வீட்டை இடித்து யானைகள் அட்டகாசம் வனத்துக்குள் விரட்டும் பணிகள் தீவிரம்

நவீன் · நவீன் Thu Sep 30, 2010 2:20 pm

வால்பாறை :
வீட்டை இடித்து யானைகள் அட்டகாசம் வனத்துக்குள் விரட்டும் பணிகள் தீவிரம் Tamil-nadu-paper-2306

வால்பாறை அருகே குடியிருப்பு பகுதியில் நுழைந்த யானை வீட்டை தாக்கி சேதப்படுத்தியது. தொடர்ந்து முகாமிட்டுள்ள யானைகளை விரட்ட வனத்துறையினர் தீவிரம் காட்டி வருகின்றனர். கோவை மாவட்டம் வால்பாறை வனப்பகுதியில் இருந்து யானைகள் அடிக்கடி வெளியேறி குடியிருப்புக்குள் நுழைந்து வீடுகள், ரேஷன்கடை, சத்துணவுக்கூடங்களை சேதப்படுத்தி வருகின்றன. சிறுகுன்றா குடியிருப்பையொட்டிய வனப்பகுதியில் 15 யானைகள் 3 குழுக்களாக பிரிந்து கடந்த 2 நாளாக உலா வருகின்றன. இதனால் குடியிருப்பு பகுதியில் உள்ள மக்கள் பீதியடைந்தனர்.மேலும் இதன் அருகே கீழ்நீராறு டனல், பாலாஜி கோயில், கூழாங்கல் ஆறு ஆகிய சுற்றுலா தலங்களுக்குச் செல்லும் முக்கிய ரோடு உள்ளதால் வாகனங்களில் செல்லும் சுற்றுலா பயணிகள் பீதியுடன் செல்கின்றனர். இதனால் யானைகளை வனத்துறையினர் திசைமாற்றி வனப்பகுதிக்கு விரட்டி வந்தனர். இந்நிலையில் நேற்று அதிகாலை யானைகள் சிலுவை மேட்டுப்பகுதிக்கு இடம்பெயர்ந்தது.அங்கு தோட்டத் தொழிலாளி மணி என்பவரது வீட்டை இடித்து சேதப்படுத்தியது. குடும்பத்தினர் வேறு அறைக்குள் புகுந்து உயிர் தப்பினர். தொடர்ந்து குருவம்பாடியிலுள்ள பெட்டிக்கடையின் ஜன்னலை உடைத்து தும்பிக்கையை விட்டு பொருள்களை சூறையாடியது. இவற்றை மானாம்பள்ளி வனத்துறையினர் வனஎல்லை வரை விரட்டினர். ஆனாலும் யானைகள் தொடர்ந்து எல்லையிலேயே முகாமிட்டுள்ளன. வனத்துறையினருக்கு போக்கு காட்டி வரும் யானைகளை வனத்துக்குள் விரட்டியடிக்கும் பணி முழுவீச்சில் நடக்கிறது.

கார்த்திக் · கார்த்திக் Thu Sep 30, 2010 2:21 pm

இதுங்க சல்ல தாங்க முடில

வீட்டை இடித்து யானைகள் அட்டகாசம் வனத்துக்குள் விரட்டும் பணிகள் தீவிரம்

வீட்டை இடித்து யானைகள் அட்டகாசம் வனத்துக்குள் விரட்டும் பணிகள் தீவிரம்

Re: வீட்டை இடித்து யானைகள் அட்டகாசம் வனத்துக்குள் விரட்டும் பணிகள் தீவிரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக