உன்மேல் எனக்கு காதல் என்று.....

மஞ்சுபாஷிணி · மஞ்சுபாஷிணி Sat Oct 02, 2010 1:51 am

உன்மேல் எனக்கு காதல் என்று...

தினம் தினம் நீ
திட்டினாலும் என்னருகே நீ
திகட்ட திகட்ட பேசினாலும் நீ
தித்திக்கும் உன் சொல்லிலும் நீ
திக்குமுக்காட வைப்பதும் நீ.....

வெற்றியின் வழியில் நீ
வெம்மையில் குளிர்ச்சாரலாய் நீ
வெள்ளை மன புன்னகை நீ
வெண் தாமரை அணைப்பும் நீ
வெகுளி குழந்தையாய் என் விரல் பிடிக்கும் நீ

மன்னிக்கும் பக்குவத்தில் நீ
மனம்கொள்ளா காதலுடன் நீ
மறுப்பில்லா நேசமுடன் நீ
மறைக்காத பண்புள்ளவன் நீ
மகிழ்ச்சியை எனக்கு உணரவைத்ததும் நீ

காதினில் கிசுகிசுக்கும் மூன்றெழுத்தாய் நீ
காற்றினில் உன் அருகாமை உணர்த்திய நீ
காத்து அணைத்திட கைக்கோர்ததும் நீ
காலமெல்லாம் என்னை பொக்கிஷமாய் வைத்தது நீ
காதலை என்னுள் மலரச் செய்ததும் நீ.....

நீ என்னுள் இணைந்துவிட
தீயாய் என்னை தகித்துவிட
யாதுமாய் என்றும் ஆகிவிட
என்னை நானே மறந்துவிட
சின்னதொரு அணைப்பு தந்துவிடு
முத்தமிட்டு சொல்லிவிடு
உன்மேல் எனக்கு காதல் என்று.....

சம்சுதீன் · சம்சுதீன் Sat Oct 02, 2010 2:04 am

படிக்க படிக்க இனிக்குது உங்கள் கவி வாழ்த்துகள் அக்கா

தேனி சூர்யாபாஸ்கரன் · 09/06/2010

" அக்காவின் கவி காதலில் "நீ" மட்டும் அதிகமில்லை..
காதலில் "தீ"யும் அதிகம் உண்டு..

அதில் குளிர்காய்கிறேன்.நான்.அக்கா..."

மஞ்சுபாஷிணி · மஞ்சுபாஷிணி Sat Oct 02, 2010 4:27 pm

சம்சுதீன் wrote:படிக்க படிக்க இனிக்குது உங்கள் கவி வாழ்த்துகள் அக்கா

அன்பு நன்றிகள் சம்சுதீன்.. எப்டி இருக்கீங்க எங்க இருக்கீங்க? வீட்டில் எல்லோரும் சௌக்கியமாப்பா?

ரபீக் · ரபீக் Sat Oct 02, 2010 4:31 pm

கார்த்திக் · கார்த்திக் Sat Oct 02, 2010 4:35 pm

அந்த நீ யாரென்று சொல்லவேல்லையே சோகம்

கலைவேந்தன் · கலைவேந்தன் Sat Oct 02, 2010 5:02 pm

எளிய வரிகளில் அரியதொரு காதலை மிகமிருதுவாக கைக்குழந்தைக்கு உணவு ஊட்டும் தாயின் அக்கறை போலவும் பூக்களைப் பறிக்கும்போது பூக்களுக்கு வலிக்குமோ என்னும் கவனத்துடன் பறிக்கும் பெண்களின் இதயம் போலவும் கடவுளுக்கு அலங்காரம் செய்யும் அர்ச்சகரின் பயபக்தியுடனும் தேர்வுக்கு படிக்கும் குழந்தையை கவனிக்கும் தாயின் அதீத அக்கறையுடனும் நோய்வாய்ப்பட்ட தந்தைக்கு பணிவிடை செய்யும் கடமை தவறாத மகனின் நெகிழ்ச்சியுடனும் அழகாக எழுதியிருக்கிறாய் மஞ்சு..!

எனது சிறப்புப்பாராட்டுக்கள்...!

மஞ்சுபாஷிணி · மஞ்சுபாஷிணி Sat Oct 02, 2010 5:38 pm

தேனி சூர்யாபாஸ்கரன் wrote:
" அக்காவின் கவி காதலில் "நீ" மட்டும் அதிகமில்லை..
காதலில் "தீ"யும் அதிகம் உண்டு..

அதில் குளிர்காய்கிறேன்.நான்.அக்கா..."

அன்பு அதிகமானதால் நீ அதிகமாகிறது பாஸ்கரா....

அன்பு நன்றிகள் பாசக்கார தம்பி பாஸ்கரா....

மஞ்சுபாஷிணி · மஞ்சுபாஷிணி Sat Oct 02, 2010 5:41 pm

கார்த்திக் wrote:

அந்த நீ யாரென்று சொல்லவேல்லையே

இதுக்கு போய் சோக ஐக்கானா கார்த்தி?

நேத்து சின்ன கோல்ட் வார் குட்டியூண்டு மனஸ்தாபம் எங்க வீட்டுக்காரரோடு... நான் நல்ல அன்பான மனைவி என்பதால் உடனே சரியும் பண்ணியாச்சு.... அதன் விளைவில் வந்த கவிதை தான் இது... இப்ப புரிஞ்சுடுத்தோன்னோ?? இனி சிரி பார்ப்போம் கார்த்தி....

முபிஸ் · முபிஸ் Sat Oct 02, 2010 6:03 pm

வாவ் மிகவும் அருமையாக உள்ளது அக்கா எங்கயோ போய்ட்டன்..உங்கள் வரிகளை படித்து கொண்டு உன்மேல் எனக்கு காதல் என்று..... 154550

Sponsored content · Sponsored content

உன்மேல் எனக்கு காதல் என்று.....

உன்மேல் எனக்கு காதல் என்று.....

Re: உன்மேல் எனக்கு காதல் என்று.....

Re: உன்மேல் எனக்கு காதல் என்று.....

Re: உன்மேல் எனக்கு காதல் என்று.....

Re: உன்மேல் எனக்கு காதல் என்று.....

Re: உன்மேல் எனக்கு காதல் என்று.....

Re: உன்மேல் எனக்கு காதல் என்று.....

Re: உன்மேல் எனக்கு காதல் என்று.....

Re: உன்மேல் எனக்கு காதல் என்று.....

Re: உன்மேல் எனக்கு காதல் என்று.....

Re: உன்மேல் எனக்கு காதல் என்று.....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக