நள்ளிரவில் கதை அனுப்பியவர்! - சார்லஸ் டிக்கன்ஸ்

**சிவா** · **சிவா** Mon Feb 13, 2012 2:47 pm

உலகப் புகழ்பெற்ற கதாசிரியர், சார்லஸ் டிக்கன்ஸ். ஆனால் இவர் இளவயதில் தனது கதை பிரசுரமாகாதா என்று ஏங்கித் தவித்ததும் உண்டு.

சிறுவயதில் இவர் ஏராளமான கதைகள் எழுதிப் பத்திரிகைகளுக்கு அனுப்புவார். ஆனால் அவற்றில் ஒன்றுகூடப் பிரசுரமாகாது.

அதனால் சார்லஸ் டிக்கன்ஸை கண்டவர்கள் எல்லாம் கேலி செய்தனர்.

`பிரசுரமாகாத சிறுகதைகளை எழுதிப் புகழ் பெற்றவர்' என்று பலர் அவரைப் பார்க்கும்போது ஏளனமாகப் பேசினர்.

மற்றவர்கள் ஏளனம் செய்வார்களே என்பதற்காகவே டிக்கன்ஸ் தான் எழுதும் கதைகளை நள்ளிரவில்தான் தபால் பெட்டியில் போடுவார்.

அவர் அனுப்பிய கதைகள் திரும்பி வருவதே வழக்கமாக இருந்தது.

ஒருநாள் டிக்கன்ஸ் சற்றும் எதிர்பாராத வகையில் ஒரு பத்திரிகையில் அவரது கதை பிரசுரமாகிவிட்டது.

அந்த மகிழ்ச்சி காரணமாக சார்லஸ் டிக்கன்ஸ் ஆனந்தக் கண்ணீர் விட்டவாறு இரவெல்லாம் உறங்காமல் தெருக்களைச் சுற்றிக் கொண்டிருந்தார்.

சார்லஸ் டிக்கன்ஸ் முதலில் எழுதிய எட்டுக் கதைகளுக்கு அன்பளிப்பாக எந்தச் சிறு தொகையும் வரவில்லை.

ஆனால் அவர் பெயரும் புகழும் அடைந்தபிறகு பத்திரிகையாசிரியர்களும், நூல் வெளியீட்டாளர்களும் அவரது வார்த்தை ஒன்றுக்கு மூன்று பவுண்டு வீதம் சன்மானம் கொடுத்து வாங்கிப் பிரசுரிக்கப் போட்டி போட்டனர்.

இவ்வாறு தனது எழுத்துலக வாழ்வில் மிகுந்த தாழ்வையும், அதிஉயரத்தையும் சந்தித்தார் சார்லஸ் டிக்கன்ஸ்.