இன்டர்நெட் எக்ஸ்ப்ளோரர் - 9 பெற்ற வரவேற்பு

**சிவா** · **சிவா** Fri Oct 08, 2010 5:24 am

பூரவுசர் யுத்தத்தில் மற்ற பிரவுசர்களுடன் போராடிக் கொண்டு தன் இடத்தைக் கொஞ்சம் கொஞ்சமாக இழந்து கொண்டிருந்த மைக்ரோசாப்ட், தற்போது தன் புதிய பிரவுசர் மூலம், மீண்டும் மக்களிடையே பழைய இடத்தைப் பிடிக்கத் தொடங்கியுள்ளது. பெரும்பாலானோர் இன்னும் பயன்படுத்தி வரும் விண்டோஸ் எக்ஸ்பி சிஸ்டத்தில், புதிய இன்டர்நெட் எக்ஸ்புளோரர் பிரவுசரைப் பயன்படுத்த முடியாது என்றாலும், செப்டம்பர் 15ல் வெளியான பின், இரண்டு நாளில், இந்த பிரவுசரை 20 லட்சம் பேர் டவுண்லோட் செய்து பயன்படுத்தி உள்ளனர். இந்த தொகுப்பு கிடைக்கும் தளத்தினை 90 லட்சம் பேர் பார்த்துள்ளனர். இந்த வெளியீடு குறித்து மைக்ரோசாப்ட் எந்த விளம்பரத்தினையும் மேற்கொள்ளாமலேயே மக்கள் இதற்கு வரவேற்பு அளித்துள்ளனர். இன்டர்நெட் எக்ஸ்புளோரர் பதிப்பு 8 வெளியான போது, முதல் இரண்டு நாளில், அதனை டவுண்லோட் செய்தவர் கள் 13 லட்சம் பேர் தான் என்பது குறிப்பிடத்தக்கது.

புதிய வரவேற்பினைக் கண்டு மைக்ரோசாப்ட் ஆறுதல் அடைந்துள்ளது. மொஸில்லா பயர்பாக்ஸ், குரோம் மற்றும் சபாரி ஆகிய தொகுப்புகளிடம் தான் இழந்த இடத்தை மீண்டும் பிடித்து விடலாம் என்ற நம்பிக்கை பெற்றுள்ளது என மைக்ரோசாப்ட் நிறுவனத் தயாரிப்பு களுக்கான நிர்வாகி ரோஜர் அறிவித்துள்ளார்.

கம்ப்யூட்டர் மலர்