ரயில் மோதி தூள் தூளானது டாரஸ் லாரி ஆளில்லாத ரயில்வே கேட்டில் பயங்கரம்

விழுப்புரம் : திண்டிவனம் அருகே ஆளில்லாத ரயில்வே கேட்டை கடக்க முயன்றடாரஸ் லாரி திடீரென பழுதாகி ரயில் பாதையில் நின்றதால், ரயில் மோதிவிபத்துக்குள்ளானது. லாரி டிரைவரும், கிளீனரும் கீழே குதித்துஅதிர்ஷ்டவசமாக உயிர் தப்பினர். பெங்களூரிலிருந்து புதுச்சேரிக்குகட்டுமானப் பொருட்களை (÷ஷாகேஸ் ஓடுகள்) ஏற்றிக் கொண்டு டாரஸ் லாரி ஒன்று(கேஏ05 ஏஈ 6188) நேற்று முன்தினம் இரவு விழுப்புரம் மாவட்டம் ரெட்டணைவழியாக புதுச்சேரிக்கு சென்று கொண்டிருந்தது. கிருஷ்ணகிரி மாவட்டம்ஊத்தங்கரை அடுத்த கரியப்பெருமாள்வலசை கிராமத்தைச் சேர்ந்த டிரைவர்சங்கர்(35) லாரியை ஓட்டி வந்தார். தர்மபுரி மாவட்டம் வாடிப்பட்டிபுதூரைச்சேர்ந்த உமாபதி(39) கிளீனராக உடன் வந்தார். ரெட்டணை வழியாக நேற்று அதிகாலைலாரி வந்தபோது, மயிலம் ரயில்வே கேட் பழுதாகி மூடப்பட்டிருந்தது. இதனால்,அவ்வழியாக வந்த பல வாகனங்கள் திரும்பி, குறுக்கு பாதையான முப்புலி,அவ்வையார் குப்பம், தென்பசார் வழியாக சென்னை நெடுஞ்சாலைக்குச் சென்றன.இதைத் தொடர்ந்து அதிகாலை 4 மணிக்கு டாரஸ் லாரியும் சென்றபோது, தென்பசாரில்உள்ள ஆளில்லாத ரயில்வே கேட்டை கடக்க முயன்றது. அப்போது, திடீரென லாரிபழுதாகி ரயில் பாதையின் குறுக்கே நின்றது.
லாரியை டிரைவர் எடுக்க முயன்றபோது, விழுப்புரத்திலிருந்து சென்னைநோக்கி ராமேஸ்வரம் விரைவு ரயில் திடீரென வந்ததைப் பார்த்த டிரைவர்சங்கரும், கிளீனர் உமாபதியும் லாரியிலிருந்து கீழே குதித்து ஓடிவிட்டனர்.அதிவேகமாக வந்த ராமேஸ்வரம் விரைவு ரயில், லாரியின் மீது மோதியது. இந்தவிபத்தில் டாரஸ் லாரி தூக்கி வீசப்பட்டு டயர்கள், இன்ஜின் பாகங்கள், சேஸ்மற்றும் கட்டுமானப் பொருட்கள் சிதைந்து துண்டு துண்டாக 100 மீட்டர்தொலைவிற்கு சிதறிக் கிடந்தன. சற்று தொலைவில் ரயிலை நிறுத்திய டிரைவர்கள்நாகசாமி, அசோக்குமார், கார்டு கல்யாணசுந்தரம் ஆகியோர் ரயில்வேஅதிகாரிகளுக்கு தகவல் கொடுத்தனர். சென்னை கோட்ட ரயில்வே ஏ.டி.ஆர்.எம்.,ஜான் தாமஸ் தலைமையிலான ரயில்வே அதிகாரிகளும், திண்டிவனம் தாசில்தார்வேலாயுதம், ரயில்வே பாதுகாப்பு படை எஸ்.பி., மவுரியா தலைமையிலானஅதிகாரிகளும் விசாரணை நடத்தினர்.
விபத்தில் சேதமடைந்து கிடந்த லாரியின் பாகங்கள், சிதறிக் கிடந்தகட்டுமானப் பொருட்களை பொக்லைன் மூலம் அப்புறப்படுத்திய பின், அதிகாலை 5.20மணிக்கு ராமேஸ்வரம் விரைவு ரயில் புறப்பட்டு சென்றது. இன்ஜினின் இடதுபுறம் சேதமாகியதால், ஒலக்கூர் ரயில் நிலையம் வரை கோச்சுகளுடன் எடுத்துச்சென்றனர். பின், சென்னையிலிருந்து கொண்டு வரப்பட்ட மாற்று ரயில் இன்ஜின்மூலம் ராமேஸ்வரம் விரைவு ரயில் புறப்பட்டது. இந்த விபத்தால், அதிகாலையில்பின்தொடர்ந்து வந்த நெல்லை, கன்னியாகுமரி, பொதிகை, அனந்தபுரி, முத்துநகர்உள்ளிட்ட ரயில்கள் விழுப்புரம், முண்டியம்பாக்கம் பகுதிகளில் உள்ள ரயில்நிலையங்களில் நிறுத்தி வைக்கப்பட்டு, ஒன்றரை மணி நேரம் காலதாமதமாகபுறப்பட்டு சென்றன. விபத்திற்கு காரணமான லாரி டிரைவர் சங்கர், கிளீனர்உமாபதி ஆகிய இருவரையும் கைது செய்த போலீசார் விசாரணை நடத்தி வருகின்றனர்.
அலட்சியத்தால் நேர்ந்த விபத்து : திண்டிவனம் அருகேயுள்ள மயிலம்ரயில்வே கேட்டில், நேற்று முன்தினம் நள்ளிரவில் பழுது ஏற்பட்டது.அவ்வழியாக வந்த வாகனங்கள் மாற்றுப் பாதையில் சென்றுள்ளன. இதே வழியில்டாரஸ் லாரியும் சென்றுள்ளது. அதிக வளைவுகளுடன் கூடிய குறுகிய சாலையில்வந்த லாரி, (சென்னையிலிருந்து 131வது கிலோ மீட்டரில் உள்ள) தென்பசார்ஆளில்லாத ரயில்வே கேட்டை அடைந்தது. அதிக லோடு காரணமாக ரயில் பாதை அருகேகுறுகிய சாலையைக் கடந்து, ரயில் பாதையின் முகப்பில் லாரி சிக்கி நின்றது.அப்போது, 100 கி.மீ., வேகத்தில் வந்த விரைவு ரயில், லாரியின் முகப்புபகுதியில் மோதி தூக்கி வீசியதால் லாரி உருக்குலைந்து போனது. அதிக சாலைவளைவுகளும், பராமரிக்காத சாலையினால் லாரி எளிதாக ரயில் பாதையை கடக்கமுடியாமல் சிக்கியது. மயிலம் கேட் பழுதானால், இந்த மாற்றுப் பாதையைத் தான்வாகன ஓட்டிகள் பயன்படுத்தி வருகின்றனர். இது தெரிந்தும், ஆளில்லாத ரயில்வேகேட் பகுதியில் சாலை சீரமைக்கப்படாமல் அலட்சியமாக விட்டுள்ளனர். விபத்துநடந்த பின், அவசரமாக கிராவல்களை கொட்டி ரயில் பாதை சந்திக்கும் சாலையைசீரமைத்துள்ளனர். இருபுறமும் மண்டிக் கிடந்த புதர்களை வெட்டிஅப்புறப்படுத்தினர். இதை முன்கூட்டியே செய்திருந்தால், கனரக வாகனங்கள்அவ்வழியாக வருவதையும் தடுத்திருக்க முடியும்; வாகன ஓட்டிகளும் ரயில்பாதையை கண்காணித்து சென்றிருப்பர்.