எழுத வரம்!

nilaaa · nilaaa Mon Oct 04, 2010 9:27 am

தயவு செய்து கவிதையாக மட்டும் இதைப் பாருங்கள்!
அன்பு மலர்

...................... எழுத வரம் ..........................
புழுதியெனத் துன்பங்கள், பூஞ்சணையாய்க் கவலைகள்!
கழுதையாய் மனது காவியே களைத்தாலும்
எனக்கு எழுத இல்லை வரம்!

கனக்கும் சிந்தனைகள்! சிறகடிக்கும் கற்பனைகள்!
துணைக்குவர தமிழ்மகள் தயார் தான்! -எனினும்
எனக்கு எழுத இல்லை வரம்!

இதயச்சுவரை இடித்தே தள்ளும்
உணர்ச்சி அலைகள்! உறக்கம் கெடுக்கும்!
எனக்கு எழுத இல்லை வரம்!

நிரம்பி வழியும் எண்ணநுரைகள்
புலம்பிக் கொட்ட புலமை இருந்தும்
எனக்கு எழுத இல்லை வரம்!

ஏகாந்தமிருக்கு! எழில்தரும் சூழல் உண்டு!
ஏராளமாயிருக்கு எண்ணப்புதையல்!
எனக்கு எழுத இல்லை வரம்!

சமாதானம் கூறும் வெள்ளைத் தாள்கள்!
சரியாகவே எழுதும் குமிழ்முனைப் பேனா! - எனினும்
எனக்கு எழுத இல்லை வரம்!

சமுதாய சிந்தனைகள் சரித்திர சம்பவங்கள்
குமுறியெழும் கொள்கைகள், குருட்டுக்காதல்கள்
கொட்டியே பரப்பிக் கூறவே இருந்தும்
எனக்கு எழுத இல்லை வரம்!

சுதந்திரதாகம், சுதந்திர சுபாவம், சுயமுயற்சியுண்டு!
இதந்தரும் உற்சாகமுண்டு! இரசிக்க இதயங்களுண்டு!
எனக்கு எழுத இல்லை வரம்!

இத்தனை இருந்துமென்ன! இல்லை உடற்சுகம்!
எண்ணங்கள் மோதும் வேளை
இயங்கமறுக்கும் எனது அவயவங்கள் - அதனால்
எனக்கு எழுத இல்லை வரம்!
அன்பு மலர்

நிலா - லண்டன்

முபிஸ் · முபிஸ் Mon Oct 04, 2010 9:43 am

அழகிய வரிகள் அருமையாக உள்ளது.....நிலா அக்கா

**சிவா** · **சிவா** Mon Oct 04, 2010 10:20 am

எழுத வேண்டும் என்ற தங்களின் பேராவலும், அதற்கு தாங்கள் படும் துயரமும் என் கண்களில் தெரிகிறது அக்கா! உங்களுக்கு உடல் நலமும், மனநலமும் கிடைக்க வேண்டுகிறேன்!

**அருண்** · **அருண்** Mon Oct 04, 2010 10:25 am

அக்கா மிக அருமையான வரத்தை கேட்டு உள்ளீர்கள்...... மகிழ்ச்சி

srinihasan · srinihasan Mon Oct 04, 2010 11:20 am

எத்தனை எத்தனையோ எழுதிட எண்ணம் கொடுத்த இறைவன் எழுத இல்லை வரம் என்னும் வரியையும் எழுதிட வைத்ததை நினைத்து வருந்துகின்றேன்....

உங்கள் உணர்வுகளின் வெளிபாடு என் மனதில் ஏற்படுத்துகின்றது பிளவை...

இறைவன் உற்ற துணையாக இருந்து உங்களுக்கு ஊக்கத்தையும்... நீங்கள் படைக்கும் ஆக்கங்கள் சிறக்கவும் செய்ய வேண்டும்...

இறைவனால் நாங்கள் உங்களுக்கு அளிக்கப்பட்ட வரமாய் இருக்க நினைப்போம் என்றென்றும்...

நிலாவிற்கு என் அன்பான வாழ்த்துகள்...

Sponsored content · Sponsored content

எழுத வரம்!

எழுத வரம்!

Re: எழுத வரம்!

Re: எழுத வரம்!

Re: எழுத வரம்!

Re: எழுத வரம்!

Re: எழுத வரம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக