அழகுக்கு அழகு....

balug00 · balug00 Sun Oct 03, 2010 6:58 pm

நீ பிறந்த போது
பிரம்மனுக்கு வானுலகில்
ஆஸ்கார் விருது
கிடைத்ததாம்.

ஊரார் கண் பட்டால்
உப்பு,மிளகு சுற்றி போடலாம்.
தேவதைகள் கண் பட்டால்
என் செய்யலாம்?தெரியவில்லையாம்.

ராத்திரி மொட்டை மாடியில்
நீ உலவும்போது இரட்டை சந்திரன்
பார்த்து பயந்து போனாராம்
பக்கத்துக்கு வீட்டுக்காரர்.

இரு சக்கர வாகனத்தின்
பின் இருக்கையில் நீ செல்ல
சிலை கடத்து தடுப்பு காவலர்
துரத்தி வந்தாராம்.

ஈர கூந்தல் நீ துவட்ட மேகம்
பிழிந்து செயற்கை மழை
பெய்யும் வித்தை
படித்தனர் விஞ்சானிகள்.

சிரிக்கும் போது சிலிர்க்கும்
சத்தம் கேட்கிறது.
முகத்தில் கொலுசணிந்த
முதல் பெண் நீதான்.

கடல் நிறம் பிரதிபலிக்கும்
நீல வானம்- நீ
நாணம் கொண்டால்
மேற்கே செவ்வானம்.

உதட்டுக்கு இத்தனை இயற்கை
சிவப்பென்று நம்பாதவர்
உனக்கு வெத்திலை போடும்
பழக்கமுன்டென்று சொல்கிறார்.

நீ வெளியூர் போன நாட்களில்
நம்ம ஊர் சூரியனுக்கு
மின் சக்தி குறைந்து
மங்கலாக இருக்கிறது.

உன் அழகு கவிதை கதைகள்
ஊருக்குள் நூறு உலவினாலும்
அமைதியாய் அடக்கமாய் இருக்கிறாய்.
அது அழகுக்கு அழகு.

srinihasan · srinihasan Sat Oct 16, 2010 5:05 am

அழகுக்கு அழகு சேர்த்து உங்கள் வரிகள்.... வாழ்த்துகள்...

அழகுக்கு அழகு....

அழகுக்கு அழகு....

Re: அழகுக்கு அழகு....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக