பிணவறையில் "ஏசி' இயங்காததால் துர்நாற்றம் : நோயாளிகள், குடியிருப்புகளில் உள்ளோர் தவிப்பு

விருதுநகர் : விருதுநகர் அரசு ஆஸ்பத்திரி பிணவறையில் "ஏசி' இயங்காததால்பிரேத பரிசோதனை அறையில் வைக்கப்படும் பிணங்களிலிருந்து வீசும்துர்நாற்றத்தால் அருகில் உள்ள குடியிருப்புகளில் வசிப்போர், நோயாளிகள்அவதிப்பட்டு வருகின்றனர்.
ஓராண்டாக பிணவறையில் "ஏசி' இயங்கவில்லை.இதனால் ஆஸ்பத்திரிக்கு கொண்டு வரப்படும் பிணங்கள் உடனடியாக பிரேத பரிசோதனைசெய்யப்பட்டு அப்புறப்படுத்த வேண்டிய கட்டாயம் ஏற்பட்டள்ளது. ரயில்,நான்கு வழிச்சாலையில் ஏற்படும் விபத்துக்களில் உயிரிழப்போர் பற்றியஅடையாளம் உடனே தெரியாததால் பிணங்களை சில நாட்கள் வரை பிரேத பரிசோதனைஅறையிலேயே வைத்திருக்கின்றனர். மேலும், ரயில் விழுந்து தற்கொலை செய்வோர்,அல்லது ரயிலில் அடிபட்டு இறந்து கிடப்போர் பற்றிய தகவல் ரயில்வேபோலீசாருக்கு தாமதமாக கிடைக்கிறது. அவர்கள் ஒரு நாள் கழித்து பிணத்தை அரசுஆஸ்பத்திரிக்கு கொண்டு வருகின்றனர்.
அடுத்த நாளே பிணங்களிலிருந்துதுர்நாற்றம் வீச துவங்குகிறது. நாளாக, நாளாக குடலை பிடுங்கும் வகையில்வீசும் கடும் துர்நாற்றத்தால் பிரேத பரிசோதனை அறை அருகேயுள்ள ஆஸ்பத்திரிஊழியர் குடியிருப்பு மற்றும் வெளியே குடியிருப்புகளில் இருப்போர்அவதிப்பட்டு வருகின்றனர்.
பிணங்கள் அடையாளம் காணும் வரை சிலநேரங்களில் ஒரு வாரத்திற்கும் மேலாக பிணங்கள் துர்நாற்றம் வீசும் நிலையில்அப்படியே வைக்கப்பட்டுள்ளன. இதனால் பிணவறையில் உள்ள "ஏசி'யை பழுது நீக்கவேண்டும். இதுதவிர புதிதாக கட்டப்பட்ட பிரசவ வார்டில் போதுமான கழிப்பறைகள்இல்லாததால் பெண்கள் பெரிதும் சிரமத்திற்கு ஆளாகி உள்ளனர். எலும்பு முறிவுபிரிவில் தலைமை டாக்டர் மட்டுமே உள்ளார். உதவி டாக்டர்கள்நியமிக்கப்படாததால் எலும்பு முறிந்து வருவோர் உடனடியாக மதுரைக்கு அனுப்பிவைக்கப்படுகின்றனர். இதனால் உதவி டாக்டர்களை உடனடியாக நியமிக்க வேண்டும்.
அமைச்சர்திறந்து வைத்தும் பயன்பாட்டுக்கு வராத பிரிவு : விருதுநகர் அரசுஆஸ்பத்திரியில் 100 படுக்கைகள் கொண்ட பிரசவ வார்டு, வெளி நோயாளிகள் பிரிவுரூ.3.70 கோடி செலவில் கட்டப்பட்டது. இதை செப். 9 ல் அமைச்சர் பன்னீர்செல்வம் திறந்து வைத்தார். ஆனால், வெளி நோயாளிகள் பிரிவு தரைதளம் மேடு,பள்ளமாக இருந்தால் பதித்த டைல்ஸ்களை அகற்றிவிட்டு தரைதளத்தை சமமாக அமைத்துதர ஆஸ்பத்திரி நிர்வாகத்தினர் பொதுப்பணித்துறையினரிடம் கோரினர்.இதையடுத்து தரை தளம் சீரமைக்கும் பணி நடந்து வருகிறது. இணைஇயக்குனர் ரத்தினராஜ் கூறியதாவது: வெளிநோயாளிகள் பிரிவு ஒருவாரத்தில்செயல்படும், என்றார்.