உலகில் ஆண்களை விடவும் பெண்கள் அதிகளவு மன்னிப்பு ....

தாமு · தாமு Mon Oct 04, 2010 6:34 am

உலகில் ஆண்களை விடவும் பெண்கள் அதிகளவு மன்னிப்பு கோருவதாக நவீன ஆய்வுகள் சுட்டிக்காட்டுகின்றன.

இதன் மூலம் ஆண்கள் தங்களது குற்றங்களுக்கு மன்னிப்பு கோர விரும்புவதில்லை என அர்த்தப்படாதென ஆய்வாளர்கள் குறிப்பிட்டுள்ளனர். குற்றங்களுக்கான பொறுப்பை ஏற்றுக் கொள்வதற்கு ஆண்கள் விரும்புவதில்லை எனவும், மன்னிப்பு கோருவதன் மூலம் தாம் பலவீனமடைவதாக கருதுவதனாலும் ஆண்கள் பெண்களை விடவும் குறைந்தளவே மன்னிப்பு கோருவதாகத் தெரிவிக்கப்படுகிறது.

மன்னிப்பு கோருவது தொடர்பில் பெண்களின் மனதில் அரோக்கியமான நிலைமை காணப்படுவதாக ஆய்வில் சுட்டிக்காட்டப்பட்டுள்ளது. ஏதேனும் சிறு பிழை இழைத்து விட்டதாகவும் அதற்காக வருந்துவதாகவும் எண்ணியே பெண்கள் மன்னிப்பு கோருவதாகத் தெரிவிக்கப்படுகிறது. கனடா ஒன்டாரோவில் அமைந்துள்ள வாட்டர்லூ பல்கலைக்கழகத்தின் உளவியல்துறை ஆய்வு மாணவியான காரீனா ஷூமான் தெரிவித்துள்ளார். 18 வயது முதல் 44 வயது வரையிலான நபர்களிடம் இணையமூடாக நடத்தப்பட்ட ஆய்வின் மூலம் இந்தத் தகவல்கள் வெளியிடப்பட்டுள்ளன. தவறு இழைத்து விட்டதாக உணரும் சந்தர்ப்பத்திலேயே 81 வீதமான ஆண்களும் பெண்களும் மன்னிப்பு கோருவதாக அவர் மேலும் குறிப்பிட்டுள்ளார்.