என் (னைக்) காதலி...!

nraju · nraju Wed Aug 05, 2009 3:02 pm

First topic message reminder :

உன்னை காதலிக்கென்றேன் நான்‍-நீ
முறைப்பதன் அர்த்தமெனக்கு புரியவில்லை.
நித்திரை தொலைந்ததடி என்றேன் நான்
அது நிரந்தரமில்லை என்கின்றாய் நீ.

உன் விழி பார்த்து விக்கித்து நிற்கின்றேன் நான்
என்னை விட்டில் பூச்சி போல் பார்க்கின்றாய் நீ.
நீ இன்றியெனக்கு உலகில்லை என்றேன் நான்,
இரப்பதும் அளிப்பதும் காதல‌ல்ல என்கின்றாய் நீ.

காதல் கடிதம் தந்தேனடி உனக்கு-வெறும்
காகிதத்தில் வரைவது காதலா..? என்கின்றாய்.
இனக்கவர்ச்சி எனும் சொல்லை, உன்
நுனிநாக்கில் எனைக் கொல்லும் ஆயுதமாக்குகிறாய்.

பெற்றோரிடம் பேசவா..? என்றேன் நான்-நீயோ
என் பெயர் தெரியுமா உனக்கு..? என்கின்றாய் .
எவ்வளவு எடுத்துச் சொன்னாலும் என்னை,
எள்ளி நகையாடுவது ஏனடி..?

"கனவிலும் நீதானடி" என்றேன் நான்.நேற்றுதானே
நித்திரை தொலைத்தாயென நகைக்கிறாய் நீ. துயிலில்
காண்பது கனவல்ல, உன்னை துயிலுறத் தடுப்பதே
கனவென, கூண்டேற அப்துல் கலாமா வருவார்..?

வாழ்த்தட்டையில் மட்டுமிருக்காதடி என் காதல்‍-உன்
வாழ்வு வரை இருக்கும்.வார்த்தை ஒன்று மட்டும் சொல்லடி.
வாழும் வரை உனக்காய் வாழ்ந்திருப்பேன் உலகில்-நீ
மட்டும் இல்லையெனில் என்றோ வீழ்ந்திருப்பேன்.!

ஆட்டத்தில் என்னை இழந்து விட்டேன்- என்
அசலை உன் சிந்தையெனும் சந்தையில் விற்றுவிட்டேன்.
கூட்டத்தில் எங்கோ தொலைந்துவிட்டாய் நீ - உனைக்
கூப்பிடும் குரலுக்கும் செவிடியாய்.

என்ன நினைத்து உன்னை நினைத்தேனென‌
தெரியவில்லையடி சகியே, இன்று,
என்னையே என்னால் நினைக்க முடியவில்லை.
அது ஏனோ..? என்றும் விளங்கவில்லை.

காதலில் வென்ற காதல‌ரெலாம் - பெறும்
வெற்றியிலே தான் தோற்கின்றார்.ஆனால்,
நடக்கும் காதல் வேள்வியில் எப்போதும்
எனக்கு மட்டும் தோல்வியே.

"தோல்வியும் சுகமென" நான் இன்று
நாடகத்தனமாய் சொன்னாலும்,நாளை
"வேறொருத்தியை காதலிப்பேன்" என்பது
மட்டும் பூடகமான உண்மை.

Guest · Guest Wed Aug 05, 2009 8:28 pm

எப்டி தாயே உண்மைன்னு சொல்ல்ரீங்கள்

**Manik** · **Manik** Wed Aug 05, 2009 8:39 pm

சூப்பர் கவிதை....... இவ்ளோ நீளமா நம்ம சொல்ல வர்ர விசயத்தை கரெக்டா எடுத்துச் சொல்றது சாதாரண விசயம் இல்ல ராஜூ வாழ்த்துக்கள்....... உங்களின் முயற்சிக்கு வெற்றி நிச்சயம்

நிலாசகி · நிலாசகி Wed Aug 05, 2009 8:41 pm

மு௫கனடிமை wrote:எப்டி தாயே உண்மைன்னு சொல்ல்ரீங்கள்

முருகனடிமக்கு காதல்
அனுபவம் நிறைய..ஆனால் அதை மறைக்கிறார்

Guest · Guest Wed Aug 05, 2009 8:45 pm

நிலாசகி wrote:
மு௫கனடிமை wrote:எப்டி தாயே உண்மைன்னு சொல்ல்ரீங்கள்
முருகனடிமக்கு காதல்
அனுபவம் நிறைய..ஆனால் அதை மறைக்கிறார்

சே உண்மைலேயே நம்புங்கள்.

என் மூஞ்ச பாத்தா எந்த பொன்னும் விரும்ப மாட்டார்கள்.

அந்தளவுக்கு படு கேவலமாக இருப்பேன்.

அப்டி ஒரு வேலை என்னை எந்த பொன்னும் விரும்புனா அது ஒரு அதிசயம்தான்

Guest · Guest Wed Aug 05, 2009 8:53 pm

நிலா சகி அம்மையாரே

தங்களுக்கு ஏதேனும் அனுபவம் இருக்கிறதோ

nraju · nraju Thu Aug 06, 2009 9:19 am

எப்பா சாமிகளா..!
டக்ளஸும் ராஜூவும் ஒரே ஆளுதான்.
அது நாந்தான்.

Sponsored content · Sponsored content

என் (னைக்) காதலி...!

என் (னைக்) காதலி...!

Re: என் (னைக்) காதலி...!

Re: என் (னைக்) காதலி...!

Re: என் (னைக்) காதலி...!

Re: என் (னைக்) காதலி...!

Re: என் (னைக்) காதலி...!

Re: என் (னைக்) காதலி...!

Re: என் (னைக்) காதலி...!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக