போலி டாக்டருக்கு உதவி பெண் டாக்டர் வேலை போச்சு

கோட்டயம் : போலி டாக்டருக்கு உதவி செய்த பெண் டாக்டர், பணியில் இருந்துவிடுவிக்கப்பட்டார். கேரள மாநிலம் கோட்டயம் மாவட்ட அரசு மருத்துவமனையில்புறநோயாளிகள் சிகிச்சை பிரிவில் பணியாற்றிய செங்களம் பகுதியைச் சேர்ந்தரோயிஷ் டி.ராஜு(22) என்ற போலி டாக்டர் கைது செய்யப்பட்டார். இவர் ஒருமாதத்திற்கு முன், அம்மருத்துவமனையில் நீண்ட காய்ச்சல் காரணமாகஅனுமதிக்கப்பட்டு சிகிச்சை பெற்றார். அப்போது, அவருக்கு சிகிச்சை அளித்தடாக்டர்களிடம் தான் மருத்துவக் கல்லூரி மாணவன் என்றும், வறுமை காரணமாககல்வியை தொடர முடியாமல் போனது என்றும் பொய் சொல்லி நடித்துள்ளார். அவரதுபொய்யை உண்மை என நம்பிய டாக்டர்கள், அவருக்கு சிகிச்சை அளித்து அவர்குணமானதும் அதே மருத்துவமனையில் புறநோயாளிகள் பிரிவில் டாக்டரின்உதவியாளராக அமர்த்தினர்.
இது குறித்து தகவல் கிடைத்ததும் போலீசார் இரு தினங்களுக்கு முன் அவரைகைது செய்தனர். இச்சம்பவம் குறித்து மாவட்ட மருத்துவ அதிகாரி விசாரணைநடத்தி அறிக்கை அளிக்குமாறு அரசு உத்தரவிட்டது. இதையடுத்து விசாரணைநடத்திய மருத்துவ அதிகாரி, அம்மருத்துவமனையில் ஒப்பந்த அடிப்படையில்பணியாற்றி வரும் டாக்டர் தீபா என்பவர் தான் போலி டாக்டருக்கு உதவினார்என்பது தெரிந்தது. விசாரணையில், திருவல்லா மருத்துவக் கல்லூரியில் தான்படித்ததாகவும், தேர்வெழுத பணம் இல்லாததால் தொடர்ந்து படிக்க முடியாமல்போனதாகவும் டாக்டர் தீபாவிடம் ரோயிஷ் கூறி உள்ளார். மேலும் தனக்குஇம்மருத்துவமனையில் பயிற்சி பெற வாய்ப்பு அளிக்குமாறும் கோரியிருந்தார்.டாக்டர் தீபா தன் சக டாக்டர்களிடமும், உயரதிகாரிகளிடமும்தெரிவித்துள்ளார். ஆனால், ரோயிஷ், நோயாளிகளை சந்தித்து மருத்துவ ஆலோசனைவழங்கக் கூடாது என அவருக்கும் அவருக்கு உதவியதாக கூறப்படும் டாக்டர்தீபாவையும் அதிகாரிகள் எச்சரித்திருந்தனர். ஆனால், தொடர்ந்து ரோயிஷ் கைதுசெய்யப்படும் வரை நோயாளிகளை சந்தித்து சிகிச்சையும், ஆலோசனையும் வழங்கிவந்தார். இதையடுத்து, தீபாவை பணியில் இருந்து விடுவிக்குமாறுஉத்தரவிடப்பட்டது. இச்சம்பவத்தில் கைது செய்யப்பட்ட ரோயிஷ், கோர்ட்டில்ஆஜர்படுத்தப்பட்டு சிறையில் அடைக்கப்பட்டார்.