்த 80 அடி திரை மின்ன தொடங்கியது. கீழிருந்து மேலாக திரை விலக உள்ளேயும் விளக்குகள் மின்னிக் கொண்டிருந்தன.

”இளைய தளபதி விஜய் நடிக்கும் உலகம் சுற்றும் வாலிபன்” என்ற எழுத்தின் மேல் ஸ்லீவ்லெஸ் டாப்புடனும், அழகிய கார்கோவுடனும் நின்று கொண்டிருந்தார் நடிகர் விஜய். ஒரே நேரத்தில் வில்லா முழுக்க இருந்த ரசிகர் மன்ற எல்.ஈ.டி டிஸ்ப்ளேக்கள் ஒளிரத் துவங்கின. “LONG LIVE OUR CM – Rakesh& frds” என்ற கேப்ஷனோடு இருந்த எல்.ஈ.டியை தனது கூலிங் கிளாசில் இருந்த கேமரா மூலம் படம்பிடித்துக் கொண்டிருந்தான் ராகேஷ்.

வீடியோவில் லைவ்வாக பார்த்துக் கொண்டிருந்த ராகேஷின் அப்பா சொன்னார் “இவனையெல்லாம் பி.ஈ படிக்க வைத்து வேலைக்காக ஒவ்வொரு ஐ.டிபார்க்குக்கும் அலைய வச்சிருக்கணும். இம்போர்ட்டட் ஹார்வெஸ்டர் மிஷினும், ஸ்பெயின் நாட்டு மாடு 10ம் வாங்கித தந்திருக்கேன் இல்ல. இப்படித்தான் சினிமா சினிமான்னு விஜய் படம் பார்த்துட்டு இருப்பான். எல்லாம் என் தலையெழுத்து. ” கோவத்துடன் வீட்டை விட்டு வெளியே வந்தவர் காலில் ஸ்பீக்கர் தட்டுப்பட்டு பாடத் தொடங்கியது

“இவனைப் போல தலைவன் யாரடா..
இவனை வெல்ல இங்கே யாரு கூறடா”

படம் முடிந்து வெளியே வந்ததில் பாதி பேர் தத்தம் மொபைலில் நண்பர்களுக்கு குறுஞ்செய்தி அனுப்பினர் அனைவரும் சொல்லி வைத்தது போல “இனிமேல் விஜய் படம் பார்க்கக்கூடாது. இவன் திருந்தவே மாட்டான்” என்பதாக இருந்தது அது.

பின் குறிப்பு :- நேற்று கலைஞ்சர் தொலைகாட்சியில் ஆதி படம் பார்த்தால் வந்த விளைவு

jeylakesengg · jeylakesengg Sat Oct 09, 2010 11:56 am

கார்த்திக் · கார்த்திக் Sat Oct 09, 2010 12:00 pm

இதுக்குதான் இங்கிலீஷ் படன் பாருங்கன்னு சொன்னேன் ....

balakarthik · balakarthik Sat Oct 09, 2010 12:02 pm

jeylakesengg wrote:

நீங்களும் நேத்து ஆதி பார்த்திங்களா

balakarthik · balakarthik Sat Oct 09, 2010 12:03 pm

கார்த்திக் wrote:இதுக்குதான் இங்கிலீஷ் படன் பாருங்கன்னு சொன்னேன் ....

அட அப்புறம் கே டிவில ரெசிடென்சியல் ஈவில் படம் பார்த்தேன் நண்பா

கார்த்திக் · கார்த்திக் Sat Oct 09, 2010 12:14 pm

balakarthik wrote:
கார்த்திக் wrote:இதுக்குதான் இங்கிலீஷ் படன் பாருங்கன்னு சொன்னேன் ....

அட அப்புறம் கே டிவில ரெசிடென்சியல் ஈவில் படம் பார்த்தேன் நண்பா

வேற சேன்னல் வரலியா ....

balakarthik · balakarthik Sat Oct 09, 2010 12:16 pm

கார்த்திக் wrote:
balakarthik wrote:
கார்த்திக் wrote:இதுக்குதான் இங்கிலீஷ் படன் பாருங்கன்னு சொன்னேன் ....

அட அப்புறம் கே டிவில ரெசிடென்சியல் ஈவில் படம் பார்த்தேன் நண்பா

வேற சேன்னல் வரலியா ....

இங்கே ஓமானில் டாட்டா ஸ்கை சில நாட்களாக சரியாக வேலைசெய்வதில்லை பல சேனல்கள் வருவதில்லை குறிப்பாக செய்தி சேனல்கள் மற்றும் இசை சேனல்கள்

கார்த்திக் · கார்த்திக் Sat Oct 09, 2010 12:18 pm

balakarthik wrote:
கார்த்திக் wrote:
balakarthik wrote:

அட அப்புறம் கே டிவில ரெசிடென்சியல் ஈவில் படம் பார்த்தேன் நண்பா

வேற சேன்னல் வரலியா ....

இங்கே ஓமானில் டாட்டா ஸ்கை சில நாட்களாக சரியாக வேலைசெய்வதில்லை பல சேனல்கள் வருவதில்லை குறிப்பாக செய்தி சேனல்கள் மற்றும் இசை சேனல்கள்

ஹோ அப்படியா நாளைக்கு சரி செய்து விடுவார்கள் ....
அதுக்கப்றம் தமிழ் சேன்னல் பாத்துட்டு இப்படி கதை எழுத கூடாது ...

இங்கிலீஷ் சேன்னல் மட்டும் பாருங்க ......

balakarthik · balakarthik Sat Oct 09, 2010 12:21 pm

கார்த்திக் wrote:ஹோ அப்படியா நாளைக்கு சரி செய்து விடுவார்கள் ....
அதுக்கப்றம் தமிழ் சேன்னல் பாத்துட்டு இப்படி கதை எழுத கூடாது ...

இங்கிலீஷ் சேன்னல் மட்டும் பாருங்க ......

ச்சே எதிர்கால நாவலாசிரியருக்கு என்னலாம் பிரச்சனை வருது, நான் நாளைக்கு இந்த புலிட்சர் அவர்ர்டோ இல்ல நோபல் அவார்டோ வாங்கும்போது தெரியும் என் அருமை

ரபீக் · ரபீக் Sat Oct 09, 2010 12:22 pm

விஜய் படம் பாக்குறதி விட விஷம் குடிப்பது மேல் ,,,

Sponsored content · Sponsored content

இவனைப் போல தலைவன் யாரடா

இவனைப் போல தலைவன் யாரடா

Re: இவனைப் போல தலைவன் யாரடா

Re: இவனைப் போல தலைவன் யாரடா

Re: இவனைப் போல தலைவன் யாரடா

Re: இவனைப் போல தலைவன் யாரடா

Re: இவனைப் போல தலைவன் யாரடா

Re: இவனைப் போல தலைவன் யாரடா

Re: இவனைப் போல தலைவன் யாரடா

Re: இவனைப் போல தலைவன் யாரடா

Re: இவனைப் போல தலைவன் யாரடா

Re: இவனைப் போல தலைவன் யாரடா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக