ஸ்பானியப் பழமொழிகள்

கார்த்திக் · கார்த்திக் Sun Oct 03, 2010 9:23 am

1. பெரிய இதயமும் சிறிய வாயுமே சிறப்பானவை.

2. வாய்ப்புகள் இல்லையென்றால் திறமைக்கு எந்த முக்கியத்துவமும் இல்லை.

3. புத்தகங்களும், நண்பர்களும் கொஞ்சமாக இருந்தாலும் சிறப்பானதாக இருக்க வேண்டும்.

4. பிற மனிதர்களைத் திருத்த வேண்டும் என்று எல்லோரும் ஆசைப்படுகிறார்கள். தாங்கள் திருந்த வேண்டும் என்று யாரும் நினைப்பதில்லை.

5. கண்தெரியாத பறவையின் கூட்டை, மற்ற பறவைகள் சேர்ந்து கட்டித் தருகின்றன.

6. வெறுப்பும், அவசரமும் அறிவை அழிக்கின்றன.

7. அதிர்ஷ்டம் சில சமயம் முட்டாளைச் சந்திக்கிறது. ஆனால், அவனுடனேயே இருப்பதில்லை.

8. நீங்கள் எப்போதும் பிறழ்ந்து பேசாமல் இருக்க வேண்டும் என்றால், யாரிடம் பேசுகிறோம், எதைப் பற்றிப் பேசுகிறோம், எப்படிப் பேசுகிறோம், எப்போது பேசுகிறோம், எங்கு வைத்துப் பேசுகிறோம் என்ற ஐந்து விஷயங்களில் கவனமாக இருங்கள்.

9. உன்னால் அணைக்க முடியாத தீயை நீ கொளுத்தாதே.

10. நண்பர்கள் சண்டையிடும்போது உண்மை வெளியே வருகிறது.

தினமணி