சாதியும் சாமியும் ..

priyamudanprabu · priyamudanprabu Fri Oct 15, 2010 11:52 am

உச்சி முதல் பாதம் வரை
ஊரு மெச்சும் அலங்காரம்

தங்கத்தால மேனியெல்லாம்
தகதகனு மின்னுதய்யா
தள்ளி நின்னு பார்க்கையிலே
மனச ஏதோ பண்ணுதய்யா

வான ஒசரம் தேருகட்டி
வகையாய் அம்மனை அதுல வச்சு
வடம் பிடிச்சு இழுக்கையில
வந்ததையா வாய்ப்பேச்சு

வடக்கு வழி போனா ஒரு சாதி
கிழக்கு வழி போனா ஒரு சாதி
எந்த வழி போறதுனு ரெண்டும் மோதி

சாமிய மறந்துட்டான்
சாக்கடையில சாச்சு புட்டான்
தேரேரி வந்த அம்மன்
தெருவோரம் கிடக்குதய்யா

காவல்காக்குற அம்மனுக்கு
காக்கி சட்டை
காவலுக்கு நிக்குதய்யா

பிரியமுடன் பிரபு ... அன்பு மலர்

http://priyamudan-prabu.blogspot.com/2010/09/blog-post_21.html

srinihasan · srinihasan Fri Oct 15, 2010 12:18 pm

நல்லா இருக்கு பிரபு...

அன்புள்ள பிரபு,

தவறாக நினைக்க வேண்டாம் என் கருத்தினை இங்கே பதிவு செய்கின்றமைக்கு... மன்னிக்கவும்..

தெரு ஓரம் வீழ்ந்த பின் சாமியையும்... வீழ்த்தியை சாதி வெறியரையும் காக்க முடியாமல் இருக்கும் காக்கி சட்டைகள் வீண்தான்... அது வேண்டாம் நமக்கு

இதனை மாற்றி எவ்வாறு சீர் செய்யலாம்... அதுவும் ~~உங்கள்~~ நம் கையில்தான்...

வரிகளில் அதனை பற்றியும் சிந்திப்போம்... செயல்படுவோம்...

வாழ்த்துகள்... நன்றி...

**கா.ந.கல்யாணசுந்தரம்** · 28/02/2009

ஊர் கூடி தேர் இழுத்தல் மனிதநேய மாண்புக்கு ஒரு எடுத்துக்காட்டு. சாதி, மதம், இனம் மற்றும் மொழி வித்தியாசமின்றி மக்கள் ஒன்றாக இணைந்து தேசிய ஒருமைப்பாட்டு வடம் பிடித்து இழுத்தால் தான் சமுதாய முன்னேற்றத் தேர் வலம் வரும், நாமும் வளம் பெறுவோம்.

இந்த இடத்தில் காக்கி சட்டை , காவல் என்று எதற்கு?
எந்த மதத்தினர் திருவிழாவானாலும் அனைத்து மதத்தினரும் கலந்துகொண்டு கொண்டாடவேண்டும்.
ஏற்றத் தாழ்வில்லா ஒரு சூழல் அங்கு நிலவினால் உலகம் சமநிலை அடைவது திண்ணம்.

நல்ல சிந்தனைக்கு முன்னோடியாய் அமைந்த உங்கள் கவிதை ஒரு நல்ல முடிவினையும் இந்த இளைய சமுதாயத்திற்கு வழிகாட்டவும் வேண்டும்.

நன்றி பிரபு.

அன்புடன், கா.ந.கல்யாணசுந்தரம்.

Sponsored content · Sponsored content

சாதியும் சாமியும் ..

சாதியும் சாமியும் ..

Re: சாதியும் சாமியும் ..

Re: சாதியும் சாமியும் ..

Re: சாதியும் சாமியும் ..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக