சிறிய நகரங்களில் வசிக்கும் இளம் பெண்களுக்கு ஆபாச எஸ்.எம்.எஸ்.,களால் அதிகம் பாதிப்பு

புதுடில்லி: "டில்லி, மும்பை போன்ற மெட்ரோ நகரங்களில் வசிக்கும் இளம் பெண்களை விட,பிற மாநில தலைநகரங்களில் வசிக்கும் இளம் பெண்கள் தான், தரக் குறைவானஎஸ்.எம்.எஸ்., மொபைல் போன் அழைப்புகளால் பெரிதும் பாதிக்கப்படுகின்றனர்'என, ஆய்வில் தெரிவிக்கப்பட்டுள்ளது.
நகரங்களில் வசிக்கும் 14ல் இருந்து 17 வயதுக்குட்பட்ட இளம் பெண்கள்எதிர்கொள்ளும் பிரச்னைகள் குறித்து, சமீபத்தில் ஆய்வு நடத்தப்பட்டது. நாடுமுழுவதும் உள்ள முக்கியமான பெரு மற்றும் சிறிய நகரங்களில் வசிக்கும் 10ஆயிரம் இளம் பெண்களிடம் கருத்துக்கள் கேட்கப்பட்டு, ஆய்வு நடத்தப்பட்டன.இதன் முடிவுகள் சமீபத்தில் வெளியிடப்பட்டன. அதில் தெரிவிக்கப்பட்டுள்ளதாவது: டில்லி, மும்பை போன்ற மெட்ரோ நகரங்களில் வசிக்கும் இளம்பெண்களை விட, புவனேஸ்வர், ஐதராபாத் போன்ற சிறிய நகரங்களில் வசிக்கும்பெண்கள் தான், தரக் குறைவான எஸ்.எம்.எஸ்,, மற்றும் மொபைல் போன்அழைப்புகளால் அதிகம் பாதிக்கப்படுகின்றனர். தற்போதைய நிலையில், மொபைல்போன் பயன்பாடு தவிர்க்க முடியாததாகி விட்டது. மொபைல் போன்களால் பயன்கள்இருந்தாலும், அவற்றால் இதுபோன்ற எதிர்விளைவுகளும் ஏற்படுகின்றன.புவனேஸ்வர் நகரில் 78 சதவீத இளம் பெண்களுக்கு இதுபோன்ற தொல்லைகள்தரப்படுகின்றன.
அடுத்தபடியாக, ஐதராபாத்தில் 65 சதவீத இளம் பெண்களுக்கும், பெங்களூரில்28 சதவீத இளம் பெண்களுக்கும், ராஞ்சி மற்றும் புனேயில் தலா 22 சதவீதபெண்களுக்கும் இதுபோன்ற தரக் குறைவான எஸ்.எம்.எஸ்., மற்றும் மொபைல் போன்அழைப்புகள் வருகின்றன. மெட்ரோ நகரங்களான மும்பையில் 20 சதவீத இளம்பெண்களும், டில்லியில் 16 சதவீத பெண்களும், கோல்கட்டாவில் 11 சதவீதபெண்களும் இதுபோன்ற பிரச்னைகளால் பாதிக்கப்பட்டுள்ளனர். இவ்வாறு அந்தஆய்வில் தெரிவிக்கப்பட்டுள்ளது. தகவல் தொடர்புக்கு மொபைல் போன்கள்முக்கியமாக விட்டது. இருப்பினும், பெற்றோர்கள் தங்கள் பெண்குழந்தைகளுக்கு, மொபைல் போன் தேவையென கருதினால், வாங்கித்தரலாம்.குறைந்தபட்சம்,மொபைல் போனை தவிர்க்கும்படி பழக்கப்படுத்தினால்பெரும்நிம்மதியாக இருக்கும்.