இறந்த தம்பியின் உடலை வீட்டில் வைத்திருந்த சகோதரிகள்

கார்த்திக் · கார்த்திக் Thu Sep 30, 2010 5:07 am

சேலம் பொன்னம்மாபேட்டையை சேர்ந்தவர் கந்தசாமி-தமிழரசி தம்பதியினர் இறந்துவிட்டனர். இவர்களுக்கு அருள்மொழி, எழில்விழி, மலர்விழி என்ற மகள்களும், செந்தில்குமார் (30) என்ற மகனும் இருந்தனர்.

அருள்மொழி எம்.ஏ. பி.எல் படித்துள்ளார். எழில்விழி எம்.ஏ. எம்.பில்லும், மலர்விழி பிஎஸ்.சியும், செந்தில்குமார் பி.ஏ.வும் படித்துள்ளனர். இந்நிலையில், உடல்நலம் பாதிக்கப்பட்ட நிலையில் கடந்த 6 மாதத்துக்கு முன்பு மலர்விழி இறந்தார்.

இதற்கிடையில், செந்தில்குமாரும் உடல்நலம் பாதிக்கப்பட்டார். இந்நிலையில் அருள்மொழி, எழில்விழி, செந்தில்குமார் ஆகியோர் வீட்டை விட்டு வெளியே வருவதில்லை.

இதனால் அவர்கள் மன அழுத்த நோயால் பாதிக்கப்பட்டனர். அக்கம்பக்கத்தினருடன் அடிக்கடி வாக்குவாதத்தில் ஈடுபட்டதால், அந்த தெருவை சேர்ந்தவர்களும் அவர்களை ஒதுக்கினர்.

இந்நிலையில், உடல்நலம் பாதிக்கப்பட்டிருந்த செந்தில்குமார் நேற்றுமுன்தினம் இறந்தார். இதன்பின்பு, அருள்மொழியும், எழில்விழியும் வீட்டினுள் உடலை வைத்து, மாலை அணிவித்து அருகில் அமர்ந்து கொண்டனர்.

கடந்த 2 நாளாக சடலத்தை எடுக்கவில்லை. இதையறிந்த அப்பகுதி மக்கள், போலீசுக்கு தகவல் தெரிவித்தனர். எஸ்.ஐ.கோவிந்தராஜ், அப்பகுதி கவுன்சிலர் பிரகாஷ் ஆகியோர் அங்கு வந்தனர்.

அவர்களிடம், ‘எங்களுக்கு உதவ யாரும் இல்லை, தம்பியின் உடலை அடக்கம் செய்ய பணம் இல்லை’ என்று சகோதரிகள் கண்ணீர் மல்க தெரிவித்தனர்.

இதையடுத்து, அப்பகுதி மக்களும், கவுன்சிலரும் வசூல் செய்து, உடலை தகனம் செய்வதற்கான ஏற்பாடுகளை செய்தனர்.

நக்கீரன்

இறந்த தம்பியின் உடலை வீட்டில் வைத்திருந்த சகோதரிகள்

இறந்த தம்பியின் உடலை வீட்டில் வைத்திருந்த சகோதரிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக